LECCION 32

¡Bab Dummad gobierno bad neg idusiid!

IBU GAGGAB BE IDDOBIE

1914 gi Bab Dummad gobierno nibneggi neg iduded. Aa birgagine, dulemar gobiernomar obelolegoed e ibagan nodmogad. ¿Igi anmar we ibmar wisi? Ar Bibliagi iduaggwa we ibmargi sunmaglesad. Dagmaloena, aagala, 1914 aggale igi neg gude, geb igi dulemar dae gudbali.

1. ¿Bibliagi ibu ibmar soglesa?

Bibliagi Daniel sogsad, ‘birga gugled’ berguder Bab Dummad gobierno neg idudoye (Daniel 4:16, 17). Undargi Jesus we ibmargi sunmasmogua, sogsad, ‘ibagan berguoedseye’, deun sogsad we ibagan anba yoo berguye (Lucas 21:24). Wegine anmar durdaggoed, igi anmar wisi, birga gugleye soglesad 1914 gi bergusa.

2. 1914 aggale, ¿igi neg gude, dulemar igi dae gudmoga?

Jesus sabbingan, Jesusse egissamalad: “Be daniggid iduar, ¿ibi wilubgan oyoledagosunna? Neg duggumosar, ¿igi neg gudagosunna?” (Mateo 24:3). Jesus, e sabbingan abin sogsad, an, Bab Dummad gobiernogi Reyga sigwisale, neg gagaledoye. Sogsad, guerramar yaisur gudagoye, mas galaggudoye, negabandurmar nomai gudbaloye (Mateo 24:7 absogo). Bibliagi soglesbalid, “neg duggumosar” dulemar galagwensur dae gudagoedbali, “iba bulegan nagunoniggoye” (2 Timoteo 3:1-5). 1914 aggale weyob neg guded, dulemar galagwensur dae gudbalid.

3. Bab Dummad gobierno neg iduded aggale, ¿ibigala agga bur bule neg isgude?

Jesus, Bab gobiernogi reyga sigwisgua, nibneggi urwed nosad. Jesus, Niabo ulusad, angelmar Niaba aggasmaladbo ulusbalid. Bibliagi soglenaid, Nia galaggusye, aagala “we nabnegse egwallenonisunnad, e angelmar bela eba egwallenonimarmosunnad” (Apocalipsis 12:9, 10, 12). Nia na wisi gudisoggua, obeloleged mosa, aagala sae iddodiid. Aagala, bela beladse nabbaneggi neg oissos gunaid. Aagala, ¡bela neg dirbimaggar bela beladse neg gagales gunaid! Auggi, weyob neg gagalenaidbi guosulid, Bab Dummad gobierno anmarga neg nudaggoed.

NUEGGWA WE IBMAR DURDAGMARGOLO

Wegine be durdaggoed, igi anmar wisi Bab Dummad gobierno 1914 gi sigwisa, aagala, ibu be imagged abelemoga.

4. Bibliagi soglenaid, 1914 gi Bab Dummad gobierno sigwisye

VIDEO dagmalo.

VIDEO: Bab Dummad gobierno 1914 gi signoniggid (5:02)

Bab Dummad gabgin Babilonia reyse oyosad, Nabucodonosorse, igi yoogidse neg guoe. Daniel sogsamogad, Nabucodonosor nue ibu ibmar ogabdasa. Sogsad, Nabucodonosor gobiernogi ibmar guoedgi sunmaglenaye, Bab Dummad gobiernogi sunmaglenabarye (Daniel 4:17 absomalo). a

Daniel 4:20, 26 se absomalo. Sorbali, weg ibmar egislenaid abin sogega dibujo naid dagmarbalo:

A) Nabucodonosor, ¿gabgin ibu ibmar dagsa? (Versiculo 20, 21 dagmalo).
B) ¿Sabbi igi imaglegoe? (Versiculo 23 dagmalo).
C) ‘Birga gugled’ bergusale, ¿Nabucodonosor gannar ibu imaggoe? (Versiculo 26 dagmalo).

Nabucodonosorse gabgin sabbi oyolesad, geb Bab Dummad gobierno

BIBLIAGI WE IBMARGI SUNMAGLESAD (Daniel 4:20-36)

Gobierno

A) Sabbi maddusulid

Gobierno bar arbassulid

B) “Sabbi sigmalo, birga gugle siggar simalo”

Gobierno gannar arbaded

C) “Gannar be neg seoed”

Gebbedgi doagine sunmaglesa:

D) We sabbigi sunmaglesgua, ¿doagine sunmaglesa? (Versiculo 22 dagmalo).
E) ¿Ingu reyga maid onolesa? (Daniel 4:29, 33 se absomalo).
F) ‘Birga gugled’ nasgua, ¿Nabucodonosor gannar igi gunoniggi? (Daniel 4:34, 36 se absomalo).

GEBBEDGI DOAGINE SUNMAGLESA

Gobierno

D) Babilonia rey Nabucodonosor

Gobierno bar arbassulid

E) Año 606 e.c.i. b sorba Nabucodonosor, nono isgunoniggid, birga gugle bar neg idumai gussulid

Gobierno gannar arbaded

F) Nabucodonosor gannar mag neg iddo noniggid, geb gannar reyga megnonibalid

Sorba doagi sunmaglesbali:

G) We sabbigi sunmaglesgua, ¿doamargi sunmaglesbali? (1 Crónicas 29:23 absomalo).
H) ¿Ingu bar reymar megissurmala? ¿Igi anmar wisi, Jesus gudi gusgu wemar bar neg idumamasulina? (Lucas 21:24 absomalo).
I) ¿Ingu Bab gobierno signoniggi, bia signonibali?

SORBA DOAGI SUNMAGLESBALI

Gobierno

G) Ebbenne Israelgi Bab Dummad nuggi reyga megismalad

Gobierno bar arbassulid

H) Jerusalen obelolesgu, año 607 e.c.i.; aad aggale 2.520 años bar Israelgi dulemar Bab nuggi reyga megissurmalad

Gobierno gannar arbaded

I) 1914 gi Jesus, Bab gobiernogi reyga signoniggid, nibneggi

Birga gugleye soglenaidi, ¿nue birga bigwad obarnai?

Baidsig Bibliag ibmar soglenanaid anmar bendagged, mag ibmar bamalad iddogega. Apocalipsisgi soglenaid, birga baa abarye soglegedi, 1.260 dias obarye (Apocalipsis 12:6, 14). Degsoggu, birga gugledi, 2.520 dias obared. Bibliagi soglenabalid, ibagwenadi, birgagwena wilubye (Números 14:34). Degsoggu, Danielgi birga gugledgi sunmaglenaidi, 2.520 años nanaoed obarnaid.

5. 1914 aggale nue neg isguded

VIDEO dagmalo.

VIDEO: 1914 aggale nue neg isguded (1:10)

Edega reyga sigwisale, ¿igi neg gudoye Jesus sogsa? Lucas 21:9, 11 se absomalo, we ibmargi sunmagmarbalo:

We versiculogi ibmar absolesadi, ¿biddimar bad gunai be dagdimoga? Sulirdi, ¿biddimargi sunmaglenai be iddodibali?

Apostol Pablo sogsamogad, neg duggumosar dulemar igi dae gudamaloe. 2 Timoteo 3:1, 5 se absomalo, we ibmargi sunmagmarbalo:

¿We versiculogi ibmar soglenaidyob dulemar da gusmardibe? ¿Igi dulemar da gus be dagdimoga?

6. Bab Dummad gobierno bad sigwissoggua, ¿ibu be imagmogar gebe?

Mateo 24:3, 14 absomalo, we ibmargi sunmagmarbalo:

¿Ibu ibmargi bela neg dirbimaggar sunmaglenaidba mag daglege, Bab Dummad gobierno bad neg idusii?
¿Ibu be imagmogar gebe, Bab igargi sunmagmogaga?

Bab Dummad gobierno bad sigwisad, isse nabbid anmarga nabbaneg idumogaga. Hebreos 10:24, 25 absomalo, we ibmargi sunmagmarbalo:

Nue neg duggumossoggua, ¿ibu anmar imagged abelege?

Be ibmar durdasad dulemar bendaggoe be wisile, ¿be ibu imasale?

ABAR SOGDAMALAD: “¿Ibigala Jehovagi sunmagmalad gadi 1914 gi sunmagmala?”.

Dule deyob beg soggalile, ¿igi be ega sogsale?

WE IGARGI SUNMAGLESAD

Bibliagi ibmar soglesadbali, geb bela neg dirbimaggar nue neg gagales gunaidbali, mag dagleged Bab Dummad gobierno bad neg idusii. Anmar we ibmar bensurmogale, anmar, Bab igargi sunmagged indaggosulid, igar iddogedse nanaed anmar indaggosurbalid.