LECCION 11
Igi be nabir nueggwa Biblia durdasale
Begala arbaed dummad uglessundibe, be daggele beg ibigwensur guosuli, sun be binna binna imaggedgi binsaaliled, ibmar ibigwensurmalad inso imaggedgindibe, nabir be we arbaed obelogega. Biblia absogegala nabir be deyob imasmogaled. Auggi, sun be binsaarbaliled: “Biddi innig bur an absoder nuedirdibeye”. We lecciongi be durdaggoed, ibu be nabir imasmogale Biblia absobi gudamogaga, geb nabir be nueggwa Biblia durdagbaliga.
1. ¿Ibigala bane bane Biblia absoged nue abelege?
Dule bane bane Biblia absogele, “Jehova igar maid”, yeer iddodi guoed, ega bela ibmar nueganbi nabaloed (Salmo 1:1-3 absogo). Gebbe be Biblia absodsoggalile, bibbi bibbi bur be absodgweler nuediled. Bur bule be absomaidbali, be gadi Biblia binar gudamogoed.
2. ¿Ibu be imagger gebe nueggwa Biblia durdaggega?
Anmar nabir nueggwa Biblia durdaggegala, Biblia absosiile anmar ibmar absolenaidgi nueggwa binsabalir gebed, daggega, ibu igargi anmar odurdagnai. Aagala, unnila binsa Biblia abso abso saedbi unnisulid, wis ‘egi binsaed’ abelebalid, nabir anmar egi ibmar soggwen durdaggega (Josué 1:8). Degsoggu nuediled, Biblia absoalile be we ibmargi binsaer: “¿Jehova dule igi daedye wegine anga soglenai? Weg ibmar soglenaidbali, ¿igi nabir an igar imasmogale? Weg an ibmar durdasadgine, ¿igi nabir an dule bamalad odurdasmogale?”.
3. ¿Igi be nabir wassi amismogale Biblia absogega?
Sun begala beedse guarmogaled Biblia absogega be wassi amiega. Degsoggu, ‘ibagan nagumaidbali’ be wis wassi obanmogar gebed (Efesios 5:16). Nuediled Biblia absogega be wassi amimogar. Abar dulemar Biblia absogegala, wagdaryala agdesdamalad. Abar yooruggu absosdamalad. Abar muddig gabed iduale absosdamalad. Bedina, ¿igi wassigine be nabir Biblia absosmogar be na iddoge?
NUEGGWA WE IBMAR DURDAGMARGOLO
Wegine be durdaggoed, ibu be nabir imasmogale Biblia absobi gudamogaga. Be durdagbaloed, igi be nabir imasbalile, dule be odurdagdaged iduale, nabir be nueggwa we garda durdaggega. Degiile bur be nueggwa Biblia durdaggoed.
Igi nabir anmar ibmar wissur gunned binna binna binar guddae, deyobi, nabir anmar Biblia absoged gadi binar gusmogaled.
4. Nabir be Biblia absoged gadi binar gusmogaled
Be gebbe Biblia absodegala sun bega ibigwensur gusurmogaled. Auggi, igi nabir anmar ibmar wissur gunned binna binna binar guddae, deyobi, nabir anmar Biblia absoged ‘binale yaisur iddo’ gudmogaled. 1 Pedro 2:2 absomalo, we ibmargi sunmagmarbalo:
-
Be bane bane Biblia absodaele, ¿bur bule be Biblia absoged binar guderdibe?
VIDEO dagmalo wisguega, igi abar nusganagan imasmala Biblia absoged binale yaisur iddo gumalaga. Sorba we ibmargi sunmagmarbalo:
-
¿Ibigala nusganaganga beedse gusa Biblia absoged?
-
¿Ibu imasmala mer Biblia absoged indaggega?
-
¿Igi imasmala Biblia absoged bina yaisur iddo gumalaga?
Sun be nabir weyob imasaled:
-
Sun be nabir Biblia maddagwen amisaled, nueggwa mag iddollegedgi ibmar sognaid. Nabir be Traducción del Nuevo Mundo absosbaliled, be gayaba niggar.
-
Ibu ibmar Bibliagi soglenaid bur be yeer iddodae, sun nabir aa inso be absodeled. Weyob soglenaidgi be amigoed, “Nabir be weyob Biblia absodeled”.
-
Mer iegega banna gus be absomai, absoged irba narmagdao. We gardagi weyob soglenaidgi be amigoed, “Banna gus an Biblia absomai”.
-
Nabir be JW Library®ebusbaliled. Be celulargi be instalar imasale, bia be nadsundibe nabir be Biblia absosaled, audio be iddogodibe.
-
Biblia Traducción del Nuevo Mundo gi ibmar bamalad soglenaid nabir be dagsabaliled. Nueggwa Biblia durdaglegega aagindi mapamar nanaid, ibmar aggu iddollemalad nueggwa soglenanabalid, geb ibmar bamalad nanabalid.
5. Dule be odurdagdaged idu nueggwa we garda durdagdao
Salmo 119:34 absomalo, we ibmargi sunmagmarbalo:
-
¿Ibigala Babse goled abelege, Biblia absosoggalirdibe, walagwengi be we garda durdagsoggalirdibe?
¿Igi be nabir nueggwa we garda durdasale? Be we garda durdagsoggalile, nabir be weyob imasaled:
-
Leccion irba gebbe nodedgi parrafomar nanaid bergwable absogo.
-
Biddimar Bibliag absogoye soglenai, bela absodabalo, dagdabalo aagi ibmar soglenaidi, be ibmar durdagnaidbo emar soglenadibe.
-
Biddi innig ibmar egislenaid abin soglenai be dagge, aagine be iir imagdabaloed. Deyob be imagdaele, dule be odurdagdaniggir beg ibigwensur guoed Biblia durdaggega.
¿Be wisina?
Ebbenne Jehovagi sunmagmalad unnila Biblia soggwenna ebusurmalanad, auggi bur anmar Biblia Traducción del Nuevo Mundo nued dagdaed. ¿Ibigala? Ar aagindi ibmar inniggi soglenaid, nue mag iddollegedgi soglenabalid, geb aagindi Bab Dummad nug ebulenabalid (jw.org gi we garda absobalo: “¿Jehovagi sunmagmalad na Biblia egad sunnad nigmarmodibe?”).
ABAR SOGDAMALAD: “Biblia durdagged anginsulid. Andi an wassi sadde Biblia durdaggega”.
-
¿Bedi igi sogmoga?
WE IGARGI SUNMAGLESAD
Nabir be nueggwa Biblia durdaggegala, wassi amidamogo Biblia absogega. Jehovaga sogdabalo be bendagye, Bibliagi ibmar soglenaid nueggwa mag iddo guega. Geb dule be odurdagdaged idu nueggwa walagwengi we garda durdagdabalo.
Ibu be durdasa
-
¿Ibu be imagger gebe nabir nueggwa Biblia durdaggega?
-
¿Igi wassigine be nabir nueggwa Biblia durdasmogale?
-
¿Ibigala nue abelege, dule be odurdagdaged idu walagwengi be nueggwa we garda durdagged?
NABIR BE WE IBMAR DURDASBALILED
Wegine soglenaid, igi be nabir nueggwa Biblia durdasale.
“¿Igi be nabir Biblia absoged gadi binar gusmogale?” (La Atalaya, num. 1, 2017 gad)
Wegine soglenaid, igi be nabir Biblia absosale.
Wegine soglenaid, igi be nabir Biblia absoged gadi binar gusmogale.
Wegine soglenaid, ibu be nabir imasmogale Biblia absogega.
