Toʼol tʼan jach bʌ: Jiñi i testigojob Jehová maʼañic miʼ melob jiñi Domingo de resurrección come mach xñoptʼañobic.

 Isujmʌch bʌ: Mi lon c ñop Jesucristo bajcheʼ lon c yaj coltaya yicʼot mic chaʼlen lojon wersa chaʼan mic tsajcan lojon majlel (1 Pedro 2:21; Lucas 2:11).

 Toʼol tʼan jach bʌ: Jatetla maʼañic miʼ laʼ ñop chaʼan tsaʼʌch chaʼ tejchi Jesús.

 Isujmʌch bʌ: Mach cojach mi lon c ñop chaʼan tsaʼʌch chaʼ tejchi Jesús, yaʼʌch chucul jaʼel muʼ bʌ lon c ñop. Cheʼ jaʼel, mi lon c taj ti tʼan cheʼ bʌ mi lon c chaʼlen subtʼan (1 Corintios 15:3, 4, 12-15).

 Toʼol tʼan jach bʌ: Maʼañic mi’ yʌcʼob jiñi yalobilob chaʼan miʼ ñusañob i bʌ ti jiñi qʼuiñijel tac.

 Isujmʌch bʌ: Mi lon j cʼuxbin lon calobil i mi lon c chaʼlen wersa chaʼan mi lon j cʌntesan ti wen yicʼot chaʼan tijicña miʼ yajñelob (Tito 2:4).

•   Jiñi qʼuiñijel chaʼan Domingo de resurrección mach loqʼuemic ti Biblia.

•   Jesús tsiʼ yʌlʌ chaʼan miʼ cʼajtesʌntel cheʼ bʌ tsaʼ chʌmi, pero maʼañic tsiʼ yʌlʌ chaʼan miʼ cʼajtesʌntel cheʼ bʌ tsaʼ chʼojyi. Jiñi i testigojonbʌlon Jehová mi lon j cʼajtesan ti jujumpʼejl jab cheʼ bʌ tsaʼ chʌmi Jesús, i mi lon c mel cheʼ bajcheʼ miʼ yʌl jiñi calendario muʼ bʌ i cʼʌjñel ti wajali (Lucas 22:19, 20).

•   Cujil lojon chaʼan jiñi costumbre tac bajcheʼ jiñi Domingo de resurrección tilem jach ti ñopbalʌl mach bʌ isujmic i mach weñic miʼ qʼuel Dios. Mi’ yubin i chʼijyemlel cheʼ bʌ mi lac mel muʼ bʌ i tsʼaʼlen come yom chaʼan jin jach mi lac chʼujutesan (Éxodo 20:5; 1 Reyes 18:21).

 Mi lon c ñop chaʼan cheʼ maʼañic mi lon c mel jiñi Domingo de resurrección chaʼañʌch chucul ti Biblia. Iliyi miʼ mejlel i coltañonla chaʼan mi lac «wen ñaʼtan pañimil» yicʼot mi lac wen cʼʌn lac ñaʼtʌbal, i mach lac toʼol jacʼ lac mel costumbre tac maʼañic bʌ loqʼuem ti Biblia (Proverbios 3:21; Mateo 15:3). Isujmʌch chaʼan mucʼʌch lon tsictesʌben cheʼ bʌ an majqui miʼ cʼajtibeñon lon jiñi muʼ bʌ lon c ñop, pero maʼañic mi lon c xicʼ chaʼan miʼ jacʼob muʼ bʌ lon c ñop (1 Pedro 3:15).