LECCIÓN 3
¿Bule nue Biblia Babgaddibe?
1. ¿Doa sogedba Biblia narmaglesa?
Bibliagi soglenaid anmar nabbaneggi sadegu gudiguoye (Salmo 37:29). Biblia yabali 66 mergu gardamar nanaid. Babdummad, 40 mergusaar susad e sordagan Biblia narmagmalaga. 3.500 años gusad Moisés, Génesis, Deuteronomiose narmasadaggar. 1.900 años gusad apóstol Juan, Apocalipsis narmasmogadaggar. Babdummad ganguedba Biblia narmaglesad (2 Samuel 23:2). Biblia narmasmalad na e binsaedba narmassurmalad, degsoggu Biblia, Jehová sogedba narmaglesad. 2 Timoteo 3:16 geb 2 Pedro 1:20, 21 absogo.
2. ¿Igi anmar wisi Bibliagi ibmar soglenanaidi gaggansuli?
Biblia, Babdummadgi daniggid. Bibliagi iduaggwa ibmar soglesale gagganga gussurdaed, aagala anmar wisid Biblia, Bab sogedba narmaglesa, ar dulemardi geg deyob iduaggwa ibmar soged (Josué 23:14). Unnila Babdummadbii weyob nabir ibmar imagged. Isaías 42:9 geb 46:10 absogo.
Biblia, Bab sogedba narmaglessoggu libro baid aayobidi sadded. Millónbali Biblia, gayamar aggar aggar onilemaid. Biblia diggasurgus narmagles inigwale ciencia igargi yolenasurbalid. Geb 40 mergu dulemar Biblia narmasmar inigwale, nagi yolenanasulid. * Bibliagi ibmar soglenaidba mag dagleged Babdummad inniggigwad anmar sabe. Emi ibagi anba Biblia nabir dulemar daed ogwabalid. Aagala millónba mergu dulemar bensurmalad Biblia, Bab sogedba narmaglesa. 1 Tesalonicenses 2:13 absogo.
3. ¿Ibu igargi Biblia sunmagnai?
Biblia ibmar nued guoedgi sunmagnaid. Bibliagi soglenaid Jehová, dulemarga neg nudaggoye. Sognabalid igi gebbe dulemar buggudgua neg isgude, geb igi gannar nabbaneg yeer dagle gubaloe. Apocalipsis 21:4, 5 absogo.
Bibliagi igarmar ise sogar mamaid, abar ise sogar mamasulid, geb binsaed nuegan nanabalid. Bibliagi soglenabalid Jehová igi dulemar aggwedaniggi, aabali anmar wisid Jehová dule igi daedi. Bibliagi anmarga soglenabalid ibu anmar imagger gebe Jehová aiga guega. Salmo 19:7, 11; Santiago 2:23 geb 4:8 absogo.
4. ¿Igi anmar nabir Biblia durdasale?
Nueggwa dulemar odurdaggegala, Jesús, versículo soggwen absosdagweled, geb nueggwa sogsadabalid “igi Babdummad Gardagi [...] nue sognai”. We garda deyob imaggarmogad, be nueggwa Biblia durdaggega. Lucas 24:27, 45 absogo.
Babdummad ibmar nuegan imaggoed be durdadmogale, be yeer iddomogoed. Deginigwale abar dulemar Biblia durdagbisurdamalad, Biblia igargi sunmaglealir iddobisurdamarbalid. Auggi mer bedi we dulemarse binsaed galego. Bibliagi soglenaid dulemar Bab igar durdagnanaidi sadegu gudigumaloye. Juan 17:3, TNM absogo.
^ parr. 3 Libro, La Biblia... ¿la Palabra de Dios, o palabra del hombre? daggo.
