LECCION 01
¿Ibu ibmar be nabir Bibliagi durdasale?
Abar dulemar wisgubi gudidamalad, ibigala neg isgusnaye, ibiga dulemar burgweye, yoogidse igi neg gudbaloye. Abar wisgubi gudidamarbalid, igi nabir arbaed nued amisarye, igi nabir na gwenaganbo yeer iddodi gusbalirye. Degsoggu, Biblia durdadele daggardamalad Bibliagi we igargi sunmaglenamoga, Bibliagi binsaed nuegan anmarga daglenai. Igi be binsae, ¿doagala be nabir we ibmar sogsamogale?
1. ¿Bibliagi ibu ibmargi sunmaglenai?
Bibliag we ibmargi sunmaglenaid: ¿bia dulemar daniggi?, ¿ibigala dulemar nabbaneggi urbilesa?, ¿ibigala neg isgusnai?, ¿dule burgwisar igi gusdae?, ¿ibigala guerramar yaisuli?, ¿igi nue neg gudoe? Be we ibmar wisgubiele issaggwasulid, ar Bibliagi we ibmargi sunmaglenaid. Abar dulemar we ibmar durdasadba bad yeer iddodidiid.
2. ¿Ibu ibmar nuegan be nabir Bibliagi durdasale?
Bibliagi anmarga binsaed nuegan daglenaid. Aagine soglenaid igi be nabir yeer iddodi gusale. Soglenabalid, igi be nabir yeer iddogedgi arbanai gusale. We garda durdagmaidba be buggidar ibmar bamalad durdadbaloed, be dagdagoed “Bab Dummad Garda ibnuedi” (2 Timoteo 3:16).
We garda Bibliasulid, Bibliabo durdaggega imaglesad. Degsoggu, Bibliagi ibmar absogoye soglenair nueggwa Bibliagi absodao, degiile be nueggwa Bab igar durdaggoed.
NUEGGWA WE IBMAR DURDAGMARGOLO
Wegine soglenaid, dulemar Biblia durdader igi bendaglesdamala, ibu be nabir imasmogale Biblia durdagbi gudamogaga, ibigala dule baid be bendagged abelebali.
3. Biblia anmarga neg mee saeyob gued
Biblia anmarga gwallu mee gaeyob gued. Degsoggu, Bibliagi nabir anmar binsaed nuegan amied, Bibliagi nabir anmar durdagbalid igi yoogidse neg guoe.
Salmo 119:105 absomalo, we ibmargi sunmagmarbalo:
-
¿Salmo narmasad bule Bab gaya burba binar iddollege?
-
Bedina, ¿bule be Bab gaya burba binarmoga?
4. Be ibu ibmar wisgubidibe Bibliagi be nabir durdasaled
Wegine soglenaid, ome wargwen nueggwa Biblia durdasgu ibu ibmar nuegan durdasa. VIDEO dagmalo, we ibmargi sunmagmarbalo:
-
¿We ome ibu ibmar wisgubi gudidaena?
-
¿We ome Bibliagi ibu ibmar durdasa?
Bibliag soglenaid, be ibu ibmar wisgubidibe mer binge egisoye. Mateo 7:7 absomalo, we ibmargi sunmagmarbalo:
-
¿Nabir be Bibliagi ibmar durdasmogardibe? ¿Ibu ibmar be durdagbisunna?
5. Nabir be gadi Biblia binar gusmogaled
Abar dulemar Biblia absobidamalad, ar e bendagge iddodamalad. VIDEO dagmalo, we ibmargi sunmagmarbalo:
-
¿Bule garda absobidamarye nusganagan sogsamala?
-
¿Ibiga Bibliadi absobidamarye sogsamala?
Biblia durdagged nue anmar bendagged. Romanos 15:4 absomalo, we ibmargi sunmagmarbalo:
-
¿Be nabbi nueggwa Biblia durdagbimoga?
6. Be nueggwa Biblia durdagbiele dule baid be odurdagger gebed
Be nabir walagwengi na Biblia absoge inigwale, auggi be nueggwa Biblia durdaggegardina dule baid be odurdagger gebed. Gusmalad 8:26, 31 se absomalo, we ibmargi sunmagmarbalo:
-
Be nueggwa Biblia durdaggegala, ¿ibu be imagger gebmosunna? (Versiculo 30, 31 dagmarbalo).
Dule Etiopiagined abesad, Bab gaya burbagi dule e odurdagged. Emi ibagi dulemar abedamarmogad, dule wargwen nueggwa Bibliagi e odurdagmogad.
ABAR SOGDAMALAD: “Biblia be bendaggosurye”.
-
Bedina, ¿igi be sogmoga? ¿Ibiga bedi deyob soge?
WE IGARGI SUNMAGLESAD
Bibliagi anmarga binsaed nuegan daglenaid, ibmar soggwennagi sunmaglenasulid, yoogidse ibmar guoedgi sunmaglenabalid, aagala nue anmar bendagged.
Ibu be durdasa
-
¿Bibliagi anmarga binsaed igimalad daglenai?
-
¿Biblia ibu ibmargi sunmagnai?
-
Bedina, ¿ibu ibmar Bibliagi be durdagbimoga?
NABIR BE WE IBMAR DURDASBALILED
Weg soglenaid, Bibliagi ibmar soglenanaid igi nabir be bendasmogale be yeer iddodi guega.
“Bibliagi anmarga binsaed nuegan daglenaid” (La Atalaya, num. 1, 2018 gad)
Weg soglenaid, ebbenne dule wile iddodidaenad Biblia durdasgu igi nabir yeer iddodi gusa.
Weg soglenaid, ibu be nabir imasale neguyagi yeer iddodi guega.
“Ibu be imasale nabir be gwenadganbo yeer iddodii guega” (¡Despertad!, num. 2, 2018 gad)
Weg soglenaid, doa nue nabbaneg idumaye Bibliagi soglenai.
