Mucʼʌch. Joñon lojon bajcheʼ i testigojob Jehová lʌcʼʌ cheʼ bʌ tiʼ pejtelel ora mij coltan lojon jiñi wiñicob xʼixicob añoʼ bʌ ti tsʌts bʌ wocol. Mij coltan lojon jiñi Testigojob yicʼot jiñi mach bʌ Testigojobic, cheʼ bajcheʼ mi yʌl jiñi principio loqʼuem bʌ ti Biblia am bʌ yaʼ ti Gálatas 6:10 ti jiñi Biblia Jini wem bʌ tʼan: «Cheʼ an bajcheʼ chʼujbi laj cotyan lac piʼʌlob yom mi laj cotyañob. Más tyo yom mi laj cotyañob la quermañujob jini chʌncol bʌ i chʼujbiñob Dios jeʼel». Cheʼ jaʼel, mic tijicñesʌben lojon yicʼot mic ñuqʼuesʌben lojon i pusicʼal jiñi woli bʌ i ñusañob tsʌts bʌ wocol (2 Corintios 1:3, 4).

 Cheʼ bʌ miʼ ñumel jumpʼej tsʌts bʌ wocol, jiñi ancianojob miʼ chaʼleñob wersa chaʼan miʼ pejcañob tiʼ pejtelel jiñi muʼ bʌ i tempañob i bʌ yaʼ ti congregación chaʼan miʼ ñaʼtañob bajcheʼ yilal añob yicʼot chuqui yomob. Cheʼ jiñi, miʼ chocob majlel tʼan yaʼ ti sucursal chaʼan miʼ ñaʼtañob bajcheʼ an jiñi wocol yicʼot jiñi coltaya aqʼuebil bʌ i chaʼañob ti jiñi bʌ ora.

 Mi jiñi congregación tac mach mejlic i luʼ aqʼuen chuqui yomob jiñi woli bʌ i ñusañob tsʌts bʌ wocol, jiñi Junmojt muʼ bʌ i pʌsoʼ bij i chaʼan i testigojob Jehová miʼ chajpañob i bʌ chaʼan mi’ chocob majlel coltaya tac. Jiñi sucursal miʼ waʼchocon hermanojob chaʼan miʼ chaʼleñob eʼtel bajcheʼ Comité de socorro (Proverbios 17:17). Cheʼʌch tsaʼ mejli jaʼel cheʼ ti ñaxam bʌ siglo cheʼ bʌ tsiʼ ñusayob wen tsʌts bʌ wiʼñal yonlel xñoptʼañob (1 Corintios 16:1-4).

 Lamital jiñi taqʼuin muʼ bʌ i yʌcʼob wiñicob xʼixicob loqʼuemob bʌ tiʼ pusicʼal muʼ bʌ i chojquel majlel yaʼ ti sucursal i chaʼan i testigojob Jehová miʼ cʼʌjñel chaʼan miʼ coltʌntel jiñi woli bʌ i ñusañob wocol (Hech. 11:27-30; 2 Corintios 8:13-15). Come maʼanic miʼ tojtʌl jiñi muʼ bʌ i chaʼleñob coltaya, jiñ chaʼan tiʼ pejtelel ili taqʼuin miʼ cʼʌjñel chaʼan miʼ coltʌntel jiñi choncol bʌ i ñusañob wocol. Cheʼ jaʼel, jiñi taʼquin muʼ bʌ i yʌcʼob wiñicob xʼixicob loqʼuemoʼ bʌ tiʼ pusicʼal wen tsajil jach bajcheʼ miʼ cʼʌjñel (2 Corintios 8:20).