Mi jatet i testigojet Jehová, ¿muʼ baʼ a mulan maʼ cʌntʌntel cheʼ maʼ majlel ti subtʼan ti otot tac? Jiñʌch tsaʼ bʌ ujti tiʼ tojlel Joseph yaʼ ti Micronesia ti 2017 yicʼot yambʌ uxtiquil Testigojob añoʼ bʌ ti jiñi ñuc bʌ subtʼan chaʼan miʼ mejlelob ti cʼotel ti jiñi ñajt tac bʌ isla.

 Cheʼ lʌcʼʌ xinqʼuiñilix, jiñi chʌntiquil Testigojob tsaʼ cʼotiyob ti alʌ isla baqui chumulob 600 quixtañujob. Tsaʼ cʼotiyob ti tajtʌl ti jiñi yumʌl, yaʼ ti playa jiñi isla. Joseph miʼ subeñonla tsaʼ bʌ ujti : «Jiñi yumʌl tiʼ yʌlʌ chaʼan jiñi policía miʼ mejlel i cʌyon lojon ti jujumpʼejl otot am bʌ yaʼ ti isla. Toj sajtel lon c pusicʼal, pero maʼañic tsaʼ lon c jacʼʌ, come com lojon subtʼan bajcheʼ ñʌmʌl lon c mel».

 Ti wiʼil, jiñi xsubtʼañob tsaʼ cajiyob ti xʌmbal chaʼan miʼ mejlel i pejcañob tiʼ pejtelel jiñi quixtañujob muʼ bʌ i mejlel i tajob. Jiñi Testigojob miʼ yʌlob: «Wen utsob jiñi quixtañujob i tsiʼ mulayob jiñi wen tʼan loqʼuem bʌ ti Biblia, jinmecu chaʼan mi lon c jalʼan ti jujumpʼejl otot».

 Ti wiʼil, jumpʼejl camioneta i chaʼan policía chaʼyajl tsaʼ ñumi baqui an jiñi Joseph. Cheʼ jiñi tsaʼ chaʼ ñumi, i ti jimbʌ ora tsaʼ waʼli. Jiñi policíajob tiʼ sube jiñi Joseph chaʼan miʼ mejlel ti pʌjyelob majlel ti jiñi otot tac baqui anto yom miʼ julaʼtañob. Ti ñaxan, Joseph maʼañic tsiʼ jacʼʌ. Pero miʼ tsictesan: «Tsiʼ wersa subeyon lojon: ‹Mach cabʌlix ora cʌylem a chaʼan i joñon lojon miʼ mejlel c pʌyet majlel baquito an jiñi otot tac›. Ti jiñi bʌ ora tsaʼix c jacʼʌ i coltayajob come cabʌlto otot cʌylem maxto bʌ c julaʼta. Cheʼ mi lon cʼotel ti jiñi otot tac, jiñi policíajob miʼ subeñoñob i cʼabaʼ jiñi familia yaʼ bʌ chumulob. I tsiʼ yʌlʌyob chaʼan mi maʼañic majch miʼ loqʼuel, mi caj i tʌlbeñob i claxon jiñi i carro chaʼan miʼ loqʼuel jiñi familia».

 Joseph miʼ bej al majlel: «Yicʼot i coltaya jiñi policíajob, ti jiñi bʌ qʼuin tsaʼ mejli lon c julaʼtan pejtelel jiñi otot tac. Tsaʼ lon j cʌybe cabʌl jun tac jiñi quixtañujob i tsaʼ lon cʌlʌ chaʼan mi caj c chaʼ julaʼtan lojon jiñi tsaʼ bʌ i mulaj i ñʌchʼtañob jiñi tʼan loqʼuem bʌ ti Biblia».

 Jiñi policíajob tiʼ sube jiñi Joseph: «Wen tijicña tsaʼ lon cubi cheʼ tsaʼ lon chaʼle subtʼan». Cheʼ ti ochʼajel qʼuin, cheʼ bʌ jiñi Testigojob ñajtix añob ti jiñi isla, jiñi policíajob tsaʼ i subeyon utsʼatax bʌ tʼan yicʼot jiñi jun ti cʼʌbob yicʼot i tijicñʌyelob.