Cheʼ bʌ juntiquil mach bʌ chʌn yomix cheʼ i testigo Jehová ¿muʼ ba mejlel i cʌy?
Muʼcu. An chaʼchajp bajcheʼ miʼ mejlel i junyaj cʌy:
Miʼ yotsan jumpʼejl solicitud. Juntiquil miʼ mejlel i jamʌ tsictesan chaʼan mach chʌn yomix bajcheʼ i testigo Jehová, miʼ mejlel i sub o miʼ mejlel i tsʼijbun.
Tiʼ melbal. Miʼ mejlel i pʌs tiʼ melbal juntiquil chaʼan mach chʌn yomix ajñel bajcheʼ i testigo Jehová (1 Pedro 5:9). Jumpʼejl ejemplo, miʼ yotsan i bʌ ti yambʌ ñopbalʌl i miʼ pʌs chaʼan yaʼʌch yom ajñel yaʼi (1 Juan 2:19).
Mi an juntiquil maʼañix bʌ miʼ chaʼlen subtʼan o maʼañix bʌ mi cʼotel ti tempa bʌ, ¿muʼ ba caj i qʼuelob chaʼan mach chʌn i testigojix Jehová?
Maʼañic. Jiñi muʼ bʌ i cʼunʼan i ñopoñel, mach lajalic bajcheʼ jiñi muʼ bʌ i junyaj cʌy. Jiñi muʼ bʌ i jumucʼ cʌy i chʼujutesan Jehová maʼañic junyajlel cʌybil i chaʼan i ñopoñel, tsaʼ jach cʼunʼa tiʼ chaʼan bʌ Dios. Jin chaʼan, mic jopʼ lojon c tijicñesʌben i pusicʼal yicʼot mi lon j coltan, i maʼañic mi lon c tsʼaʼlen (1 Tesalonicenses 5:14; Judas 22). Mi jiñi lon c piʼʌl yom i coltʌntel tiʼ chaʼan bʌ Dios, jiñi ancianojob ti congregación jiñʌch ñaxan bʌ yom miʼ melob (Gálatas 6:1; 1 Pedro 5:1-3).
Pero jiñi ancianojob maʼañic añob tiʼ wenta chaʼan miʼ wersa xicʼob juntiquil chaʼan chʌn i testigo Jehová. Ti jujuntiquil miʼ bajñel ñaʼtan baqui bʌ ñopbalʌl yom (Josué 24:15). Cujil lojon chaʼan jiñi muʼ bʌ i chʼujutesan Dios mach xicʼbilobic, miʼ melob ti jumpʼejl i pusicʼal (Salmo 110:3; Mateo 22:37).
Miʼ mejlel a qʼuel jaʼel iliyi
CʼAJTIYA TAC MUʼ BɅ I ÑUMEN MEJLEL
¿Muʼ ba i cʌy jiñi Testigojob i pejcañob jiñi mach bʌ yaʼix añob tiʼ ñopbal?
Qʼuele chucoch an tajol jiñi ticʼojel añʌch i cʼʌjñibal chaʼan miʼ coltan juntiquil quixtañu chaʼan miʼ chaʼ sujtel yaʼ ti congregación.
CʼAJTIYA TAC CHAʼAN BɅ BIBLIA
¿Wersa ba yom mi la cochel ti jumpʼejl ñopbalʌl?
¿Muʼ ba i mulan Dios cheʼ jujuntiquil mi lac chʼujutesan bajcheʼ la com?
CʼAJTIYA TAC MUʼ BɅ I ÑUMEN MEJLEL
Mi tsaʼ c teche estudio yicʼot i testigojob Jehová, ¿yom ba mic sujtel ti Testigo jeʼel?
Jiñi i testigojob Jehová woliʼ yʌqʼueñob estudio yonlel quixtañu tiʼ petol pañimil, i maʼañic miʼ cʼajtiñob i tojol. Pero mi tsaʼ jacʼʌ estudio a wicʼotob, ¿yom ba maʼ sujtel ti Testigo jeʼel?
CHAʼAN JOÑON LOJON
Cucu ti jumpʼejl tempa bʌ
Ñumen cʌñʌ chaʼan bʌ jiñi lon c tempa bʌ tac. Sʌclan baqui miʼ yujtel tempa bʌ lʌcʼʌl bʌ an baqui añet.