Jiñi i testigojonbʌlon Jehová, mi lon c chaʼlen tʼan quicʼot lon yambʌ quixtañujob añoʼ bʌ i ñopbal, pero ili mach yom yʌl chaʼan junlajal muʼ bʌ lon c ñop yicʼot jiñi chʼujutesaya. Jiñi Biblia miʼ yʌl chaʼan jiñi isujm bʌ xñoptʼañob juntemel miʼ yajñelob. Junchajp muʼ bʌ i coltañob chaʼan cheʼʌch miʼ yajñelob jin cheʼ lajal muʼ bʌ i ñopob (Efesios 4:16; 1 Corintios 1:10; Filipenses 2:2). Mach cojach jin miʼ qʼuelob ti ñuc jiñi cʼuxbiya, pʼuntaya yicʼot jiñi ñusa mulil. Jiñi muʼ bʌ lon c ñop yaʼ chucul ti sujmlel muʼ bʌ i yʌl jiñi Biblia, mi mach cheʼiqui maʼañic i cʼʌjñibal (Romanos 10:​2, 3).

 Jiñi Biblia miʼ yʌl chaʼan mach mejl ti tem ajñel yicʼot jiñi mach lajalobic i ñopbal yicʼot chuqui ti wocol mi mejlel i taj jiñi xñoptʼan (2 Corintios 6:14-17). Jesús maʼañic tsiʼ mulaj chaʼan jiñi xcʌntʼañob i chaʼan miʼ tem ajñel yicʼot jiñi yʌñʌloʼ bʌ i ñopbal (Mateo 12:30; Juan 14:6). Cheʼ jeʼel, jiñi Mandar tsaʼ bʌ aqʼuenti Moisés tsaʼ subentiyob chaʼan jiñi israelob mach yom miʼ comol chaʼleñob chʼujutesaya yicʼot jiñi yambʌ tejclumob (Éxodo 34:11-14). Jiñi xucʼul bʌ israelob maʼañic tsiʼ jacʼʌyob i coltʌntel chaʼan yambʌ tejclum tac come i wocolel tajol jin cheʼ mi temob i bʌ chaʼan chʼujutesaya (Esdras 4:​1-3).

 Mucʼʌch. Lajal bajcheʼ tsiʼ mele jiñi apóstol Pablo, mi lon c mulan j cʌn chuqui mi ñaʼtan yicʼot i ñopbal tiʼ «pejtelel winicob» yaʼ ti lon c subtʼan (1 Corintios 9:19-22). Cheʼ bʌ mi lon c pejcan jiñi quixtañujob, mi cʌcʼ lon wersa chaʼan tiʼ «uts bʌ tʼan»mi lon c mel cheʼ bajcheʼ miʼ yʌl jiñi Biblia (1 Pedro 3:​15).