LECCION 17

¿Jesus dule igi daedi?

IBU GAGGAB BE IDDOBIE

Ebbenne Jesus ibmar imagdi gusad be durdagmaidbali, be wisgunoniggoed, Jesus nue dule igi daedi. Aabali bur bule be e aiga gubi gudagoed, geb be Jehova aiga gubi gudabaloed. ¿Jesus dule igi daedsunna? ¿Igi nabir anmar Jesusyob ibmar imasmogale?

1. ¿Igi anmar wisi Jesus e Babyob damoga?

Jesus birga milibali e Babbo babneggi gudi gussoggua, dagdi gusad, e Bab igi dae, igi ibmar imagbali. Aagala, Jesus, e Babyob damogad, e Babyob ibmar imagbalid (Juan 5:19 absogo). Jesus na wisinsoggua e Bab sunnagwad ibmar imagmoga, aaga sogsa gusad: ‘Dule an dagsale, aa dule bad an Bab dagsado’ (Juan 14:9). Degsoggu, bur bule be we ibmar durdagmaidbali, be durdadbaloed Jehova dule igi daedmoga. Jesus wile dulemar dagdi gusadbali anmar wisid, Jehova wile anmar dagmamoga.

2. ¿Igi mag daglesa Jesus nue na e Bab sabe?

Jesus sogsad: Dulemar wisguega an na nue an Bab sabe, bela an Bab sogedba an igar imagged (Juan 14:31). Jesus nabbaneggi gudi gusgu ega ibmar ibigwensur gussur inigwale, auggi nueggwa e Bab sogedba igar imagdi gusad, aabali mag daglesad, nue na e Bab sabe. Jesus, Bab igargi sunmagged yeer iddodaed, dulemar bendagbidabalid Bab Dummad aiga gumarmogaga (Juan 14:23).

3. ¿Igi mag daglesa Jesus nue dulemar sabe?

Bibliagi soglenaid, Jesus gadi dulemar binarye, dulemarba yeer iddodi gusye (Proverbios 8:31). Mag daglesad nue dulemar sabe, ar emar bendasale emargi mani gassurdaed. Unnila binsa dulemarse e gangued oyogega ibmar dagledisurmalad imassurbalid, dulemar bendagbiedba imasad (Marcos 1:40-42). Dulemar soggwennabi binar gussurbalid. Bela dulemarga Jehova ibmar nuegan imaggoedgi sunmagdi gusad. Anmar sabedba guaggwa gusbalid, anmar anar burgwega, auggi dulemar e sogedba igar imagmalad bur bule binardaed (Juan 15:13, 14 absogo).

NUEGGWA WE IBMAR DURDAGMARGOLO

Wegine be durdaggoed, Jesus dule igi daedi, geb igi nabir be Jesusyob ibmar imasmogale.

4. Jesus, gadi na e Bab binaled

Jesus anmar odurdasad, igi nabir anmar gadi Jehova binar gusmogale. Lucas 6:12 absomalo geb Juan 15:10 geb 17:26 absomarbalo. Sorba we ibmargi sunmagmarbalo:

Jesusyob anmar Jehova sabgubimogale, ¿ibu anmar imagmogoe?

Jesus bali bali Babse godsadaed, aabali mag daglesad gadi na e Bab binale.

5. Jesus, dulemar wilesaggwa gudimalad bendasad

Jesusdi bur dule bamalad bendaggedgi binsadaed, na egindi doggus binsassurdaed. Inbaggwa geggus iddodamoganad, auggi bur emar bendaggedgi binsasdaed. Marcos 6:30, 44 se absomalo, we ibmargi sunmagmarbalo:

¿Igi mag daglesa Jesus wile dulemar dagdae? (Versiculo 31, 34, 41 geb 42 dagmarbalo).
¿Ibigala Jesus dulemar bendagbi guali? (Versiculo 34 dagmalo).
Jesus, e Babyob ibmar imagdi gussoggua, ¿Jehova dule igi daedmo iddollesunna?
Jesusyob be wile dulemar dagmogagala, ¿ibu ibmarmar be nabir imasmogale?

6. Jesus emargi ibmar nallegussulid

Jesus ibmar obinegwadgi nigga gudi gussur inigwale, emargi ibmar nallegussulid, eyob daed anmar abemogad. Lucas 6:38 absomalo, we ibmargi sunmagmarbalo:

Igi Jesus sogsa, ¿ibu ibmar nabir yeer iddo be imasale?

VIDEO dagmalo, we ibmargi sunmagmarbalo:

VIDEO: Aimarga ibmar ugged yeer iddo dule imagged (aagi sualed) (4:00)

Be ibmar obinegwadgi nigsulile, ¿ibu nabir be dule bamaladga imasmogale?

¿Be wisina?

Bibliagi soglenaid, Jesus nuggi Jehovas gormaloye (Juan 16:23, 24 absomalo). Deyob be imagdaele mag daglegoed be yeer iddoge, Jesus be bendasadba, be Jehova aiga gumogaga.

ABAR SOGDAMALAD: “Bab Dummad dulemar wiledidiid bai dagmasulid”.

Jesus e Babyob ibmar imagdi gussoggua, ¿igi anmar wisi, Jehova wile anmar dagmai?

WE IGARGI SUNMAGLESAD

Jesus gadi Jehova binaled, gadi dulemar binarbalid. Jesus e Babyob dasoggua, be nueggwa we ibmar durdagmaidba be durdadbaloed Jehova dule igi daedmoga.