Maʼañic. Millón quixtañujob tsaʼ bʌ chumleyob ti wajali yicʼot mach bʌ añic tsaʼ sujtiyob ti i testigojob Jehová mi caj i chaʼ aqʼuentelob i yorajlel chaʼan miʼ mejlel i tajob i coltʌntel. Jiñi Biblia miʼ tsictesan chaʼan ti jiñi tsijiʼ bʌ pañimil albil bʌ i chaʼan Dios «mi caj i chʼojyelob jiñi chʌmeñoʼ bʌ, jiñi tojoʼ bʌ yicʼot jiñi mach bʌ tojobic» (Hechos 24:15). Cheʼ jaʼel, an to cabʌl quixtañujob muʼ bʌ mejlel i tech i melbeñob i yeʼtel Dios chaʼan miʼ tajob i coltʌntel. Pero maʼañic ti lon c wenta chaʼan mi lon cʌl majqui mi caj i taj i coltʌntel yicʼot majqui maʼañic bʌ mi caj i taj. Jiñi muʼ bʌ i cajel ti meloñel tiʼ tojlel jiñi wiñicob xʼixicob jiñʌch Jesucristo (Juan 5:22, 27).