Jehova abeged, be wisgued angelmar ibugine arbamarmoga. Ar angelmar, ‘Bab Dummad mimmiganmogad’ (Job 38:7). ¿Angelmar ibugi arbamarye Bibliagi soglenasunna? ¿Bela angelmar anmar bendaggedbimardibe? ¿Bab Dummad bela angelmar e mimmiganyob dagdibe?

1. ¿Ibu imaggedgi angelmar arbamarmosunna?

Nabbaneg imagged idu Jehova angelmar obinyisad. Angelmar Jehovayobi burbarmarmogad, nibneggi gudidimalad (Hebreos 1:14). Millonba mergu angelmar nigga inigwale, bela na emarbi dasurmalad (Apocalipsis 5:11). Angelmala, ‘Jehova sogedba ibmar imagmalad’ (Salmo 103:20). Ebbenne Jehova na e neggweburga igarmar uggegala, angelmar barmisdaed, inbaggwa e sordagan bendaggegala angelmar barmisdabalid. Emi ibagi, angelmar anmar bendagmarmogad, nabir anmar dulemar Bab igar durdagbimaladse naega.

2. Satanas e niamarbo, ¿ibu imaggedgi arbamarmoga?

Ebbenne abar angelmar Jehovagi bangusmalad. Gebbe angel Jehovagi agbidsadi, “Nia saila Satanasye nugad. We nia saila Satanas, dulemar bela nabneg naidgi yardagdiid duled” (Apocalipsis 12:9). Satanas abealid dulemar eb nagumalad, aagala, Adan yardasad, Eva yardasbalid, wemar eb aggamarmogaga. Sorba Nia imasbalid angelmar bamalad eb aggamarmogaga. We angelmar isgusmaladi, niamarye bilemalad. Aagala, Nia nibneggi gudiid onolesad, bela e angelmar isgusmalad eba onolesmarmogad, nabbanegse barmilearmalad. Auggi, suiddi gudi guosurmalad, bela obelolemaloed (Apocalipsis 12:​9, 12 absogo).

3. Satanas e niamarbo, ¿igi dulemar yardagmala?

Satanas e niamarbogwa, nia igargi dulemar yardagmalad, we ibmar boni bibbisulid, ar niamarbo sunmaggega dule imagged. ¿Biddimar nia igarmarsunna? Horoscopo absogedi, nerganse oyolegedi, ina durganse ina amigedi, brujomarse ibmar egisedi. Abar dulemar uelealir we dulemarse ina aminaddamarbalid, e onudaggega. Abar sogdamarbalid, burgwarmaladbo sunmasye. Auggi, Jehovadi anmarga sogmaid: “Melle dule burwarmaladbo sunmagmarye sogmaladse be idagmalo. Deginbali, melle burba isganase gormaladse be idagmarbalo” (Levítico 19:31). Jehovadi anmar bendagbied, abesulid anmar niamarse yardagleged, ar edi wisid niamar e isdarmaladi, anmar oissobi gudidimala.

 NUEGGWA WE IBMAR DURDAGMARGOLO

6. Mer Satanasse binsaed galego, mer e niamarse binsaed galebalo

Satanas, niamar e dummadid. Miguel, angelmar nuegan e dummadmogad, Jesus, Miguelye biledabalid. ¿Bule Miguelde gangued nigsunna? Apocalipsis 12:​7, 9 se absomalo, we ibmargi sunmagmarbalo:

• Doamar bur yeer gangued nigga, ¿Miguel e angelmarbogwa, Satanas e niamarbodibe?

• ¿Nuedirdibe anmar Nia dobgumogar?

Mer Satanasse binsaed galego, mer e niamarse binsaed galebalo. Santiago 4:7 absomalo, we ibmargi sunmagmarbalo:

• ¿Ibu be imagger gebe, mer be niamarse binsaed galegega?

 WE IGARGI SUNMAGLESAD

Angelmar nuegandi anmar bendagmalad. Satanas e niamarbodi Jehova e isdarmaladid, nia igargi dulemar yardagmalad.

Ibu be durdasa

• ¿Ibu imasdamala angelmar nuegan, dulemar nabir Jehova igar durdagmalaga?

• Satanas e niamarbogwa, ¿ibu imaggedgi arbamala?

• ¿Ibigala boni bibbisuli nia igargi ibmar ebulemaladse be assamogar?