Anmar nued iddoged be we garda absosadba, be wisguega, ibu anmar imagbuggwa, igi anmar dae geb ibugi anmar arbabugbali. Be dagsar gebed anmarbii unnila emi ibagi nueggwa Jehovága arbadidii. Nuediled be Bab igar durdagged indagsulir, be gwenaganga, geb be aimarga sogo, be ibu ibmar durdagnai; nuedbaliled be anmar Igar Iddoged Negse bali bali nanabalir (Hebreos 10:23-25).

Be bur bule Jehová igar durdadele be mag dagdagoed Jehová inniggigwad be sabgumai, be we ibmar wisgusale be Jehovága arbabi gudamogoed (1 Juan 4:8-10, 19). Auggi, ¿be ibu imagmogar gebe mag daglegega be Jehová sabmoga? ¿Ibiga Jehová igarmar mamaidba igar imagged nuedi? ¿Ibu ibmar be bendaggoe be anmarba Jehovága arbadii gumogaga? Dule, Bibliagi be odurdagnaid be bendaggoed we ibmar wisguega, “Babdummad bemar sabgumai guega, mer egi bangumalo [...] [bemar] sadegu gudiguega” (Judas 21, NM).

Anmar abeged be Jehová igar sunsoged durdagnaid mer indagged. Nuediled be we libro ‘Bab be sabgumai guega, mer egi banguo’ naid durdagbalir.