LECCIÓN 3
¿Igi Edéngi gudimalana?
Jehová, Adánga geb Evaga ibmar nuegan buggidar nasisad (Génesis 1:28)
Jehová, Adánga ome ugsad, we ome, Evaye nuggusad (Génesis 2:21, 22).
Gebbe unni, Adán Evabo isgued saddemalanad.
Edéngi neg yeer daglegenad, aa gine diwar mabalinad, sabbi durbamar bugbalinad, geb ibmar durgan yaisurbalinad. Adán, Eva bogwa aa gine gudimalanad.
Jehová, wemarga igar ugmai gusbalid. Jehová sogedba igar imasmalana burgosurmalanad, sadegu neg yeer daglegedgi gudigudmaloenad.
Bab Dummad wemarga sogsanad, sabbi wargwen gwissiddina mer gunmaloye (Génesis 2:16, 17)
Jehová, Adánga geb Eva gala sogsad, bemar gudiidgi sabbi wargwen gwisye, bemar we sabbi gudsamalale burgwemaloye.
Ángel wargwen Bab Dummadgi agbidsad. We ángel isgana Niaye nuggunoniggid.
Nia abessulid, Adán Evabo, Jehová bali igar samalad. Aa gala, Nia imasad naibe Evaga sogedi we sabbi be gudsale be burgosurye, bur be Bab Dummadyob guoye. Nia, Eva gala gaggansasad (Génesis 3:1-5).
