LECCION 15
¿Doagi Jesus?
Bela dulemar Jesus nug iddodiidbimar inigwale, auggi nueggwa wissurdamalad, Jesus nue doa dule gue. Dulemar na egad egad sogdamalad, Jesus nue doa dule gue. Bibliagindi, ¿igi soglenamosunna?
1. ¿Doagi Jesus?
Jesus dule burbaledid, nibneggi maid. Aa insogi Jehova obinyisad, bela ibmar bamalad obinyed idu. Aagala Bibliagi soglenaid, bela ibmar bamalad obinyileged idu Jesusdi bad gudibinnye (Colosenses 1:15). Bibliagi soglenabalid, Jesus “Bab Dummad massi wargwennagwadye”, ar aabi Jehova na ee wargwengine obinyisad (Juan 3:16). Ebbenne Jesus e Babbo arbasad, Jehovabo, bela ibmar bamalad obinyedgi (Proverbios 8:30 absogo). Emisgwagine, Jesus anba na e Babbo waliggagwad. Jesus, Bab gaya burba berbegedgi arbaed, aagala Bibliagi bilenabalid, “Gayaburbaye” (Juan 1:14).
2. ¿Ibigala Jesus nabbanegse barmileali?
2.000 años gus Jehova ibmar dagledisulid imasad. Imasad, babneggi angel yeer gangued nigga gudiidi, Jesus, we nabbaneggi gwalulegega. Yaagwa Mariaye nugadi e nanga guega imasad. Aagala, Jesus nabir dulemaryob we nabneggi gwalulesmogad (Lucas 1:34, 35 absogo). ¿Ibigala Jesus nabbanegse barmilearsunna? Cristoga guega, Mesiasga, geb nabir dulemar bendagbaliga. a Igi Mesias ibmar imagnoniggoye profetamar sogsamala, bela deyob Jesus ibmar imagnoni gusad. Aagala, dulemar ibigwensur mag dagsamalad wee we “Cristo, Bab Dummad dula maid e Massi sunnadi” (Mateo 16:16).
3. ¿Bia emidi Jesus gudisunna?
Jesus burgwisgua, Jehova na gannar angelyob Jesus odulosad, degsoggu gannar nibnegse naded. Aagine, “Bab Dummad, Cristo Jesus dulemar baiganba bur bule dummadga imagsasunnad” (Filipenses 2:9). Degsoggu, emidi Jesus dule dummadga gusa siid, unnila Jehovabi egi obined.
NUEGGWA WE IBMAR DURDAGMARGOLO
Wegine anmar durdaggoed Jesus nue doa dule gue, geb ibigala nueggwa we ibmar wisgued abelebali.
4. Jesus, Bab Dummadsulid
Bibliagi soglenaid, Jesus yeer gangued nigga inigwale, Bab Dummad sogedba igar imagmoye, Jehova sogedba. ¿Ibigala deyob soglenai? Be wisgubiele, doa bur dumma guye Bibliagi soglenai, VIDEO dagmalo.
Dagmaloena, Jehova, Jesus e ibuye Bibliagi soglenai. Weg ibmar soglenanaid bela Bibliag absomalo, we ibmargi sunmagmarbalo:
Lucas 1:30, 32 se absomalo.
-
¿Jesus, Bab Dummad “bur birigined” e ibuye angel sogsa?
Mateo 3:16, 17 absomalo.
-
Jesus bautizar imasgu, ¿nibneggi gaya burba igi soggali?
-
¿Doa nibneggi sunmagmainsunna?
Juan 14:28 absomalo.
-
Dule, mimmi niggale, ¿doa bur dummadae, e baba, e mimmidibe?
-
Jesus sogsad Jehova e “Babye”, ¿ibigala deyob sogsa?
Juan 12:49 absomalo.
-
¿Jesus sogsadibe, e Bab ebogwa dule wargwenna guye? ¿Igi bedi binsamoga?
5. Jesus, Mesiasga gunoniggid
Profetamar sogsamalad, igi dulemar mag daggoe doa nue Mesias, Bab Dummad doa onugsasa dulemar bendaggega. VIDEO dagmalo, aagine soglenaid, igi Jesus, profetamar ibmar sogsadyobi ibmar imagnoni gusa.
Bibliagi we ibmar absomalo, we ibmargi sunmagmarbalo:
Miqueas 5:2 absomalo, daggega bia Mesias gwalulegoye soglesa. b
-
¿Ar Jesus nue aa neggweburgi gwalulesa? (Mateo 2:1).
Salmo 34:20 geb Zacarías 12:10 absomalo, daggega Mesias igi oburgwilegoye soglesa.
-
¿Jesus oburgwilesar igi imaglegosurye soglesa? ¿Ar bule nue deyob imaglessuli? (Juan 19:33-37).
-
¿Yamo Jesus imasdibe profetamar ibmar sogsadba ibmar guega?
-
¿Jesus nue doa duleye be sogsamogarsunna?
6. ¿Ibigala anmar wisgued abelege, Jesus nue doa dule gue?
Bibliagi soglenaid, nue abeleye anmar wisgued Jesus nue doa dule gue, geb ibu arbaed Jehova ega ugsabali. Juan 14:6 geb Juan 17:3 (TNM) absomalo, we ibmargi sunmagmarbalo:
-
¿Ibigala anmar wisgued abelege, Jesus nue doa dule gue?
Jesus anmarga igar egasadid nabir anmar Jehova aiga gumogaga, Bab igar sunsogedgi anmar odurdasbalid. Anmar bendasbalid nabir anmar yoogidse sadegu gudi guega.
ABAR SOGDAMALAD: “Jehova sordagandi wissur Jesusgi sunmagmalad”.
-
Dule deyob beg soggalir, ¿igi be ega sogsale?
WE IGARGI SUNMAGLESAD
Jesus, dule burbaledid, yeer gangued niggad, Bab Dummad Massid, aa dulemar bendaggega onugsalesad.
Ibu be durdasa
-
¿Ibigala Bibliagi soglenai, Jesus ‘ibmar bamalad obinyileged idu bad gudibinye’?
-
Jesus nabbanegse daged iduale, ¿ibugine arbasa?
-
¿Igi anmar wisi Jesus nue Mesias?
NABIR BE WE IBMAR DURDASBALILED
Wegine soglenaid, igi anmar wisi Jesus nue Mesias.
“¿Bibliagi soglenadibe Jesus nue Mesiasye?” (We garda jw.org gi nosad)
Wegine soglenaid, ibigala Bab Dummad, Jesus babye sogledae.
“¿Ibigala Jesus, Bab Massiye biledabali?” (We garda jw.org gi nosad)
¿Bibliagi soglenadibe Bab Dummad dule warbaa guye? Wegine aa ibmargi sunmaglenaid.
Wegine soglenaid, ome wargwen ibu imasa Bibliagi durdagnonigu, Jesus nue doa dule gue.
“Ibigala ome wargwen gannar nueggwa Bab igar durdaggedgi binsaali” (¡Despertad!, mayo 2013 gad)
a Leccion 26 gi geb 27 gi bur nueggwa soglenaid, ibig dulemar bendagleged abelegena, geb igi Jesus anmar bendasbali.
