LECCIÓN 7
¿Ibua Babdummad Reino?
1. ¿Ibua Babdummad Reino?
¿Ibigala nabir soglesale Jesús bur Rey nuedye? (MARCOS 1:40-42)
Bab Reinogi sunmagledele Bab gobierno nibneggisiid obardaed. We gobierno bela bamalad gobiernomar anar sigoedid. We gobierno imaggoed igi Bab sogedba nibneggi ibmar gunai, aayobi nabbaneggi ibmar gumogad. Degsoggu Bab Reino imaggoed bela dulemar nabbaneggi urwed sadde gudigumalaga. Bab abemaid bela dulemar we ibmar wisgumalad. Daniel 2:44; Mateo 6:9, 10 geb 24:14 absogo.
Gobierno soggwen sigwisale dule wargwen e dummadga gusdaed; aaga Jehová na e Massi Jesucristo onugsasmogad, e Reinogi Reyga sigwega. Apocalipsis 11:15 absogo.
2. ¿Ibigala nabir soglesale Jesús bur Rey nuedye?
Bab Massi bur rey nuedid, ar dule nued daed, igar nuegan mamaidba ibmar imagbalid (Mateo 11:28-30). Yeer gangubarsoggua nibneggi Reyga sigwisale nabir dulemar bendagmai guoed. Nibnegse nadgua abiddosii gusad, e Bab ega soged, be, reyga megoye (Hebreos 10:12, 13). Geb undaradgi Jehová dummadga Jesús imagnoniggid. Daniel 7:13, 14 absogo.
3. ¿Doamar Jesúsbo arbamarmogoe?
Bibliagi soglenaid abar Bab sordagan Jesúsbo nibneggi arbamarmogoye. Daniel 7:27 gine aamar bilenaid islidigmaladye, wemar bilebalid dulemar nueganye. Gebbe dulemar nuegan babnegse naega egwalearmargua, Jesús e sordagan inso sulesmalad. Emi ibagi anba Jehová dulemar nue eba namalad egwamaid, —massergana, omegana— Jesús yobi babnegse namarmogaga. Ángelmaryobi gumarmogoed. Juan 14:1-3 geb 1 Corintios 15:42-44 absogo.
¿Ebigwa dulemar babnegse namaloe? Bibliagi soglenaid isse unnila dulemar babnegse namaloye. Jesús sogsad, wemala “sibad wawaad issegwad[ye]” (Lucas 12:32). Degsoggu unnila 144.000 mergu dulemar babnegse Jesúsbo arbanamarmogoed. Apocalipsis 14:1 absogo.
4. Jesús Reyga gusgu ¿igi neg gude?
1914 gine Jesús, Reyga gusad. Reyga gusgua nabbanegse Nia barmeddealid, geb ángelmar isganagan barmeddelearmarmogad. * Nia sae iddogedbali nabbaneggi neg gagaded (Apocalipsis 12:7-10, 12). Aadaggale bur bule neg gagales gunaid, geb agga bur barbulomabalid. Guerramar yaisulidba, negabandur nomamaidba, bonigan barbulomaidba, uggud dummad nagumaidba mag dagleged Bibliagi ibmar soglesad gunai. Degsoggu Bab Reino nabbaneg idudsoggalid. Lucas 21:7, 10, 11, 31 absogo.
5. ¿Emi ibagi Bab Reino ibu imagsii, geb yoogidse ibu imagbaloe?
“Dulemar buggidar” weegala, bela neg dirbimaggar Bab Reinogi sunmaglenaid. Aagala buggidar dulemar nuegan Jesús sordaganga gumamaid. Bab Reino dulemar isganagan obeloder dulemar nuegan bendaglemaloed. Degsoggu anmar bendaglebimogale anmar Jesús sogedba igar imagmogar gebed. Apocalipsis 7:9, 14, 16, 17 absogo.
Birga miligwen nanaoedgi Bab Reino neg onugudoed. Nabbaneg yeer dagle gunoniggoed. Geb aasorbali Jesús gannar e Babga Reino uggoed (1 Corintios 15:24-26). ¿Doaga be nabir sogsamogale we Reino ibmar nuegan imaggoed? Salmo 37:10, 11, 29 absogo.
^ parr. 6 Libro, ¿Biblia gine nue igi soglenai?, página 215-218 gi nueggwa soglenaid, igi Bibliagi iduaggwa soglesa, 1914 gine ibmar gusad.
