Abe nue abeleged. Ar anmar abe saddele, anmar dulasuliled. Bab Dummad anmar obinyisadsoggua, ee anmarga sogoedid, abe igi ebulegoe. ¿Igi Bab Dummad sogmasunna, nuedirdibe ibmar durgan abe milegarsuli gulleger? ¿Nuedbalirdibe anmar sangi anmar abe baler? ¿Igi be nabir Bab Dummad sogedba igar imasmogale?

1. ¿Abe igi ebuleged Jehova abesuli?

Ebbenne Jehova e sordaganga sogsad: “Abegi bela ibdurgan dula gued daniggid” (Levítico 17:14). Jehova wisid abebali anmar dula gudii, aggar gued anmar abesursoggua, aagala, yogasaar abe ebuleged abesulid.

2. ¿Mer igi abe ebumaloye Jehova sogmai?

Cristo sordagan buggued iduale, Jehova na e sordaganga sogsad mer ibmar durgan abe eyossuli gunmaloye (Génesis 9:4 geb Levítico 17:10 absogo). Cristo sordagan buggunonigua, Jehova gannar we igar ugnonibalid. Aaun, Cristo sordagan idubuggwa gusmaladi, na e sordaganga we igar ugsa gusmalad: “Melle ibmar abebi gunmarbalo” (Gusmalad 15:​28, 29 absogo).

We ibmaryob gumogad. Doctor beg sogsasundibe mer bar be sisa goboye, sisa masba oburarbela geg be gunneled; iggobali be san yabba geg be sisa barbaliled, ar beg soglesad, mer sisa ebugoye. Degsoggu, Jehova sogedba anmar igar imagbimogale, ibmar durgan gammu gaar oburgwilesale, anmar, gunnosulid, ibmar gullemalad abeba oburardibe, anmar, gunnosurbalid.

Hospitalmargindina, ¿igi abe ebulemosunna? Abar hospitalmargi Jehova sogedba abe ebulesulid. Inbaggwa dulemarga abe barbi guardamalad, sulirdina, abe componentes principales ebubi guardamarbalid: globulos rojos, globulos blancos, plaquetas, plasma. Inbaggwa ina imaglesoggalid Bab igargi yolesuliyob daglegoed. Auggi, inbaggwa inamar componentes principales e fraccionesmarba oburar danidaed. Inbaggwa na dule e abe sunnad ebulesdabalid. Degsoggu, nueggwa we ibmar balamisad sorba anmar na sogoedid, bur anmardi ibu ina imaggoe (Gálatas 6:5). a

 NUEGGWA WE IBMAR DURDAGMARGOLO

3. Jehova sogedba igar imagdao

¿Abe igi ebulegoye Jehova sogsa, igi be nabir aabali igar imasmogale? VIDEO dagmalo, geb sorba ibmar soglenanaidgi sunmagmarbalo:

• Jehovase binsaed egiso (Santiago 1:5).

• Bibliagi amigo, igi we ibmargi sunmaglenai, geb dagbalo igi be nabir eba igar imasmogale (Proverbios 13:16).

• Dagbalo, be maidgi ibu inamar nigga.

• Dagbalo, biddi inamardi be ebugosuli.

• Jehova sogedba igar imaggedse imagmogo (Gusmalad 24:16). b

• Ebinsao, be suidibe, be omedibe, gwenagan idudimaladdibe, dule Bibliagi be odurdagnaiddibe, ise yamo beg sogar saosulid ibu ina be imaggoe, bee be na walagwengi sogoed (Romanos 14:12).

• Narmaggar meso, ibu inamar be imaggoe, ibu inamardi be imaggosuli.

4. Anmar, ina nuegan imagbidamogad

Jehova igar mesisad, mer yogassar abe ebumaloye, anmar aa sogedba igar imagnaile soglesulid anmardi ina nuegan imagbisurye. VIDEO dagmalo.

Tito 3:2 absomalo, we ibmargi sunmagmarbalo:

• ¿Ibigala ibigwensur doctormar imagged abelesuli, urwedgi wemarga sunmaggeddibe?

 5. Fracciones sanguineas

Abe yabba we ibmar sogbagge daniggid: globulos rojos, globulos blancos, plaquetas, plasma. We ibmar sogbaggegwad yabali, ibmar burwigan buggidar danibalid, aadi bileged fracciones sanguineas. c Inbaggwa aa ibmarmala, inamar imaggega ebulesdaed, boni soggwen bargaegardibe, abe aryomaid bargaegardibe.

Fracciones sanguineas ebugegardina, Bibliagi ibmar durdasadba anmar na wargwengi sogoed, anmar we ibmar ebugodibe, ebugosurdibe. Abar gwenagan soggardamalad, ina soggwen fracciones sanguineas niggale bur an aa ina imaggosurye. Sun abar sogdamaloed, andi aa ina imagger aggar an iddosurye.

Ibmar imagged idu we ibmargi binsao:

• Igi be, doctorga sogoe, ¿ibigala be abar fracciones sanguineas ebugoe, ibigala be abardi ebugosurbali?

 WE IGARGI SUNMAGLESAD

Jehova abesulid anmar yogasaar abe ebuged.

Ibu be durdasa

• ¿Ibigala abe yogasaar ebuleged Jehova abesuli?

• ¿Igi anmar wisi, Jehova sogsagu mer ibmar durgan abe eyossuli gunmaloye, abe baledse baggar obarisa?

• ¿Igi be nabir imasale Jehova sogedba igar imagmogaga?