LECCIÓN 7
¿Doagi Jesús?
Jehová, nabbanegse Jesús barmialid (1 Juan 4:9)
Anmar Jehová yeer oiddobiele, e massi bali anmar igar sabalir gebed. Jehová, Adán obinyed iduale bad diggasurgus nibneggi ángel wargwen obinyisad.
Beedse gine, Jehová we ángel barmialid, Belén neggweburgi gwalulegega. María e nanga gunoniggid. We goe gwalulesad Jesúsye nuggunoniggid (Juan 6:38).
Jesús nabbaneggi gudigusgua, e Bab igi dae, aa yobi ibmar imagdii gusad. Dule nued nanasad, emar sabgudii nanasad, aa gala, dulemar Jesúsgi bangubisurgusmalad. Dobedobe Jehová igargi dulemar odurdagdii gussulid.
Jesús ibmar nuegan imagdii gusa inigwale, isdar daglesad (1 Pedro 2:21-24)
Jesús boni nigmalad onudasad. Burgwarmalad odulosbalid.
Jesús sogdigusad, judío dummagan noar Bab igargi emar odurdagdidiye, geb ibmar isgana imagdidimarbarye, aa gala, judío dummagan Jesús isdar dagsamalad.
Judío dummagan Bab igargi emar odurdagmaladi, roma dorgan binsaed gasmalad, Jesús sarsomalaga geb oburgwemalaga.
