LECCION 21
¿Igi Bab igargi sunmaglenai?
Isse nabbid, Jehova imaggoed e gobierno anmarga bela neg nudaggega. Bab Dummad dulemarga ibmar nuegan imaggosoggua, ¡aagala anmar dulemarga we ibmar sogbidamogad! Jesus abesad bela e sordagan we ibmargi dulemarga sunmagged (Mateo 28:19, 20). Anmala, Jehovagi sunmagmaladi, ¿ibu anmar imagnasunna Jesus sogedba igar imaggega?
1. Mateo 24:14 gi ibmar soglenaidba, ¿igi emi ibagi ibmar gunai?
Jesus sogsad: “Bab Dummad e neg dagmaid gaya burba nued bela we nabneg naidgi sunmaglegedsegad” (Mateo 24:14). Anmala, Jehovagi sunmagmaladi, yeer anmar iddodaed dulemarga we ibmar nuegangi sunmagged. Bela neg dirbimaggar anmar Bab igargi sunmagnaid, 1.000 gwena mergu dulemar gayamar sunmaggedba. Weyob Bab igargi sunmagged arbaed dummadsoggua, bela beladse alamagged abeleged, nueggwa igar amileged abelebalid. Jehova anmar bendagmasulina, weyob Bab igargi sunmaglenai gussuliled.
2. ¿Igi anmar imasdae nabir bela dulemarga Bab igargi sunmaggega?
Bia dulemar gudii, anmar aasega Bab igargi sunmagnaddaed. Igi ebbenne Cristo sordagan imasa, deyob anmar ‘negyase negyase’ dulemarga Bab igargi sunmagmogad (Gusmalad 5:42). We arbaed igar nigga imaglenasoggua, aagala nabir birga irba millonba mergu dulemarga sunmaglesdaed. Ar bela dulemar neggi bugwadbisurdasoggua, parquemargindibe, irgarbardibe anmar dulemarga Bab igargi sunmasdabalid. Degsoggu, bia anmar dulemar abinguarsundibe, yog anmar ega Jehova igargi sunmaggardaed, wisgumarmogaga yoogidse Jehova ibu ibmar imaggoe.
3. ¿Doamar Bab igargi sunmagmaloedsunna?
Bela Cristo sordagan sunsogmalad Bab igargi sunmagge wilubmalad. Aagala, anmardi we arbaed dodoaggwa dagsulid. Nabir dulemar bendaglemarmogagala anmar bela beladse alamagnaid, Bab igargi sunmaggedgi (1 Timoteo 4:16 absogo). Anmar bennuglesulid Bab igargi sunmaggega, ar Bibliagi soglenaid: ‘Manigi bemarga uglessursoggu, mer emargi mani gamarmogo’ (Mateo 10:7, 8). Abar dulemar anmar iddobisur gudamalo inigwale, anmardi Bab igargi sunmagged indaggosulid, Jehova yeer anmar dagmai guega.
NUEGGWA WE IBMAR DURDAGMARGOLO
Wegine be durdaggoed, igi anmar bela beladse alamagnai nabir bela neg dirbimaggar Bab igargi sunmaglegega, geb igi Jehova anmar bendagmamoga.
Bela neg dirbimaggar anmar Bab igargi sunmagnaid: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. Anmar alamasdaed nabir bela dulemarga Bab igargi sunmaggega
Anmala, Jehovagi sunmagmaladi, anmar bela beladse alamasdaed nabir bela dulemarga Bab Dummad ibmar nuegan imaggoedgi sunmaggega. VIDEO dagmalo, we ibmargi sunmagmarbalo:
-
¿Bule Jehovagi sunmagmalad Bab igargi sunmagged alamagnanai be dagge?
Mateo 22:39 geb Romanos 10:13, 15 se absomalo, we ibmargi sunmagmarbalo:
-
Anmar, Bab igargi sunmagged alamagdiid, ¿bule anmar nue dulemar sabe daglesunna?
-
¿Jehova igi dagmai dulemar e gaya burbagi sunmagdimalad? (Versiculo 15 gi dagmalo).
5. Bab Dummad anmar bendagmaid
¿Igi anmar wisi Jehova anmar bendagmadae? Nueva Zelandagi ibmar gusad dagmaloena. Ibagwengi anmar sorda wargwen, Paulye nugadi, sedogidba Bab igargi sunmagnaded, degiidgine, ome wargwen abingunoniggid. Aa ome soged, aaun wagdar an Bab Dummadse e nugba godsaye, Jehova, an ega sogsaye be anga dule wargwen barmidaye be igargi an odurdaggega. “Paul soged, wassi irba nanasadgi an ese wagag ogordabye”.
1 Corintios 3:9 absomalo, we ibmargi sunmagmarbalo:
-
¿Weyob ibmar gusadba igi anmar wisi, Jehova anmar bendagmai nabir anmar e igargi dulemarga sunmaggega?
Gusmalad 1:8 absomalo, we ibmargi sunmagmarbalo:
-
Jehova anmar bendagsulile, ¿nabir anmar weyob e igargi sunmagnai gusale? ¿Ibigala deyob be soge?
¿Be wisina?
Iddoged irba anmar odurdaglesiid, igi anmar dulemarga Bab igargi sunmaggoe. Be anmar igar iddogedse nanadimogale, ¿bule anmar nued odurdaglesi be dagge?
6. Bab Dummad sogmaid e igargi sunmagmaloye
Siglo primerogine, Cristo sordagan e isdarmaladi, Bab igargi sunmaglenaid gae soggarmalanad. Deun Cristo sordagan siggirmassurmarmogad, mer Bab igargi sunmaglenaid galegegala, ‘dummagan mamaidse igar nudaggabdamalad’ (Filipenses 1:7, TNM). Emi ibagine, deyob anmar igar nudasdamogad. a
Gusmalad 5:27, 42 se absomalo, we ibmargi sunmagmarbalo:
-
¿Ibiga anmar Bab igargi sunmagged indaggosuli? (Versiculo 29, 38, 39 dagmarbalo).
ABAR SOGDAMALAD: “¿Ibigala Jehovagi sunmagmalad negyase negyase Bab igargi sunmagmala?”.
-
Dule deyob beg soggalir, ¿igi ega be sogsale?
WE IGARGI SUNMAGLESAD
Jesus na e sordaganga sogsad, bela neg dirbimaggar Bab igargi sunmagmaloye. Jehova na e sordagan bendagmaid nabir weyob e igargi sunmaglenai guega.
Ibu be durdasa
-
¿Igi alamaglenai nabir bela neg dirbimaggar Bab igargi sunmaglegega?
-
Anmar, Bab igargi sunmagged alamagdiid, ¿bule anmar nue dulemar sabe daglesunna?
-
¿Bab igargi sunmagged yeer iddo dule imagdibe? ¿Ibigala deyob be soge?
NABIR BE WE IBMAR DURDASBALILED
Wegine soglenaid, neggwebur dummagangindi igi anmar Bab igargi sunmasdae.
Weyob neggwebur dummagangi Bab igargi sunmaglenaid, Parísgi (5:11)
Abar dulemar e neggweburgi neg gagalededba baidsig waggiddedamalad, ¿igi aamarga Bab igargi sunmaglenamoga?
Baid neggweburgi gudimaladga Bab igargi sunmaglenamogad (5:59)
Wegine anmar sorda wargwen sogsiid, ibigala Bab igargi sunmagged yeer iddo e imasa.
Dulemar abesulile anmar Bab igargi sunmagged, dummagan mamaidse anmar igar nudaggabdaed, wegine aa igargi sunmaglenaid.
a Bab Dummad anmarga sogmaidid, an igargi sunmagmaloye. Degsoggu, anmala, Jehovagi sunmagmaladi, Bab igargi sunmaggega dulemar anmarga permiso ugged anmar edarbosulid.
