LECCION 07

¿Jehova dule igi daedi?

IBU GAGGAB BE IDDOBIE

Jehovagi be binsadele, ¿Jehova dule igi daedye be binsadamoga? Dule dummad masoggua, sun be binsaeled, niisgwamar diggasur nanaiyobi, Jehova begine diggasur mamoye. Sulirdina, sun be binsaeled, Jehova diburwayobi, unnila binsa yeer gangued nigmoye. Ar degidde, ¿Jehova nue dule igi daedsunna? Bibliagi anmarga soglenaid, Jehova nue dule igi daedi. Aagine soglenabalid, Jehova be iemasurmoye.

1. ¿Ibigala anmar Jehova dagsuli?

Bibliagi soglenaid, ‘Bab Dummad burbarye’ (Juan 4:24). Degsoggu, Jehovadi anmaryob san nigsulid. Jehovadi dule burbaledid, nibneggi maid, e neg maidi, anmar geg dagbalid.

2. ¿Jehova dule igi daedi?

Anmar Jehova dagdisur inigwale, auggi anmar e igar durdadele, anmar wisgunoniggoed, Jehova dule nued dae. Aabali, anmar gadi Jehova binar gudmogoed. Bibliagi soglenaid Jehova dule igi daedi, weyob soglenaid: “Jehova igar inniggi imagleged yeer dagdaed, dule eba nue nanadiidgi bangusulid” (Salmo 37:28). Anba soglenbalid, ‘Bab Dummad nue dulemar sabye, nue wile dulemar dagbarye’, auggi, dulemar wiledimalad bur bule wile dagdaye (Santiago 5:11). Soglenabalid, ‘Jehova dule nagbi iddodimaladba gudiye, dule buggib binsadimalad nue bendagbarye’ (Salmo 34:18). Degsoggu, anmar ibmar imaggedbali sun anmar wile iddo Jehova imagged, sun anmar yeer iddo Jehova imagbalid. Dule ibmar isgana imadele, wile iddo Jehova imaggoed (Salmo 78:40, 41). Auggi, dule ibmar nued imaggerdina, yeer iddo Jehova imaggoed (Proverbios 27:11 absogo).

3. ¿Igi anmar wisi Jehova nue anmar sabe?

Jehova bela beladse anmar binaled, deyob Bibliagi soglenaid, “Bab Dummad bela bela dulemar sabgumaid” (1 Juan 4:8). ¿Igi anmar wisi Jehova nue anmar sabe? Bibliagi anmarga ibmar soglenaidba, geb anmarga bela ibmar obinyisbalidba (Gusmalad 14:17 absogo). Be daggena, anmar yeer iddodi guega Jehova weyob anmar imasad: nabir anmar ibmar yosgu dagge, gisigwaddibe, gorogwaddibe. Anmar imasbalid, nabir anmar musica goled iddogega, nabir anmar ibmar yeer gullemalad iddobaliga.

NUEGGWA WE IBMAR DURDAGMARGOLO

Wegine anmar durdaggoed, Jehova igi ibmar obinyisdae, geb Jehova dule igi daedbali.

4. Bab burba isligwaledi, Bab Dummad ganguedid

Anmardi ibmar imaggegala argan ebusdaed. Jehovadi ibmar imaggegala, na e burba isligwaled ebusdaed. Degsoggu, Bibliag soglenasulid Bab burba isligwaled duleye. Soglenaid, Bab Dummad e ganguedye, aa Bab Dummad ebusdaye nabir bela ibmar imaggega. Lucas 11:13 geb Gusmalad 2:17 absomalo, we ibmargi sunmagmarbalo:

Bab Dummad sogsad, dule anse an burba isligwaled egisele an ega uggoye. Degsoggu, Bab burba isligwaled ibusunna, ¿duledibe, Bab Dummad e gangueddibe? ¿Ibigala deyob be soge?

Jehova bela ibmar geger daglemalad imaggegala na e gangued ebusdaed. Salmo 33:6 geb 2 Pedro 1:20, 21 absomalo, we ibmargi sunmagmarbalo:

¿Ibu ibmarmar imaggegala Jehova na e gangued ebusa?

5. Jehova dule nuedid

Moises nue Babba nai gusa inigwale, nueggwa wisgubi gusmogad, Jehova nue dule igi daedi. Aagala, Jehovaga weyob sogsad: “Be ibmar abeged be anga oyodo. Adi, an begi mer benguegar, nued be an daggegar” (Éxodo 33:13). Aa sorbali, Jehova ega sogsad, edega dule igi daedi. Éxodo 34:4, 6 se absomalo, we ibmargi sunmagmarbalo:

Jehova igi Moisesga sogsa, ¿edega dule igi daedye ega sogsa?
¿Jehova dule igi daedbali be nued dagmoga?

6. Jehova bibbisaar dulemar iemasulid

Ebbenne Jehova sordagan Egipto dulemarse wiledi gusmalad. ¿Igi Jehova iddosdibe e sordagan wiledi daggargu? AUDIO iddomalo, eba Bibliagi absomarbalo, sulirdina, unnila Éxodo 3:1, 10 se absomalo. Sorba we ibmargi sunmagmarbalo:

AUDIO: Jehova wile na e sordagan dagsad (2:45)

¿Igi Jehova iddodae, wiledii dulemar daggalir? (Versiculo 7, 8 dagmarbalo).
Igi be binsae, ¿bule nue Jehova anmar bendagbidibe? ¿Ar nabir anmar bendasardibe? ¿Ibigala be deyob soge?

7. Anmarga ibmar obinyisadba anmar wisid, Jehova dule igi daedi

Jehova anmarga ibmar obinyisadba nabir anmar wisgusaled, Jehova dule igi daedi. VIDEO dagmalo. Sorba Romanos 1:20 absomalo, we ibmargi sunmagmarbalo: