¡BE DAGGE! ¡Belagwable neg yeerdaglege! Gaganmar be dagge, geb sabbimar, duddumala, geb bela ibmar durgana. ¿Be dagsa bia elefante nai, geb leónmar?

¿Igi nabir weyob neg yeerdagle gunoniggi? Anmar daggoena igi Babdummad anmarga Nabbaneg nudagsa.

Babdummad, gebe unni gagan aradiggi onisa nabba birgi. Geb duddumar galagwensur daglegedi imasbali, sabbi maddugana, geb sabbi dummagana. We ibmarmar dunguder bur Nabbaneg yeerdagle imagged. Auggine, unnila neg yeerdaglegedbi imassulid. Buggidar we sabbimala ibmar yeer gullemalad anmarga ugbali.

Sorbali, Babdummad imasa uamar dii yagi gudiguega, geb siggwimardi niba guggudii gumalaga. Geb assumar imasbali, mismar, geb molimar; ibmar durgan dummagan geb ibmar durgan burwigana. ¿Be neg nagab ibmar durgana nigmoga? ¡Ibiyob Babdummad dule nued gusa, anmarga bela ibmar imasadba!

Nabbid gine, Babdummad imasa nagnu soggwen bamaladba bur nued guedi. Onugsasa, Edén neg yeerdagleged. Aagi ibmar issaggwagwad saddena. Belagwable aagi ibmar niggadi yeerdaglegena. Babdummad abegena bela Nabbaneg, neg yeerdagleged imasadyob gued.

Ar gannar wegi sobaled be dagbalina. ¿Be wisi ibu Babdummad dagsa, anba nabbina we neg yeerdaglegedgi? Anmar daggoena.