LECCION 37
¿Bule arbaed nue abeleye Bibliagi soglenai?
Ibagwengi be binsasmodibe, ¿bia an arbaed amioye, bia an mani dagdagoye? Auggi, inbaggwa arbaed ular sun bar nueggwa Jehovag arbalesur gusdabalid. Aagala, Bibliagi anmarga binsaed nuegan daglenaid, arbaed ular mer anmar nueggwa Jehovaga arbasuli guega.
1. Igi Bibliagi soglenai, ¿bule arbaed nue abelege?
Bab Dummad abeged, anmar yeer iddogedgi arbanai gued. Ar Bibliagi soglenaid, “arbaedgi yeer iddogedi, dulega bur nued gued” (Eclesiastés 2:24). Jehova, dule wiegalasursoggua, anmar gadi arbamogale Jehovayob anmar damogad, aagala yeer iddolledaed.
Arbaed niggued nue abelege inigwale, auggi, anmar, Jehovaga arbaed indagged abelesurbalid (Juan 6:27, TNM). Ar Jehova anmarga sogmaid, be angar inso ibmar imagdasundibe, ibu be abedagoe, an begala ugmogoye.
2. ¿Ibigala doggus manibin iddoged nuedsuli?
Bibliagi soglenai inigwale, ‘mani niggued anmar bendaggoye’, auggi soglenabalid, mani undar yeer iddodi guega anmar imaggosurye (Eclesiastés 7:12). Aagala, Bibliagi anmarga soglenaid, mer doggus manibin iddomaloye. Bur soglenaid: “Na emi be ibmar niggadgi be yeer iddodi gumarye” (Hebreos 13:5 absogo). Anmar wis bad bibbi ibmar niggar yeer iddodaele, doggus anmar ibmar bamalad amiedgi binsadiosulid. Degiile, binsasun anmar emargi mani gaosurbalid (Proverbios 22:7). Anmar manibin dododii guosurbalid. Gwae gwae mani abegedba anmar ibmar uggiar mani ibedga dule imagmaladse binsaed galegosurbalid.
3. ¿Igi mag daglegoe anmar mani nallesurdae?
Jehova dule nalle nalle ibmar uggedsulid, anmar Jehovayob dabimosoggua, anmar, ‘gwenaganga ibmar uggega guaggwa gudi gumogar gebed, nalle nalle anmar ibmar ugsurbalir gebed’ (1 Timoteo 6:18). ¿Igi mag daglesale anmar mani nallesurdae? Igar iddoged neggi anmar mani ugdamogar, anmar sordaganga wis neg aggar gusar anmar bendagdabalir; auggi anmar deyob mani ugsale, anmar edarbosurbalid sorba anmarga mani ugmarmogad. Ar Jehovadi dagmasurdaed igi mani anmar ugsadae, edi bur dagmadaed, ibigala anmar we mani uggedgi binsaali. Anmar nalle nalle mani ugsurdamogale, anmar yeer iddogoed, Jehova anmarba yeer iddomamogoed (Lucas 6:38 absogo).
NUEGGWA WE IBMAR DURDAGMARGOLO
Wegine be durdaggoed, ibigala nuedsuli doggus arbaedginbi binsaed, wis bad bibbi ibmar niggar yeer iddoged.
4. Jehova nug odummogega, nueggwa arbadao
Anmar Jehova ai nuedga gubiele, doggus anmar arbaedbin yaisur iddosulir gebed. VIDEO dagmalo, we ibmargi sunmagmarbalo:
-
¿Jason e arbaedgi igi ibmar imagdaena?
-
¿Jason ibu imasa nabir ibmar bamalad imagbaliga?
Colosenses 3:23, 24 (TNM) absomalo, we ibmargi sunmagmarbalo:
-
¿Ibigala anmar arbaedgi “bela beladse” alamagged abelege?
Arbaed nue abelege inigwale, auggi anmar arbaed ular Jehova igar indaggosurbalid.
5. ¿Ibigala bad anmar wis bibbi ibmar niggar yeer iddogedi?
Abar dulemar mani ibedga gubidamalad, auggi, Bibliagindi soglenaid mer deyob binsamaloye. 1 Timoteo 6:6, 8 se absomalo, we ibmargi sunmagmarbalo:
-
¿Bibliagi igi anmarga binsaed daglenai?
Wis bibbi ibmar niggar anba nabir anmar yeer iddodi gusaled. VIDEO dagmalo, we ibmargi sunmagmarbalo:
-
We gwenagan doggus mani nigga gudisurmar inigwale, ¿ibigala nabir yeer iddodidii?
Igibalirsunna bad anmar obinegwadgi ibmar niggar, auggi anba bur bule anmar ibmar abeger. Jesus sogsad deyob daed boni bibbisurye. Lucas 12:15, 21 se absomalo, we ibmargi sunmagmarbalo:
-
Jesus ibmar sogsadi, ¿ibugine be odurdagge? (Versiculo 15 dagmalo).
Proverbios 10:22 absomalo geb 1 Timoteo 6:10 bo dagmalo.
-
¿Ibu bur nuedi, Jehova aiga guedi, buggidar mani nigguedi? ¿Ibigala deyob be soge?
-
Dule doggus manibin iddogele, ¿igi ega neg gudoe?
6. Jehova, ibmar sadde anmar imaggosulid
Arbaed saddedba geg mani amilegusale, aagine mag daglegoed bule anmar nue Jehova bensuli. Deyob beg neg gualile, ¿ibu be imasale? VIDEO dagmalo we ibmargi sunmagmarbalo:
-
Videogi igi be dagsa, ¿bule gwenadga ibmar undar gusa?
-
¿We gwenad ibu imasa?
Mateo 6:25, 34 se absomalo, we ibmargi sunmagmarbalo:
-
Jehovagar inso be ibmar imagdaele, ¿Jehova ibu begala imagmogoe?
ABAR SOGDAMALAD: “An na mimmiganga mani amiedga arbaer gebed. Aagala, geg an iddoged irba igar iddogedse nanaed”.
-
¿Igi Bibliagi ibmar soglenaidba be wisi, Jehovagar inso ibmar imagged bur nue abelege?
WE IGARGI SUNMAGLESAD
Mani amiged nue abelege inigwale, auggi, aa ibmarba anmar Jehova igargi bangued abelesurbalid.
Ibu be durdasa
-
¿Ibu be bendaggoe mer be doggus arbaedbin yaisur iddogega?
-
¿Ibigala bad anmar wis bibbi ibmar niggar yeer iddobie?
-
Jehova sogmaid, an na an sordagan ibmar sadde imaggosurye, ¿igi mag daglesale be we ibmar bensurmoga?
NABIR BE WE IBMAR DURDASBALILED
¿Bibliagi soglenadibe mani niggued issaggwaye?
Igi iddogedgi anmar emarga ibmar ugdaele, Jehova anmarba yeer iddomaoe.
“¿Igi iddogedgi anmar emarga ibmar uggoye Bibliagi soglenai?” (We garda jw.org gi nosad)
¿Manibina dodoged issaggwadibe?
“Bibliagi igi soglenai: Manibina dodoged” (¡Despertad!, marzo 2015 gad)
Wegine soglenaid, dule gadi manibina dodogedi, geb gadi addursabalidi, ¿ibigala na e daed ogwasa?
“Moli yardaggedgi dodoged an bela belad binalenad” (La Atalaya, noviembre 1, 2011 gad)
