Jiñi Central mundial i chaʼan i testigojob Jehová yaʼʌch an ti Estados Unidos. Pero mach jumpʼejlic secta tilem bʌ ti Norteamérica. Qʼuele chucoch.

•   Chaʼtiquil uxtiquil mi’ yʌlob chaʼan jiñi secta jiñʌch junmojt quixtañujob muʼ bʌ i tʼoxob loqʼuel i bʌ tiʼ jumpʼejl ñopbalʌl chaʼan miʼ bajñel melob i chaʼan. Pero jiñi i testigojob Jehová maʼañic tsiʼ tʼoxoyob loqʼuel i bʌ ti yambʌ ñopbalʌl. Mic chaʼlen lojon wersa chaʼan mi lon c mel cheʼ bajcheʼ jiñi xñoptʼañob ti ñaxam bʌ siglo.

•   Ñumen ti 230 país yicʼot tejclum tac baqui añob jiñi testigojob Jehová. Mach lon wentajic baqui chumulon lojon, come jiñi lon xucʼtilel cojach miʼ mejlel cʌqʼuen lojon Jehová yicʼot Jesucristo, mach jiñic yumʌlob ti Estados Unidos mi jiñic to ti yambʌ yumʌlob ti pañimil (Juan 15:19; 17:15, 16).

•   Mi lon c ñop muʼ bʌ i pʌs jiñi Biblia, i mach jiñic muʼ bʌ i tsʼijbuñob jiñi ñucoʼ bʌ i yeʼtel ti ñopbalʌl tilemoʼ bʌ ti Norteamérica (1 Tesalonicenses 2:13).

•   xCʌntʼan i chaʼañon lojon Jesucristo, i mach i chaʼañic juntiquil wiñic (Mateo 23:8-10).