LECCION 33
Bab Dummad gobierno, ¿ibu ibmar anmarga imaggoe?
Bab Dummad gobierno bad nibneggi neg idusiid. Isse nabbid we nabbaneggi neg nudagmogaga. Dagmaloena, ibu ibmar nuegan we gobierno anmarga imaggoe.
1. Bab Dummad gobierno, ¿ibu imaggoe nabir nabbaneggi neg nuguega?
Jesus, Bab Dummad gobiernogi reyga siidi, Armagendogi bela dulemar isganagan obelogoed, geb bela gobiernomar obelobaloed (Apocalipsis 16:14, 16). Armagedon nodele, weyob Bibliagi ibmar soglenaid gunoniggoed: ‘Dulemar isganamar nabbi isse gudidimalad, bela obelolemaloed’ (Salmo 37:10). Jesus imaggoed, Bab Dummad gobierno nabir bela nabbaneg ugaggase neg nudaggega (Isaías 11:4 absogo).
2. ¿Igi anmar iddodi guoe Bab Dummad gobierno anmarga neg iduder?
Bab Dummad gobierno neg idudele, “dule nuegan damaladdi Bab Dummad ega yar uggoye sogsadgi degi sadegu mai gumaloed” (Salmo 37:29). Dulemar nueganbi nabbaneggi gudi gumaloed, na mussub mussub sabgudi gumaloed, Jehova sogedba igar imagdi gumarbaloed. Degsoggu, neg yeer iddollegoed, ar dulemar bar bibbisaar uelegosulid, bar burgosurmarbalid. Be iddogena, ¿bule anmar yeer iddodi guo be iddosunna?
3. Dulemar isganagan obelolesale, ¿Bab Dummad gobierno ibu imagbaloe?
Dulemar isganagan obelolesad sorbali, Jesus birga miligwen reyga sigoed. Birga miligwengine, Jesus, e sordagan 144.000 merguedbogwa, anmar bendagmaloed, anmargi isgued naid anmarga osulomaloed. Birga miligwen gusale, bela nabbaneg yeer dagle guoed. Bela dulemar, Jehova sogedba igar imagdi gumalosoggua, yeer iddodi gumaloed. Aa sorbali, Jesus, e Babga gannar gobierno uggoed, Jehovaga. Bab Dummad anmarga gannar neg idudele, Bab Dummad nuggi bar issaggwa sunmagledi guosulid (Mateo 6:9, 10). Aagine mag daglegoed, unnila Jehovabi nued negsee, na sabsur e sordagan imagsurbali. Geb aa sorbali, Jehova, Satanas obelogoed, bela niamar obelobaloed. Doa dule e gobierno sogedba igar imagbisur gudagoe, obelolemogoed (Apocalipsis 20:7-10). Bab Dummad gobierno weyob neg nudasale, bar bibbisaar neg isguosulid.
NUEGGWA WE IBMAR DURDAGMARGOLO
Wegine be durdaggoed, ibigala nue anmar bensuli, Bab Dummad gobierno yoogidse anmarga neg nudaggoe, anmarga gaggansaosuli.
4. Bab Dummad gobierno, bamalad gobiernomar obelogoed
“Dule, e maiga dule baid imaggele, ega boniga gunonidaed” (Eclesiastés 8:9). Jehova gobierno, dulemar gobiernomar neg oissosad anmarga onudaggoed.
Daniel 2:44 geb 2 Tesalonicenses 1:6, 8 se absomalo, we ibmargi sunmagmarbalo:
-
Jehova, Jesusbogwa, ¿igi bamalad gobiernomar imaggoe? Geb dulemar gobiernomarba aggananaidi, ¿igi imaglemarmogoe?
-
Bad be wissoggua Jehova dule igi daedi, Jesus dule igi daedmoga, ¿igi ibmar imagmalo be soge?
5. Jesus bur Rey nuedid
Jesus, Bab Dummad gobiernogi reyga sisoggua, anmarga buggidar ibmar nuegan imaggoed. Auggi, igi anmar wissunna, Jesus nue dulemar bendagbidae, geb Bab Dummad ega gangued ugsabali anmar bendaggega. We ibmar wisguegala, VIDEO dagmalo.
Jesus nabbaneggi gudi gusgu ibmar imasadba anmar wisid, anmarga neg idudele, igi anmarga ibmar imaggoe. Buggidar ibmar nuegan imaggoed, ¿biddi bur be gwae gued abemoga? Bibliagi we ibmar absomalo.
|
NABBANEGGI GUDI GUSGU, JESUS... |
NIBNEGGI SII, JESUS... |
|---|---|
|
|
|
|
|
|
|
|
6. Bab Dummad gobierno anmarga neg nudaggoed
Gebbe Jehova dulemar obinyisgua, abesanad, nabbaneg yeer daglegedgi dulemar sadegu gudi gued. Aagala, Jehova na e Massi onugsasad, gannar anmarga neg nudaggega. Be wisgubiele Jesus igi ibmar imaggoe, VIDEO dagmalo.
Salmo 145:16 absomalo, we ibmargi sunmagmarbalo:
-
Jehova sogmaid anmarga ibmar obinegwadgi uggoye, ¿bule be aabali yeer iddomoga?
ABAR SOGDAMALAD: “Anmar na mussub mussub bendaggele, nabir anmar neg nudasaled”.
-
¿Ibu ibmar dulemar gobiernomar geg imaggedi, Bab Dummad gobiernodi imaggoe?
WE IGARGI SUNMAGLESAD
Bab Dummad gobierno imaggoed, bela nabbaneg yeer dagle guega. Aagine, dulemar nuegan sadegu Jehovaga arbadi gumaloed.
Ibu be durdasa
-
¿Bab Dummad gobierno ibu imaggoe, mer bar Jehova nuggi issaggwa sunmaglegega?
-
¿Ibigala be bensuli, Bab Dummad gobierno yoogidse anmarga neg nudaggoe?
-
Bab Dummad gobierno buggidar ibmar nuegan imaggoed, ¿biddi bur be gwae gued abemoga?
NABIR BE WE IBMAR DURDASBALILED
Wegine soglenaid, ¿Armagedon ibua?
Wegine be durdaggoed, Jesus birga miligwen neg idusi gudele, ibu ibmar imaggoe, geb birga miligwenad sorbali igi neg gubaloe.
“Jesus birga miligwen neg dagsii gudele, ¿igi neg guoe?” (La Atalaya, septiembre 1, 2012 gad)
Neguyagi dulemar nabir ibu imasmalale, Bab Dummad gobierno anmarga ibmar nuegan imaggoed mer iemalaga.
Politico wargwen durdagnoniggid, doa anmarga neg onudaggoedi. Wegine aa ibmargi sunmaglenaid, weyob soglenaidgi amigo, “An nue ibmar wisgubi gudi daenad”.
“Biblia dulemar daed ogwamaid” (La Atalaya, enero 1, 2012 gad)
