¿WEGINE ibu be dagge? Dulemar urwemaladi moli sibbugangi danimalad. Auggine be daggena bia nodanimala. ¡Mogir inbab binnasur molimar abarmagdanimala, nibneggi danimala! ¿Molimar nibneggi nigga?

Suli, wemala moli sunsoged surmala. Ar molimar geg mogir birgi abarmagmalad, ¿nabiri? Auggine molimar nibneggi gudiiye Biblia sognai. ¿Be wisi ibigala?

Ebbenne molimar yeer urwedgi ebulesa. Degsoggu Biblia sunmagnai dulemar nibneggi moli gine agdedaniggidgi, Babdummad dulemar Nabbaneg ginmaladbo urwenaye oyogegala. ¿Bia urwelegoe? Armagedón gine, geb bela Nabbaneggi ibmar isgana niggadi obelogoe.

Jesús, Armagedóngi urwed Idugoedi. Ebinsao Jehová, Jesús susa E gobierno reyg guega. Aag Jesús or gurgin sii. Espada ganiggid gine oyoge, bela dulemar Babdummad isdarmalad oburgoye. ¿Geg anmar iddo guedi Babdummad bela dule isganamar obelogoye soggua?

Sunmagged 10 gannar be amige. ¿Aag ibu be dagge? Dii Dummad wisadi, dule isganamar ogilosadi. ¿Doa Dii Dummad owisa? Babdummad Jehová. Emisgi Sunmagged 15 gannar be dagge. ¿Weg ibu ibmar gunai? Jehová, Sodoma neggwebur geb Gomorra neggwebur soo gine obelonai.

Emisgi Sunmagged 33 gannar be egabali. Be dagge igi gunanai Egipto ginmalad e molimala geb emar carro urwedga ebusmaladi. ¿Doa imasa dii emar birgine aryogedgala? Jehová. We ibmar imasa e neggwebur bendaggega. Sunmagged 76 gannar emisgi be amibali. Aag be daggoed igi Jehová e neggweburse baggale isgusmalad bali obelolegeg imasa.

Aag geg anmar iddo guedsuli Jehová na ángel buggib barmidagoye soglegedi, Nabbaneggi negisgusgunaid obelogega. ¿Igi sorbardi guoe? Anmar daggoena, we garda be egae.