JEHOVÁ weyob negdagleged Isaíasse oyosar gebed. Isaías, Jehová gaya berbegedgi arbasa. Isaías gudigusa, Jonás gudigusad sorba.

¡Ibiyob neg yeerdaglege!, ¿insoa? ¿Be ebinsae weyob negdagleged we gardag be dagsabalidi? Eye, neg yeerdagleged Jehová imasadi Adán gala geb Evaga, ¿insoa? Auggi, ¿nabir bergwable Nabbaneg weyob dagle gusale?

Jehová, e gaya berbeged Isaíasye nugadga sogsa narmagye gannar neg yeerdagle imaggoedsig e neggweburga. Sogsa: ‘Lobomar, ovejamarbo urwed suli na buraggwa gudigumaloe. Becerromar geb león mimmigan na buraggwa mas mananai gumaloe, geb mimmigan e daggedga gumaloe. Anba goe bela, nagbe nue boni niggad waligga dodonai sogele, aggar guosuli’.

Buggidar dulemar sun sogsale: ‘Wed sun guosi, gusgu Nabbaneggi negbeedsegidi daniguad, berguosulid’. Auggine be binsaena, ¿Babdummad neg igi daglegedi Adánga geb Evaga ugsansunna?

Babdummad neg yeerdaglegedgi Adán, Evabo ogwidsisana. Ar Babdummad sogedba gudii gussurmar soggua, na neg yeerdagleged oyoggusmarsunna, degine, sered gudmala geb burgwismala. Babdummad soge, Adán Evabo ibmar oyoggusmalad gannar ibmar degimalad imagbaloye, dulemar egine sabed nigmaladga.

Gannar neg yeerdagle gunoniggoedgi, ibmar soggwen negoissogedi nigguosuli. Negboogwadi nagunoniggoe. Bergwable dulemar bonigan bar iddogosurmala geb yeeriddodii gumaloe, ar igi Babdummad gebeun abesana. Sorbali anmar durdaggoe igi Babdummad nabir we ibmar imaggoe.