Mucʼʌch. Ti lon c pejtelel bajcheʼ i testigojob Jehová, anquese baqui jach chumulon lojon, mi lon c mulan jiñi eʼtel bajcheʼ misionerojob yicʼot mic sub lojon jiñi wen tʼan loqʼuem bʌ ti Biblia ti baqui jach (Mateo 28:19, 20).

 Cheʼ jaʼel, an Testigojob muʼ bʌ i majlelob ti subtʼan o muʼ bʌ i junyajlel majlelob ti chumtʌl ti yambʌ parte ti jiñi país baqui chumulob, chaʼan miʼ subeñob jiñi wen Tʼan i chaʼan bʌ Dios jiñi quixtañujob maʼañic bʌ ubibil i chaʼañob. Yicʼot jaʼel, an muʼ bʌ i majlelob ti yambʌ país tac. Tiʼ pejtelel miʼ yubiñob i tijicñʌyel cheʼ bʌ miʼ coltañob chaʼan miʼ tsʼʌctiyel jiñi profecía tsaʼ bʌ i yʌlʌ Jesús: ‹Chaʼan miʼ subob cʼʌlʌl ti ñajt bʌ pañimil chuqui tsaʼ bʌ i qʼueleyob› (Hechos 1:8).

 Cheʼ ti 1943, tsaʼ tejchi jumpʼejl cʌntesʌntel chaʼan miʼ chajpʌntel jiñi misionerojob, i cʼabaʼ jiñʌch: Cʌntesʌntel loqʼuem bʌ ti Biblia i chaʼan Galaad de la Watchtower. Cʼʌlʌl ti ili ora, ñumen ti 8 mil Testigojob an i chʼʌmʌyob ili cʌntesʌntel.