LECCION 02

Bibliagi soglenaid nabir be yeer iddodi gusarye

IBU GAGGAB BE IDDOBIE

Bela neg dirbimaggar dulemar ibmar soggwenba buggib binsadidiidbidamalad. Bedina, ¿ibub be buggib binsadimoga? Sun be boni niggadba buggib binsadiiled, be gwenad burgwisadbardibe, degsoggu, sun be binsaadir binsadiiled, ibagwengi an yeer iddodi gubalodibeye. Bibliagindi soglenaid nabir dulemar yeer iddodi gusarye.

1. ¿Igi yoogidse dulemar gudi guoye Bibliagi soglenai?

Bibliagi soglenaid, ibiga bela beladse neg gagales gunai. Soglenabalid, weyob neg isgunai gadeguosurye, isse nabye neg nuguega. Degsoggu, Biblia durdagged nabir be bendasmogaled “yooedse be yeer iddodi” guega (Jeremías 29:11, 12 absogo). Amba nabir be bendasbaliled emi ibagi be yeer iddodi gubaliga. Bibliagi soglenabalid, yoogidse dulemar sadegu yeer iddodi guoye.

2. ¿Igi yoogidse neg guoye Bibliagi soglenai?

Bibliagi soglenaid yoogidse ‘dulemar bar burgosurmarye, bar wile iddodi guosurmarbarye, bar ibmar nunmagdi guosurmarbarye’ (Apocalipsis 21:4 absogo). Degsoggu, yoogidsedi bar anmar wiledi guosulid, bar anmar boniganba gaedi guosurbalid, dulemar bar burgosurbalid. Bibliagi soglenabalid yoogidse nabir dulemar neg yeer daglegedgi sadegu gudi gumaloye.

3. Bibliagi ibmar soglenaid be wisgubiele, ¿ibu be imagger gebe?

Abar dulemar binsadidamar inigwale, gannar neg nugudbaloye, auggi nueggwa wissurdamarbalid bule nue neg nuguoe. Bibliagindi nueggwa we ibmar soglenaid. Degsoggu, be nueggwa “Bab Dummad garda” durdaggele, nabir be we ibmar wisgusmogaled (Gusmalad 17:11). Aagala nue abeleged be nueggwa Biblia durdagmogad, be sunnad be dagmogaga igi yoogidse neg guoye Bibliagi soglenai.

NUEGGWA WE IBMAR DURDAGMARGOLO

Weg anmar durdaggoed, igi yoogidse neg guoye Bibliagi soglenai. Anmar dagbaloed, Biblia durdagged igi dulemar bendasdae.

4. Bibliagi soglenaid nabir dulemar sadegu yeer iddodi gusarye

Urba soglenaid igi yoggidse neg guoye Bibliagi soglenai. ¿Igi neg gued bur be gwae abemoga? ¿Ibiga deyob neg gued be abege?

Urba ibmar soglenananid Bibliagi absomalo, we ibmargi sunmagmarbalo:

Bibliagi ibmar soglenanaid, ¿bule be bendag be iddoge? ¿Nabir be gwenadgan bendasmogardibe?

Nabir be weyob gudi gusaled:

BAR DULEMAR...	BELA DULEMAR...
... wile iddodi guosurmalad, sered guosurmalad, burgosurmarbalid (Isaías 25:8)	... nabbaneggi durgumaloed (Juan 5:28, 29)
... uelegosurmalad (Isaías 33:24; 35:5, 6)	... gannar nussuggwa gumaloed (Job 33:25)
... sabsur imagledi guosurmalad (Isaías 32:16, 17)	... mas obinegwadgi niggumaloed, na neg egad egad niggumarbaloed, arbaed nued niggumarbaloed (Salmo 72:16; Isaías 65:21, 22)
... guerra dobgudi guosurmalad (Salmo 46:9)	... yeer iddodi gumaloed (Salmo 37:11)
... ebbenne ibmar gusmaladgi binsaosurmalad (Isaías 65:17)	... sadegu gudi gumaloed (Salmo 37:29)

5. Biblia durdagged be bendaggoed be yeer iddodi guega

Abar dulemar neg nugusulidba wile iddodididamalad. Abar bela beladse alamasdamalanad neg nudaggega, auggi onudassurgusdamalad. Degsoggu wisguarmalale Bab Dummad neg onudaggoye, yeer iddodamalad. VIDEO dagmalo, we ibmargi sunmagmarbalo:

VIDEO: An na an dulemar bendagbi gudidaenad (4:07)

Rafika, ¿ibu ibmarba buggib binsadidaena?
Bibliagi ibmar durdasad, ¿igi Rafika bendasa?

Biblia durdagged be bendaggoed, igi beg neg guarsundibe mer be doggus wile iddodi guega. Proverbios 17:22 geb Romanos 12:12 absomalo, we ibmargi sunmagmarbalo: