LECCION 09
Babse be gordaele, be e aigala gudoed
Babse be gordaele, ¿igi Bab Dummad be bendaggoe? Be aggu ibmar iddogele, begala binsaed nuegan daggoed. Be buggib binsadiile, be bendagbaloed wis be basursaar iddogega, geb be bendagbaloed nabir be e ai nuedga gumogaga. Auggi, ¿igi anmar Babse goled abelesunna? ¿Bela dulemar ese goled Bab Dummad abin imasdadibe? ¿Igi be nabir wisgusale, be ese goddele bule Bab Dummad be iddomadamoga? Wegine aa igargi sunmaglegoed.
1. ¿Doasega anmar goloe? ¿Ibu ibmargi nabir anmar ebo sunmasale?
Jesus e sordaganga sogsad, unnila Jehovasebi gormaloye. Emoga Jehovasega godsadamogad. Aagala, ibagwengi Jesus sogsa gusad, weyob Babse gormaloye: “Anmar Bab nibneggi maid…” (Mateo 6:9). Degsoggu, anmar bali bali Jehovas gordaele bur bule anmar e ai nuedgala gudoed.
Ibu ibmargi anmar Bab Dummadga sunmagbie, aggarsulid. Auggi, anmar abesundibe Jehova anmar bendagged, e sogedba anmar ibmar imagmogar gebed. Ar Bibliag weyob soglenaid: “Anmar e sogedba ese ibmar egissidele Bab Dummad anmar iddoged” (1 Juan 5:14). Ebbenne Jesus sogsa gusbalid, ibu ibmar nabir anmar Bab Dummadse egissale (Mateo 6:9-13 absomalo). Auggi Babse goddele, anmarginbi unnila anmar binsaed abelesurbalid, Bab anmarga bela ibmar ugmaidsoggua, anmar ega nuedye sogdabaloed, geb anmar ega sogbaloed, wis dule bamalad bendagbarye.
2. ¿Ibu ibmar anmar Bab Dummadga sogdaoe?
Bibliagi anmarga soglenaid: “Bab Dummad asabin be nadele bela be boni niggad ega be sogo” (Salmo 62:8). Degsoggu, anmar Babse goddele, ibu ibmargi anmar binsadii, aa ibmar anmar ega sogdaoed. Nabir anmar weyob Babse godsaled: Binnasursaardibe, be na gwage ulubgi binsasiidgindibe, gwissidibe, siidibe, auggi anmar dodoaggwa ebo sunmaggosulid. Bia anmar gudisundibe, sana anmar ese gorbibarsundibe, nabir anmar ese goled.
3. Anmar ese godsale, ¿igi Jehova anmar bendasdae?
Jehova anmarga Biblia ugsad, ibu anmar wisgubisundibe nabir anmar aagine balamiega. Degsoggu, Biblia absogedi nabir “dule binsaedsuli daed, binsaed ibedga imagged” (Salmo 19:7; Santiago 1:5 absogo). Anmarga wis neg aggar gualile, Jehova nabir anmar bendagbalid, mer anmar doggus buggib binsadi guega. Inbaggwa imasdabalid, e sordagan anmar bendaggega.
NUEGGWA WE IBMAR DURDAGMARGOLO
Wegine anmar durdaggoed, igi anmar ese golele Jehova anmar abin nued iddogoe. Anmar durdagbaloed, anmar Jehovas gordaele, igi Jehova anmar bendagmogoe.
4. Geg yogasaar Babse gorleged
Nabir Bab Dummad anmar iddogegala, ¿ibu anmar imagmogar gebe? VIDEO dagmalo.
Jehova abeged unnila anmar esebi goled. Salmo 65:2 absomalo, we ibmargi sunmagmarbalo:
-
¿Bab Dummad abedibe be ese gormogad? ¿Ibigala deyob be soge?
Bab Dummad anmar iddoged anmar abegele, e igarmar mamaidba anmar damogar gebed. Miqueas 3:4 geb 1 Pedro 3:12 absomalo, we ibmargi sunmagmarbalo:
-
Jehova anmar iddogegala, ¿ibu anmar imagmogar gebsunna?
Neggwebur sogbo nabo urwenasoggarmalar Babse goddemalale, anmar bendaggoye, anmar naggwega. ¿Bab Dummad wemar bendasardibe?
5. Jehovagala anmar bela sogdaoed, igi anmar gwage ulubgi iddodii
Abar dulemar Babse gollalile, gannar gannar ibmar sogdamalad. ¿Ar Bab Dummad abedibe anmar ganar ganar ega ibmar soged? Mateo 6:7 absomalo, we ibmargi sunmagmarbalo:
-
¿Igi be imasale, Babse goddele mer be “gannar gannar” ibmar sogega?
Jehovas godder ibmar baid baidgi be ega sunmaggegala, nabir be we ibmargi binsasaled, igi emi Jehova be bendasa, banegine be binsabaloed, igi Jehova be bendasbali, sorbali, Jehova weyob be bendagmaidba nuedye be ega sogdaoed. Iddoged irgwen deyob be imagdi gusale, nabir be ibmar baid baidgi Jehovaga sunmaggoed.
Sergan abedaed e mimmigan ega bela ibmar soged. Jehova abemogad anmar ega bela nueggwa ibmar sogmogad.
6. Babse goled nue anmar bendagged
Anmarga neg beedse gualir anmar Babse gordaele, ¿nabir Jehova anmar bendasardibe? VIDEO dagmalo.
Bibliag soglenaid, anmarga neg undar gunaidgi anmar Babse golele, anmar wis basur iddo guoye. Filipenses 4:6, 7 absomalo, we ibmargi sunmagmarbalo:
-
Anmar Babse godsar anmarga yog neg nuguar guosur inigwale, auggi, ¿Babse godsar igi anmar iddogoe?
-
¿Ibu ibmargi be Jehovabo sunmagbimoga?
¿Be wisina?
Amenye soglegedi we ibmar obared, “deyob guo”. Diggasurgus daniggid, dulemar Babse godsale sogsadamalad, “amen” (1 Crónicas 16:36).
7. Babse goledga wassi amidamogo
Inbaggwa anmar ibmar saed yaisur niggadba Babse goled iesdaed. ¿Bule Jesus Babse goled binarmogana? Mateo 14:23 geb Marcos 1:35 absomalo, we ibmargi sunmagmarbalo:
-
¿Jesus igi imasdae nabir Bab Dummadse golega?
-
Bedina, ¿igi be nabir imasmogale Babse golega?
ABAR SOGDAMALAD: “Babse be goddele, Bab be iddogosulid, binsa ese be goloed”.
-
Bedina, ¿igi be binsamoga?
WE IGARGI SUNMAGLESAD
Anmar bela nueggwa Jehovaga ibmar sogdaele, anmar Jehova ai nuedga gudoed. Jehova anmar bendagmogoed nabir anmar yeer iddodi guega, nabir anmar e sogedba igar imagbaliga.
Ibu be durdasa
-
¿Doasega anmar gordaoe?
-
¿Ibu ibmar anmar Bab Dummadga sogdaoe?
-
Be ese gordaele, ¿igi Jehova be bendagmogoe?
NABIR BE WE IBMAR DURDASBALILED
Wegine Babse goled igargi sunmaglenaid.
“Siete mergu ibmar soglenaid, igi Babse gorlegoe” (La Atalaya, octubre 1, 2010 gad)
Wegine soglenaid, ibigala nue Babse goled abelege, geb igi nabir be nueggwa ese godsabalile.
“¿Ibigala nue Babse goled abelege?” (We garda jw.org gi nosad)
Wegine soglenaid, igi Bibliag soglenai, bur doas anmar bendagged egisdaoe.
“¿Nussumarse bendagged egised nueddibe?” (We garda jw.org gi nosad)
We video daggo, aagine soglenaid, bia gudiidgi nabir anmar Bab Dummadse godsale.
