Jiñi La Atalaya jiñʌch jiñi revista muʼ bʌ i ñumen pujquel tiʼ pejtelel pañimil, 42 millón miʼ chaʼlentel ti imprimir ti jujumpʼejl número. Yambʌ jiñʌch jiñi ¡Despertad!, muʼ bʌ i chaʼlentel ti imprimir ti 41 millón. Ti chaʼpʼejlel ili revista melbil i chaʼan jiñi i testigojob Jehová, i miʼ pujquel ti 236 país tac yicʼot ti tejclum tac.

¿Chuqui miʼ mejlel la cʌl chaʼan jiñi yan tac bʌ revista? Jiñi The Association of Magazine Media mi yʌl chaʼan jiñi revisita muʼ bʌ i ñumen chojñel yaʼ ti Estados Unidos jiñʌch muʼ bʌ i mel jiñi American Association of Retired Persons, jumpʼejl organización i chaʼan jiñi ñumeñix bʌ ti 50 i jabilelob. Ili revista miʼ chaʼlentel ti imprimir ti 22.4 millón ti jujumpʼejl número. Jiñi revista i chaʼan alemania ADAC Mortorwelt miʼ pujquel ti 14 millón, i jiñi revista i chaʼan China Gushi Hui (de historias y relatos) miʼ chaʼlentel ti imprimir ti 5.4 millón.

Jiñi periódico muʼ bʌ i ñumen pujquel jiñʌch jiñi diario japonés Yomiuri Shimbun, ili ñumen ti 10 millón miʼ chaʼlentel ti imprimir.

Jiñi revista tac i chaʼan i testigojob Jehová jiñʌch jaʼel muʼ bʌ i ñumen chaʼlentel ti traducir, come jiñi La Atalaya miʼ chaʼlentel ti traducir ti 190 tʼan tac, i jiñi ¡Despertad! ti 80 tʼan tac. Pero jiñi Reader’s Digest (ti español, Selecciones) miʼ chaʼlentel ti traducir ti 21 tʼan tac, i jiñi muʼ bʌ i yʌl miʼ qʼuextʌyel ti jujumpʼejl país.

Yambʌ muʼ bʌ i yʌcʼ ti cʌjñel jiñi La Atalaya yicʼot jiñi ¡Despertad! jiñʌch cheʼ miʼ coltʌntel ti taqʼuin loqʼuem bʌ tiʼ pusicʼal wiñicob xʼixicob. Maʼañic miʼ yʌl baqui jach tac bʌ anuncio yicʼot maʼañic miʼ chojñel.

Jiñi La Atalaya, tsaʼ bʌ tejchi ti mejlel cheʼ ti 1879 cʼʌlʌl ti ili ora, miʼ tsʼijbuntel chaʼan miʼ yʌjqʼuel ti cʌjñel i sujmlel am bʌ ti Biblia, pero jiñi ñumen ñuc bʌ mi yʌl jiñʌch chaʼan jiñi i Yumʌntel Dios. Jiñi ¡Despertad! miʼ tsictesan temaj tac wen am bʌ i cʼʌjñibal chaʼan ti lac pejtelel, cheʼ bajcheʼ i chaʼan bʌ jiñi ciencia yicʼot chuqui tac an ti ili Pañimil, chaʼan miʼ colel majlel lac ñopoñel ti Dios. Cheʼ jaʼel, miʼ pʌs bajcheʼ miʼ mejlel i coltañonla jiñi Biblia.