Ñumen cʌñʌ chaʼan bʌ jiñi lon c tempa bʌ tac. Sʌclan baqui miʼ yujtel tempa bʌ lʌcʼʌl bʌ an baqui añet.

Mic tempan lojon bʌ chaʼsujtel ti jujumpʼejl semana chaʼan mi lon c chʼujutesan Dios (Hebreos 10:24, 25). Ti ili tempa bʌ miʼ mejlel ti cʼotel tiʼ pejtelel quixtañujob, mic pejcan lojon Biblia yicʼot mij qʼuel lojon bajcheʼ mic mejlel j cʼʌn lojon jiñi cʌntesa tac ti lon j cuxtʌlel.

Ti jiñi lon c tempa bʌ miʼ mejlel cʼajtiya tac, i miʼ mejlel i yʌqʼueñob i jacʼbal jiñi muʼ bʌ i cʼotelob. Tiʼ pejtelel miʼ tejchel i mi’ yujtel yicʼot jumpʼej cʼay yicʼot oración.

Mach cʼʌñʌl i testigojet Jehová chaʼan maʼ cʼotel, majqui jach miʼ mejlel ti cʼotel. Mach tojbilic laʼ cochib i maʼañic miʼ cʼajtintel taqʼuin