¿Wegi doamar bug be dagge?... Mateo, Marcos, Lucas, Juan, Pedro, Santiago, Judas, geb Pablo. Jesús gudigusgua we dulemar gudigusmarmogad. Jesús igargi sunmagged garda narmasmalad. Anmar daggoena, ibu anmar wemargi durdaggoe.

Bela Jesús gudigusadgi sunmagged garda narmasmar inigwale, auggi unnila ebaagwa apóstolga gusmalad. Be wisi ¿doamala apóstolga gusmaladi?... Mateo, Juan, Pedro.  Mateo, Jesús igargi sunmagged garda narmasad. Juan anba Jesús igargi sunmagged garda narmasmogad. Juandi libro Apocalipsisye nugad narmasbalid (Burbar Oyolesad), geb garda maddabaa narmasbalid, Primera de Juan, Segunda de Juan, geb Tercera de Juan. Apóstol Pedro garda maddabo narmasmogad, aamar Bibliagi nanamogad. Weyob bilemalad, Primera de Pedro, geb Segunda de Pedro. Pedro, Segunda de Pedrogine narmasad, igi Jehová nibneggi mai sogsa, Jesús an massiye, an na nue sabye, an nued dagye.

Bamalad dulemar buggwa be daggedi, Jesús igargi sunmagged libromar narmasmarmogad. Marcos, garda maddagwen narmasmogad. Marcos sunnad daggwissi gusmogar gebed Jesús gales selesgu. Baiddina nugad, Lucas. Wedina doctoranad, wedi Jesús burgwisad sorba geb Jesús sordaga gusar gebed.

Jesús urbamar ebo sii be daggedi, gardamar narmasmarmogad. ¿Be wisi igi Jesús urbamar nugnanaena?... Wargwen Santiagoye nuganad, baiddi Judas. Gebeundi Jesús benmalanad. Jesús, nono isgudye binsasmalanad. Geb sorbali Jesúsba aggasmarmogad.

Pablo, gardamar narmasmogad. Cristo sordaga gued iduale, Sauloye nuganad. Cristo sordagan e isdaradinad, bule sabe Cristo sordagan imagdii gusa. ¿Be wisgubie, igi Pablo, Cristo sordaga gunoniggi?... Ibagwengi Pablo, igarba nadabbi iddoalid, dule wargwen nibneggi es gole. Ar adi Jesús ese gormaindo. Jesús, Pabloga soged, ¿ibiga be sabsur an sordagan imagdaye? Aa sorbali Pablo, Cristo sordaga gunonimogad, bar emar balegindii gussulid. Pablodina garda madda anbe gagga bagge narmasad. Romanosgi noded Hebreosse narmasad.

¿Be bane bane Biblia absodamoga?... Bibliagi Jesúsgi sunmaglenaid. ¿Be, Jesús igar durdagbimoga?...