Cheʼ ti 25 de octubre, 2023, jiñi huracán Otis tsaʼ cʼoti ti jumpʼejl parte yaʼ ti Acapulco, yaʼ ti costa am bʌ tiʼ suroeste México. Ili huracán categoría 5 tsiʼ ñumen taja i pʼʌtʌlel yaʼ ti océano Pacífico. I pʼʌtʌlel jiñi icʼ tsaʼto cʼoti ti 265 kilómetro ti jujumpʼejl hora, i tsiʼ teche tsʌts bʌ jaʼal yicʼot butʼjaʼlel. Cheʼ jaʼel, tsiʼ jeme carretera tac, colem otot tac yicʼot yan tac bʌ. Yonlel lac piʼʌlob maʼañobic i luz i tsaʼ chʌmi 45 lac piʼʌlob.

Ili ñaxam bʌ dato jiñʌch tsaʼ bʌ i yʌlʌyob jiñi i testigojob Jehová yaʼ bʌ chumulob yaʼi.

• Mi juntiquilic Testigo tsaʼ chʌmi o tsaʼ lojwi.

• Ñumen ti 10 mil Testigojob chumulob yaʼ baqui tsaʼ ujti jiñi wocol.

• Jumpʼejl i Yotlel colem tempa am bʌ yaʼ ti Acapulco tsaʼ jejmi.

• Jiñi superintendente chaʼan circuito yicʼot jiñi ancianojob woliʼ cʼʌñob jiñi Biblia chaʼan miʼ ñuqʼuesʌbeñob i pusicʼal jiñi hermanojob tsaʼ bʌ i tajayob wocol yicʼot woliʼ coltañob ti chuqui i cʼʌjñibal i chaʼañob.

• Chʌntiquil añoʼ bʌ ti Sucursal chaʼan Centroamérica tsajñiyob yaʼ baqui tsaʼ ujti jiñi wocol chaʼan miʼ tijicñesañob jiñi hermanojob yicʼot miʼ coltañob.

• Tsaʼ mejli jumpʼejl Comité de Socorro chaʼan miʼ qʼuel jiñi eʼtel.

Mi laj cʼajtiben Jehová chaʼan miʼ chʌn coltañob i miʼ yʌqʼueñob i ñʌchʼtʌlel jiñi hermanojob tsaʼ bʌ i ñusayob wocol tiʼ caj jiñi huracán Otis (Filipenses 4:6, 7).