LECCION 19
¿Jehovagi sunmagmaladi Cristo sordagan sungsogmaladdibe?
Anmala, Jehovagi sunmagmaladi, anmar bibbisaar bensulid, anmar Cristo sordagan sunsogmaladi. ¿Ibig anmar we ibmar bensuli? Wegine be durdaggoed, ibu libro sogedba anmar dulemar odurdagge, ibigala anmar Jehovagi sunmagmaladye bilebali, geb bule anmar na sabdamarbali.
1. Jehovagi sunmagmaladi, ¿ibu libro sogedba ibmar imagmala?
Jesus e Babga weyob sogsad: ‘Be gaya burba, nabbiragwadid’ (Juan 17:17). Anmala, Jehovagi sunmagmaladi, Jesusyob anmar ibmar imagmarmogad, Biblia sogedba anmar ibmar imagmogad. Anmar sordagan gebbe anbagguded aggale, deyob ibmar imagdanimalad. 1870 siggi anmar sordagan buraggwa buggudmalad, nueggwa Biblia durdaggega, aaundi doggus merbasurmalanad. Deun bamalad iglesiamardi Biblia sogedba igar imagsurmar inigwale, anmar sordagandi Biblia sogedba ibmar imaggarmalad. Sorbali, Bibliagi ibmar durdagmamaid dule bamaladga sogdemarbalid. a
2. ¿Ibigala anmar Jehovagi sunmagmaladye nuggusa?
Jehova sogsad, dulemar an igar sunsoged maidba emar odurdagmaladi, Jehovagi sunmagmaladye bilemaloye (Hebreos 11:4-12:1). Ebbenne Bab Dummad weyob e neggweburga sogsad: ‘Bemar angi sunmagmaladid’ (Isaías 43:10 absogo). Jesus anba ‘Jehovagi sunmagdi gusmogad’ (Apocalipsis 1:5). Aagala, 1931 gi anmar sogsad, Jehovagi sunmagmaladye anmar nugguoye. Weyob nuggusadba anmar yeer iddoged.
3. ¿Jehovagi sunmagmalad bule Jesusyob na mussub mussub sabdamarmoga?
Jesus na e sordagan, e gwenadgan sunnadiyob dagsad (Marcos 3:35 absogo). Anmala, Jehovagi sunmagmaladi, anmar na anmar sordagan anmar gwenadgan sunnadiyob dagmarmogad. Aagala, anmar nase gormalad, “gwenadye” (Filemón 1, 2). Bibliagi weyob ibmar soglenaidba anmar igar imagbalid: “Na be gwenadgan sabgumar” (1 Pedro 2:17). Aagala, bia neg aggar gunonisundibe, anmala, Jehovagi sunmagmaladi, anmar na sordagan bendasdaed.
NUEGGWA WE IBMAR DURDAGMARGOLO
Wegine be durdaggoed, Jehovagi sunmagmalad bia noarmala. Geb be durdagbaloed, igi anmar wisi, anmar bur nue Cristo sordagan sunsogmaladi.
Cristo sordagan sunsogmaladi, Biblia sogedba ibmar imagmalad, Biblia sogedba emar odurdagmarbalid.
4. Biblia sogedba anmardi ibmar imagged
Jehova sogsad, Bibliagi ibmar soglenanaid binna binna nueggwa mag iddollemai gudoye. 2 Corintios 4:6 absomalo, we ibmargi sunmagmarbalo:
-
¿Bab Dummad ibu imaggoe, e sordagan Bibliagi ibmar soglenaid nueggwa mag iddo gumalaga?
Nue daggo, igi ebbenne dulemar nueggwa Biblia durdaggarmala, deun emar abargi Charles Russell sii gusmogad. VIDEO dagmalo, we ibmargi sunmagmarbalo:
-
Charles Russell e sordaganbo, ¿igi imasdamala nueggwa Biblia durdaggega?
¿Be wisina?
Inbaggwa anmar wis anmar ibmar odurdagged ogwae dagleardaed, ¿ibigala? Igi dad naggwialir binna binna neg mee gumaidba ibmar swirdiggig mag dagle guddae, deyob Bab Dummad anmar bendagmaidba anmar binna binna nueggwa e gaya burba mag iddo gumamogad (Proverbios 4:18 absomalo). Bibliagi ibmar soglenaiddi gwagmasur inigwale, anmar bur nuegggwa we ibmar mag iddomaidbali, wis ibmar gwagsadaed.
5. Jehova igar sunsogedgi anmar emar odurdagged
¿Ibigala anmar Jehovagi sunmagmaladye nuggusa? VIDEO dagmalo, we ibmargi sunmagmarbalo:
-
¿Ibigala bur nued gusa, Jehovagi sunmagmaladye anmar nuggusgu?
¿Ibigala Jehova na sordagan amismoga? Abar dulemar Jehova igar oissosmarsoggua, aagala, Jehova na sordagan amismogad, nabir e igar sunsogedgi emar odurdagmalaga. Igi abar dulemar sogdamarsunna, sogbo dagmaloena.
Abar Bab igargi emar odurdagmalad sogdamalad, Bab Dummad abeye, ibmar nussugimalad asabin sii anmar ese goled. ¿Ar bule Jehova deyob sogmadibe? Levítico 26:1 absomalo, we ibmargi sunmagmarbalo:
-
Bibliag igi soglenai, ¿ibu imagged Bab Dummad anmar abesuli? ¿Igi Bab Dummad ibmar nussuyob sobarmalad dagmai?
Abar Bab igargi emar odurdagmalad sogdamarbalid, Jesus, Bab Dummadye, ¿bule nabir sogmala? Juan 20:17 absomalo, we ibmargi sunmagmarbalo:
-
Bibliag igi soglenai, ¿doase ed nasoggarye Jesus soga? ¿Jesus sogsadibe edega Bab Dummadye?
-
¿Bule Jehova be sabe be iddosunna, besega e sordagan barmialid e igar sunsogedgi be odurdagmalaga?
6. Anmar na gadi binarmalad
Bibliagi soglenaid, Cristo sordagan sunsogmalad na mussub mussub bendagmaloye. 1 Corintios 12:25, 26 absomalo, we ibmargi sunmagmarbalo:
-
E sorda wargwenga neg aggar gusar Cristo sordagan sunsogmaladi, ¿ibu imagged abelemala?
-
¿Bule anmar sordagan na binardamar be dagge? ¿Ibigala be deyob soge?
Anmar sordaganga wis neg aggar gusale, bamalad gwenagan yog bendaggar damarmogad. Be wisgubiele igi imasdamala, VIDEO dagmalo. Sorba we ibmargi sunmagmarbalo:
-
Videogi be ibmar dagsadbali, ¿bule anmar sordagan nue na sabe daglemala? ¿Ibigala deyob be soge?
Cristo sordagan sunsogmalad e sordaganga neg aggar gusale, na e sordagan bendasdamalad.
ABAR SOGDAMALAD: “Jehovagi sunmagmaladdi geb emissaar noarmalad”.
-
¿Ingu Jehova na e sordagan biali, “Jehovagi sunmagmaladye”?
WE IGARGI SUNMAGLESAD
Anmar sordagan bela neg dirbimaggar buggwad. Anmala, Jehovagi sunmagmaladi, Cristo sordagan sunsogmaladid, anmar, Biblia sogedba igar imagged, Jehova igar sunsogedgi anmar dulemar odurdagbalid.
Ibu be durdasa
-
¿Ibigala anmar Jehovagi sunmagmaladye nuggusa?
-
¿Bule Jehovagi sunmagmalad na sabdamar be dagge? ¿Ibigala deyob be soge?
-
Igi be binsae, ¿Jehovagi sunmagmalad bur Cristo sordagan sunsogmaladdibe?
NABIR BE WE IBMAR DURDASBALILED
Wegine soglenaid, igi anmar sordagan gebbe buggude.
Jehovagi sunmagmalad: bibbisaar Bab bensurmalad. Parte 1: Nueggwa ibmar durdadmalad (1:00:53)
Wegine soglenaid, ibu ibmargi dulemar noar emar odurdagdidii Jehovagi sunmagmalad daggarmala.
Jehovagi sunmagmalad, ¿ibu imagmala? Wegine aa ibmargi sunmaglenaid.
“Jehovagi sunmagmalad, ¿ibu ibmar imagmala?”(Jw.org gi naid)
Stephen sae emar daggedba sabsur emar imagdaenad. Wegine soglenaid, ibigala we dule na e daed ogwaedgi binsaali.
“Agga bur bule an isgumainad” (La Atalaya, julio 1, 2015 gad)
a 1879 gine La Atalaya onileded, aad aggale anba onilemaid.
