Jiñi tʼan am bʌ ti griego tsaʼ bʌ ñaxan cʼʌjñi yaʼ ti Biblia yicʼot muʼ bʌ i chaʼlentel ti traducir cheʼ bajcheʼ «iglesia» yom yʌl jumpʼejl congregación o junmojt xucʼuloʼ bʌ, i mach i cʼabaʼic jumpʼejl otot baqui miʼ mejlel tempa bʌ.

 Jumpʼejl ejemplo, cheʼ bʌ jiñi apóstol Pablo tiʼ tsʼijbube majlel jiñi xñoptʼañob yaʼ ti Roma, tsiʼ chocbe majlel cortesía jiñi xñujpuñijel Áquila yicʼot Priscila, i tsiʼ yʌlʌ ili tʼan: «Aqʼuenla saludo jiñi iglesia muʼ bʌ i tempan i bʌ yaʼ ti i yotot» (Romanos 16:5, Nueva Versión Internacional). Mi lac taj laj qʼuel chaʼan Pablo tsiʼ chocbe majlel cortesía junmojt wiñicob xʼixicob, ili yom yʌl jiñi congregación tsaʼ bʌ i tempañob i bʌ ti jiñi otot. a

 Jin chaʼan, maʼañic mic suben lojon iglesia yaʼ baqui mic mel lojon jiñi chʼujutesaya, ñumen wen mi cubin lojon cheʼ i Yotlel Tempa bʌ i cʼabaʼ.

 Ti jujumpʼejl semana, cabʌl quixtañujob tiʼ pejtelel pañimil miʼ tempañob i bʌ.

•   Melbil otot tac chaʼan miʼ mejlel ili tempa bʌ tac.

•   Mic tempan lojon c bʌ chaʼan mi lon c ñuqʼuesan Jehová, jiñi Dios muʼ bʌ i taj ti tʼan jiñi Biblia yicʼot jiñi muʼ bʌ lon cʌcʼ ti cʌñol (Salmo 83:18; Isaías 43:12).

•   Cheʼ jaʼel, mic tempan lon c bʌ chaʼan mi lon c ñumen cʌn jiñi i Yumʌntel Dios, jiñi tsaʼ bʌ i wen alʌ Jesús (Mateo 6:9, 10; 24:14; Lucas 4:43).

 Mic poj pʌyet lojon chaʼan maʼ julaʼtan jumpʼej i Yotlel Tempa bʌ lʌcʼʌl bʌ baqui chumulet chaʼan maʼ qʼuel bajcheʼ yilal miʼ melob i tempa bʌ tac jiñi i testigojob Jehová.