Jiñi video Sujten tiʼ yamigo Jehová baʼ miʼ tilel cʼay tac, baqui miʼ loqʼuel Caleb yicʼot Sofía, an i wen mulayob jiñi quixtañujob. Jiñi tatʌlob yicʼot jiñi alobob an i tsʼijbuyob tʼan tac baʼ miʼ yʌlob chaʼan miʼ qʼuelob ti ñuc ili video tac. Ili jiñʌch lamital am bʌ i yʌlʌyob jiñi alobob:

• «Wocolix laʼ wʌlʌ chaʼan jiñi DVD ‹‘Jehová bendice al que escucha y obedece›. Tiʼ pejtelel qʼuin mij qʼuel quicʼot calʌ bajlum.» (Zach, 5 i jabilel)

• «Jiñi tsijiʼ bʌ cʼay miʼ pʌsbeñon chaʼan Jehová mucʼʌch i wen cʼuxbiñon yicʼot chaʼan yom mic pejcan ti oración ti jujumpʼejl qʼuin.» (Mikariah, 6 i jabilel)

• «Tsaʼ j cʌñʌ c jacʼben i tʼan c papá yicʼot c mamá yicʼot c sujcun cheʼ an chuqui mic bibʼesan. Wocolix laʼ wʌlʌ cheʼ tsaʼ laʼ mele ili video i chaʼan bʌ alobob.» (Nicole, 8 i jabilel)

• «Wocolix laʼ wʌlʌ chaʼan jiñi video. Tsiʼ wen aqʼueyon c tijicñʌyel. Mic wen mulan.» (Mckenzie, 5 i jabilel)

• «Mic wen mulan jiñi video Sujten tiʼ yamigo Jehová. Ti jujumpʼejl qʼuin mij qʼuel. Tsiʼ pʌsʌ i yutslel Jehová cheʼ tsiʼ yʌqʼueyetla laʼ ñaʼtʌbal chaʼan mi laʼ mel iliyi.» (Ava, 8 i jabilel)

• «Mic wen mulan j qʼuel jiñi video tac. Choncol c chaʼlen wersa chaʼan mij cʌn jiñi cʼay tac. Jiñi video tac miʼ yʌqʼueñon j cʼuxbin Jehová.» (Devon, 4 i jabilel)

• «¡Choncolix c pijtan jiñi yambʌ video i chaʼan Caleb! ¡Bej melela jiñi wem bʌ laʼ weʼtel!» (Vance, 8 i jabilel)