LECCION 06
¿Doa bela ibmar obinyisadi?
Bibliagi soglenaid: Bab Dummad, “ar bela ibmar naid be obinyisad” (Apocalipsis 4:11). Auggi, abar dulemardi binsadamalad, Bab Dummad ibmar obinyissurye, ibmar na walagwengi binyiarye. Binsadamarbalid, Bab Dummad dulemar obinyissurye, walagwengi dulemar na binyiarmoye, ar degiirdina, binsa unnila anmar wegine buggunoniggiled. Auggi, Jehova anmar obinyisardina, ibmar soggwen ular anmar obinyisar gebed, ¿insoa? a Dagmaloena, doa bela ibmar obinyisadye Bibliagi soglenai, geb igi anmar wisbali we ibmar nue gaggansuli.
1. ¿Doa nabbaneg obinyisa? ¿Doa nibneg obinyisbali?
Bibliagi soglenaid: “Bab Dummadi, gebe nega saglaunni, nibneg, nabneg obinyisad” (Génesis 1:1). Bela cientificomar sogedbisaarmarmogad, nabbanega, nibnega, na walagwengi nagunonisurmarye. ¿Degidde igi Bab Dummad bela ibmar obinyissunna? Bab Dummadi, na “e gangued” ebusad nabbaneg obinyega, bela niisgwamar nanaid obinyebaliga (Génesis 1:2).
2. ¿Ibigala Jehova nabbaneg imasa?
Jehova soged, nabbaneg “binsa ollobi nasiggega an imagsasulid, dulemar egi ambigguega an imagsad” (Isaías 45:18). Jehova abesanad, nabbaneggi neg yeer dagle gued, aagine dulemar sadegu gudi gumalad (Isaías 40:28 geb 42:5 absogo). Cientificomar sogmarbalid, nabbaneg binsa dodoaggwa imaggar daglesurye. Aagala, unnila nabbanegginbi nabir dulemar buggued, baidsigdi geg dulemar buggued.
3. ¿Ibugine dulemardi ibmar durganbo aggala?
Nabbaneg obinyisad sorbali, Jehova gaganmar obinyisad, ibmar durgan obinyisbalid. Aa sorbali, “Bab Dummad dule obinyenoniggid, na e sunna gue obinyenoniggid” (Génesis 1:27 absogo). ¿Ibugine dulemardi ibmar durganbo aggar imaglesa? Anmardina, Bab Dummad eyob dae anmar imasad, aagala, nabir anmardi emar sabgumogad, nabir anmar ibmar nuegan imagbalid. Jehova anmardi anmar imasbalid, nabir gaya baid durdaggega, ibmar yeer dagleger mag daggega, nabir musica goled yeer iddobaliga. Anmardi nabir Jehova nug odummobalid, ibmar durgandi geg we ibmarmar imagged.
NUEGGWA WE IBMAR DURDAGMARGOLO
Wegine anmar durdaggoed, igi anmar wisi, Bibliagi ibmar soglenaid gaggansuli, Bab Dummad bela ibmar obinyisadi. Geb anmar durdagbaloed, dulemar nabir ibmar nuegan imaggedbali nabir anmar wisgusarye Bab Dummad dule igi daedmoga.
4. Bab Dummad bela ibmar obinyisadid
Dulemar nug odummolesdaed, Bab Dummad ibmar obinyisad daggedba ibmar imagmamamogadba. Auggi, Bab Dummad bur gebbe ibmar obinyisadsoggua, aa nug odummoleged abelemogad. VIDEO dagmalo, we ibmargi sunmagmarbalo:
-
¿Ibu ibmar daggedba dulemar ibmar imasdamarmoga?
Anmar wisid, negmar na walagwengi signonisurdaed, dule wargwen sobsadaed. Auggi, bela we nabneggi ibmar niggaddina, ¿doa imagsamosunna? Hebreos 3:4 absomalo, we ibmargi sunmagmarbalo:
-
¿Bab Dummad ibu ibmar obinyisadi bur be yeer dagdamoga?
-
¿Ibigala be binsae, Bab Dummad bela ibmar obinyisadye?
¿Be wisina?
Nabir be jw.org gi gardamar amisaled, videomardibe, we igargi sunmagnanamogad. Weyob naidgi be amigoed “¿Wargwengi na binyisdibe?” geb “Bia ibmarmar daniye dulemar sogdamala”.
‘Igi dule wargwen neg sobsadae, aayobi, Bab Dummad bela ibmar obinyismogad’
5. Gaggansulid, Bab Dummad bela ibmar obinyisadid
Génesis capitulo 1 gine soglenaid, Bab Dummad nabbaneg obinyisye, bela nabbaneggi ibmar niggad obinyisbarye. ¿Bule nue nabir soglenadibe? VIDEO dagmalo, we ibmargi sunmagmarbalo:
-
¿Bibliagi soglenadibe unnila ibnergwagine bela nabbaneggi ibmar niggad obinyilesye?
-
Bibliagi soglenaid Bab Dummad bela ibmar obinyisye, ¿bule nue nabirdibe? ¿Ibigala deyob be binsae?
Génesis 1:1 absomalo, we ibmargi sunmagmarbalo:
-
Bela cientificomar sogedbisaarmarmogad, nabbanega, nibnega na walagwengi nagunonisurmarye. ¿Bule deyob Bibliagi soglenamo be dagsa?
Abar dulemar sogdamalad, Bab Dummad ibmar soggwen inse obinyisgwerye, sorba aadi binna binna ibmar bamaladga binyemai guega. Génesis 1:21, 25, 27 absomalo, we ibmargi sunmagmarbalo:
-
¿Bibliagi soglenadibe Bab Dummad ibmar soggwen inse obinyisgwerye, sorba aadi binna binna binyidye, uamargala, ibmar durgan bamaladgala, geb dulemarga? Sulirdina, ¿soglenadibe Bab Dummad bela ibmar dulamalad “na egad egad balibimaladba” obinnisye? b
6. Dulemardi ibmar bamaladbo aggar imaglesad
Anmardi ibmar durganbo diggasur aggalad. Génesis 1:26 absomalo, we ibmargi sunmagmarbalo:
-
Jehova eyob dae anmar imasadbali anmardi nabir emar sabgumogad, aagala, nabir anmar wile emar dagbalid. Degsoggu, ¿Jehova dule igi daedmo be iddosunna?
ABAR SOGDAMALAD: “Bibliagi ibmar soglenaid nabirsulid, ar Bab Dummad ibmar obinyissulid”.
-
¿Bedi igi sogmoga? ¿Ibigala bedi deyob soge?
WE IGARGI SUNMAGLESAD
Jehova nibneg obinyisad, bela nabbaneggi ibmar niggad obinyisbalid.
Ibu be durdasa
-
Igi Bibliagi soglenai, ¿doa bela ibmar obinyisadi?
-
¿Bibliagi soglenadibe, Bab Dummad ibmar soggwen inse obinyisgwerye, sorba aadi binna binna binyidye, uamargala, ibmar durgan bamaladgala, geb dulemarga? Sulirdina, ¿soglenadibe Bab Dummad bela ibmar obinyisye?
-
¿Ibugine dulemardi ibmar durganbo aggala?
NABIR BE WE IBMAR DURDASBALILED
Wegine soglenaid, igi ibmar durgan ibmar imaggedba anmar wisi, ibmar durgan walagwengi na binyissurmala.
“¿Ibmar durgan ibu igargi anmar odurdagge?” (¡Despertad!, septiembre 2006 gad)
Wegine be daggoed, igi babgan nabir na e mimmigan odurdasale, Bab Dummad bela ibmar obinyisadye.
Bibliagi soglenadibe anmar ibmar durgangi daniye.
“¿Binna binna ibmar binyiardibe?” (We garda jw.org gi nosad)
Wegine soglenaid, ibmar durgan garmar amilemaidba anmar wisye, anmar ibmar durgangi danisuli, Bab Dummad anmar obinyisa.
El origen de la vida. Cinco cuestiones dignas de análisis (Folleto)
a Leccion 25 gi soglenaid, igi gudi gued Bab Dummad anmar abege.
b Bibliagi soglenaile ibmar balibimaladye, bela ibmar dulamalad na emarbimaladgi sunmaglenadaed. Cientificomardi we ibmargi sunmadele, ibmar baid obardamalad.
