¿Am ba i chaʼañob jumpʼejl lista jiñi i testigojob Jehová baqui ticʼbil i chaʼañob película tac, cʼay tac o libro tac?
Maʼañic. Jiñi c organización lojon maʼañic miʼ wen tsajin jiñi película tac, cʼay tac mi jiñicto jiñi libro tac mach bʌ yomic mi lon j qʼuel. ¿Chucoch?
Jiñi Biblia miʼ subeñonla chaʼan ti lac pejtelel yom mi laj cʌn baqui bʌ jiñi wem bʌ yicʼot jiñi mach bʌ weñic (Hebreos 5:14).
Jiñi Tsʼijbujel miʼ chʼʌm tilel principio tac muʼ bʌ i mejlel i coltañonla chaʼan wen mi lac yajcan jiñi lac ñusaqʼuin. a Ti chuqui jach mi lon c mel ti lon j cuxtʌlel, tiʼ pejtelel com c tsʼʌctesan lojon jiñi tʼan yaʼ bʌ an ti Efesios 5:10, muʼ bʌ i yʌl: «Chaʼlenla wersa laʼ mel jiñi muʼ bʌ i mulan lac Yum».
Dios tsiʼ yʌqʼue tiʼ wenta jiñi tatʌlob chaʼan miʼ yʌcʼob i tʼan, jin chaʼan añob tiʼ wenta chaʼan miʼ subeñob i familia jiñi mach bʌ yomic miʼ qʼuelob (1 Corintios 11:3; Efesios 6:1-4). Pero yaʼ ti congregación, maʼañic majqui miʼ mejlel i yʌcʼ i tʼan chaʼan mach yomic miʼ qʼuejlel jumpʼejl película, cʼay tac o juntiquil quixtañu wen yujil bʌ cʼay o son, mi jiñicto chaʼan yom miʼ mejlel jiñi muʼ bʌ i bajñel ñaʼtan (Gálatas 6:5).
a Jumpʼej ejemplo, jiñi Biblia mi yʌl chaʼan mach weñic jiñi wujt, tsʼiʼlel yicʼot jiñi jatsʼ, jin chaʼan tiʼ pejtelel muʼ bʌ i pʼol iliyi mach weñic (Deuteronomio 18:10-13; Efesios 5:3; Colosenses 3:8).
Miʼ mejlel a qʼuel jaʼel iliyi
CUXUL BɅ DIBUJO TAC
¿Woli ba i coltañet jiñi videojuego tac?
Jiñi videojuego tac utsʼat yilal, pero yom tsajalonla. ¿Chuqui miʼ mejlel a mel chaʼan maʼan maʼ wotsan a bʌ ti wocol?
