Bela anmar wisidbiid Bab Dummad bela beladse dulemar sabe. Degidde, ¿ibigala abar Bab igargi emar odurdagmalad agga bela beladse dulemar wioddamarbarsunna? Ar we dulemar Bab igar sunsogedba ibmar imagsurmalad. Noar Bab igar odurdagdidiidbali Bab Dummad nug oissodidimalad. Ibmar isgana imagdidiidbali Bab Dummad nug oissodidimarbalid. ¿Igi neg imagdidimarsunna? Aabali, ¿Jehova igi iddomamosunna? ¿Jehova igi we dulemar imaggedgi binsamasunna?

1. ¿Igi ibmar odurdaggedbali Bab Dummad nug oissodidimala?

Noar Bab igar odurdagmaladi, “Bab Dummad e igar nabbiragwad anar, bur gaggan, igar nabbiragwadga imagdemalad” (Romanos 1:25). Bibliagi soglena inigwale Bab Dummadse e nugba gormaloye, auggi, abar Bab igargi emar odurdagmalad dulemarga sogsurdamalad, Bab Dummad igi nuga (Joel 2:32). Neg aggar gusar soggardamarbalid, Bab nuggi weyob ibmar gusye, Bab urwemaye. Bab Dummaddi bibbisaar neg oaggalomasursoggua, deyob dulemarga sogdidiidba Bab Dummad ogaggansadimarbalid (Santiago 1:13 absogo). Aagala, abar dulemar Bab igar bar durdagbisur guardamarsunnad.

2. ¿Igi ibmar imagdidiidbali Bab Dummad nug oissodidimala?

Noar Bab igar odurdagmaladdina, Jehovayob dulemar sabsurmalad. Bibliagi soglenaid, noar Bab igar odurdagmalad ‘e isgued nibnegse warmagsaye’ (Apocalipsis 18:5). Abar Bab igargi emar odurdagmaladi, politica igarba aggamarbalid, guerramarba aggamarbalid, dulemar oburgwileged yeer daggeyob dagledamalad. Abar Bab igargi emar odurdagmaladi, mani ibganyob ibmar niggubiedba e sordagangi mani wedamarbalid. Weyob ibmar imagdidiidba mag dagleged, nueggwa Bab igar wissurmala. Ar aagala geg nueggwa Bab igargi dulemar odurdagmalad (1 Juan 4:8 absogo).

3. Noar e igar odurdagdimalad dulemar wiodimaladba, ¿igi Jehova iddomai?

Noar Bab igar odurdagmalad dulemar wiodimaladba, ¿igi Jehova iddoma be soge? Jehova nabir iddomasulid, ar we dulemar e nug oissodidiid, dulemar wiodidimarbalid. Aagala Jehova sogmaid, dulemar noar e igar odurdagdimalad bela obelolemaloye, ‘we nabneggi bar daglegosurmarye’ (Apocalipsis 18:21). Undar nabsulid, Jehova bela we dulemar obelogega (Apocalipsis 18:8).

 NUEGGWA WE IBMAR DURDAGMARGOLO

4. ¿Bela dulemar e igargi sunmagmalad Jehova nued dagmadibe?

Abar binsadamalad, bela Bab igargi sunmagmalad nueganbiye, bela Babgadbiye, ¿ar degidibe? Lucas 13:24 absomalo, we ibmargi sunmagmarbalo:

• Bibliagi igi soglenai, ¿be bendaglebiele, biddi yawagagba be doger gebe?

VIDEO dagmalo, we ibmargi sunmagmarbalo:

• ¿Bibliagi soglenadibe, bela dulemar e igargi sunmagmalad Bab Dummad nued dagmaye?

 6. Jehova dulemar bendagbied, noar e igar odurdagmaladgi bangumalaga

Apocalipsis 18:4 a absomalo, we ibmargi sunmagmarbalo:

• Jehova, noar e igar odurdagmaladse yardagles gudimalad bendagbied. ¿Bule Jehova wile dulemar dagge be iddosunna?

7. Bab igar sunsoged durdagnaid, mer indaggo

Noar Bab igar odurdagmalad bela beladse dulemar wiodimar inigwale, geg anmar soged Jehova nuggi deyob ibmar imagdimarye, ¿ibigala? Ar we ibmaryobmogad, massigwa wargwen e bab sogedba ibmar imagbisulidba waggiddele, galagwensur gudi gudbalile, be sogsasuliled e bab nuggi we massigwa isgudye.

• Noar Bab igar odurdagmalad bela beladse dulemar wiodimarsoggua, ¿nuedirdibe be aa ibmar daggedba Jehova igar durdagnaid indagged?

 WE IGARGI SUNMAGLESAD

Noar Bab igar odurdagmalad e ibmar odurdaggedbali, geb e ibmar imaggedbali Jehova nug oissodidiid. Isse nabbid, Jehova bela we dulemar obelogoed.

Ibu be durdasa

• Noar Bab igar odurdagmalad e ibmar odurdaggedbali, geb e ibmar imaggedbali, ¿bule ibmar nued imagdidi be dagmoga?

• ¿Igi Jehova, dulemar noar e igar odurdagmalad dagge?

• ¿Igi Jehova, dulemar noar e igar odurdagmalad imaggoe?