LECCION 28
Jehova, Jesusbo, be bendasmarsoggua, ¿ibu be imagged abelemoga?
¿Igi be iddosale be ai wargwen begala regalo nued ugsar? Be yeer iddosaler gebed, sun be ega ibmar soggwen imaggedgi binsaarmogaled. Jehova anmarga regalo nued ugsamogad, e Massi barmialid anmar anar burgwega. Wegine anmar durdaggoed, igi mag daglesale anmar yeer iddomoga, Jehova anmar bendaggega anmar anar e Massi ugsadba.
1. Jehova, Jesusbo, be bendasmarsoggua, ¿doagine be mer bengumogar gebe?
Bibliagi soglenaid, dule, Jesusgi bensurdibe, sadegu gudi guoye (Juan 3:16). ¿Igi mag daglesarsunna anmar nue Jesusgi bensurmoga? Unnila anmar gaggaginbi sogsulir gebed, an Jesusgi bensurmoye, anmar ibmar imaggedba mag daglebalir gebed (Santiago 2:17). Degsoggu, be Jesusgi bensurmogale, bur bule be Jesus ai nuedga gudoed, geb Jehova ai nuedga be gudbaloed (Juan 14:21 absogo).
2. Jehova, Jesusbo, be bendasmarsoggua, ¿ibu ibase nanaed mer be iggumogar gebe?
E burgwed idu Jesus e sordaganga sogsad, an bemar anar burgoed bemar mer iegegala, iba soggwen onodamaloye. Degsoggu, aaunni iba soggwen onoleged igar mesisad, aa iba biledaed, Cristo burgwisad iba ebinsalegedye (1 Corintios 11:20). Ebbenne Jesus e apostolmarga we igar mesisad, aad aggale bela e sordagan we iba onogedbimalad, mer iemalaga, Jesus anmar anar burgwisa. Aa iba onolegoedgi sunmagsii Jesus weyob sogsad: ‘Weyob bemar imagdi guoed, an ebinsamalagar’ (Lucas 22:19). Degsoggu, Cristo burgwisad iba ebinsalegedse nanaed be iggusurdamogale, mag daglegoed be yeer iddomoga, weyob Jehova, Jesusbo, be bendasmaladba.
NUEGGWA WE IBMAR DURDAGMARGOLO
Wegine be durdaggoed, Jehova, Jesusbo, be bendasadba be yeer iddogele, ibu ibmar be imagmogoe. Be durdagbaloed, ibigala anmar, birga irba Cristo burgwisad iba ebinsadae.
3. Jesus be anar burgwissoggua, ¿ibu be imagged abelemoga?
Ibagwengi gundulenai dule be bendasale, be we dule ies imassuliled, sun be we dulega ibmar soggwen imaggedgi binsaarmogaled.
Jehova anmar bendasmogad. 1 Juan 4:8, 10 se absomalo, we ibmargi sunmagmarbalo:
-
¿Ibigala Jesus anmar anar burgwisadi, bur regalo nued gue?
-
¿Bule be yeer iddomoga, Jehova, Jesusbo weyob be bendasadba?
Jesus be anar burgwisadba be yeer iddomogale, ¿ibu be imagmogoe? 2 Corintios 5:15 absomalo, 1 Juan 4:11 geb 5:3 absomarbalo. Sorba we ibmargi sunmagmarbalo:
-
Jehova, Jesusbo, be bendasmarsoggua, ¿ibu be imagged abelemoga?
4. Jesusyob ibmar imagmogo
Jesus be bendasadba be yeer iddomogale, Jesusyob be ibmar imagmogoed. 1 Pedro 2:21 absomalo, we ibmargi sunmagmarbalo:
-
¿Ibu ibmarmar be nabir imasmogale, Jesusyob ibmar imagmogaga?
Jesus yeer Bab gaya burba binalenad, dulemarga Bab igargi sunmasbalid, dulemar bendasbalid.
5. Cristo burgwisad iba ebinsalegedse nadamogo
Be wisgubiele e burgwed idu Jesus igi ibmar imasa, Lucas 22:14, 19, 20 absomalo. Sorba we ibmargi sunmagmarbalo:
-
E burgoed iba onogegala, ¿Jesus ibu ibmar imasa?
-
¿We madu ibu obarye Jesus sogsa, vino ibu obarye sogsabali? (Versiculo 19, 20 dagmarbalo).
Jesus, e sordaganga sogsad, birgagi irgwen e burgwed iba onodi gumaloye. Aagala anmardi, Jehovagi sunmagmalad, birgagi irgwen anmar ubosdaed, Cristo burgwisad iba ebinsaega, aa ibagi igi ibmar imaglegoye Jesus sogsa, aayob anmar ibmar imasdaed. Be wisgubiele igi anmar aa ibagi ibmar imasdae, VIDEO dagmalo. Sorba we ibmargi sunmagmarbalo:
-
Cristo burgwisad iba ebinsalealile, ¿ibu imaglesdae?
Madu inaba garsulid ebuleged, oyogega, Jesus isguedsuli anmar anar burgwisye. Vinodi Jesus abe aryosad oyogegalad.
ABAR SOGDAMALAD: “Jesusgi be bensulile, yog be bendaglegaloed”.
-
¿Igi be nabir Juan 3:16 gi ibmar soglenaid, geb Santiago 2:17 gi ibmar soglenaid ebusale, oyogega ibmar baid imagged abelebarye?
WE IGARGI SUNMAGLESAD
Anmar, Jesusgi bensulile, geb Jesus burgwisad iba onolegedse anmar nanabalile, mag daglegoed anmar yeer iddomoga, Jesus anmar anar burgwisadba.
Ibu be durdasa
-
¿Igi mag daglesarsunna anmar nue Jesusgi bensurmoga?
-
Jehova, Jesusbo, be bendasmarsoggua, emidi, ¿ibu imaggedgi be binsamoga?
-
¿Ibigala Cristo burgwisad iba ebinsalegedse nanaed nue abelege?
NABIR BE WE IBMAR DURDASBALILED
Wegine soglenaid, Cristo, anmar anar burgwisadbali, ¿ibu anmar imagbi gudamogoe?
Wegine soglenaid, igi mag daglegoe anmar bibbisaar Bab Dummad bensurmoga.
“Mer bibbisaar Jehova ibmar sogmaid bengumalo” (La Atalaya, octubre 2016 gad)
Wegine soglenaid, ome wargwen wisgunonigua, ibigala Cristo anmar anar burgwisa, igi na e daed ogwasa. Weyob nugadgi amigo, “Emidi nue nugus an na iddoged”.
“Biblia dulemar daed ogwamaid” (La Atalaya, agosto 1, 2011 gad)
Cristo burgwisad iba ebinsalegedgi ibig unnila dulemar isse mergu madu gudsadamala, geb isse mergu dulemar vino gobsadamarbali.
