Mucʼʌch. Joñon lojon bajcheʼ i testigojob Jehová mi lon chʼʌm tsʼʌcʌntel ti doctor yicʼot mic mejlel lon jap tsʼac tac. Anquese mic chaʼlen lojon wersa chaʼan mij cʌntan lojon c bʌ, pero an tajol cʼʌñʌl mi lon c majlel ti doctor (Lucas 5:31). Cheʼ bajcheʼ jiñi xtsʼʌcaya Lucas, juntiquil xñoptʼan ti ñaxam bʌ siglo, an i testigojob Jehová yujiloʼ bʌ tsʼʌcaya jaʼel (Colosenses 4:14).

 Pero maʼañic mi lon chʼʌm tsʼʌcʌntel am bʌ tiʼ contra jiñi principio tac loqʼuem bʌ ti Biblia. Jumpʼejl ejemplo, come jiñi Biblia mi yʌl chaʼan mach yomic mi laj chʼʌm jiñi chʼichʼ, jin chaʼan maʼañic mi lon jacʼ chaʼan mi’ yochel chʼichʼ ti lon c bʌcʼtal (Hechos 15:20). Cheʼ jaʼel, jiñi Biblia mi yʌl chaʼan mach weñic jiñi tsʼʌcʌntel baqui muqʼuix i yotsañob i bʌ jiñi xwujtob (Gálatas 5:​19-21).

 Isujmʌch, mach tiʼ pejtelelic jiñi tsʼʌcʌntel an tiʼ contra jiñi principio tac loqʼuem bʌ ti Biblia, jin chaʼan, an tiʼ wenta ti jujuntiquil Testigo baqui bʌ tsʼʌcʌntel mi caj i chʼʌm. Tajol an juntiquil mucʼʌch bʌ caj i chʼʌm jumpʼejl tsʼʌcʌntel o i jap jumpʼejl tsʼac, pero tajol jiñi yambʌ maʼañic mi caj i chʼʌm (Gálatas 6:5).