LECCION 41
¿Igi abgan ebulegoye Bibliagi soglenai?
Abar dulemar binge abgan igargi sunmagdamalad. Auggi, Bibliagindi aa ibmargi sunmaglenaile, odugguaggwa ibmar soglenasurdaed, dodoaggwa egi sunmaglenasurdabalid. Ar Jehova anmar obinyisadsoggua edi wisid igi abgan ebulegoe, aagala Bibliagi nueggwa aa ibmargi sunmaglenaid. Jehova anmarga sogmabalid anmar e sogedba igar imagbiele, igi anmar daed abelegoe. Geb anmarga sogmabalid, igi anmar daele nabir anmar sadegu yeer iddodi guoe.
1. ¿Igi abgan ebulegoye Jehova sogmai?
Jehova sogmaid, massered nue na ome niggumairbi nabir na omebo gabdi guye. Auggi, unnila dulemar mimmigan niggumalagarbi Jehova we igar mesissurbalid, dulemar nabir na e abirginbo yeer iddodi gumalagala Jehova we igar mesisad. Aagala, Bibliagi abirgin nigmaladga soglenaid: “Nussuggwagwadgi bega abirgin uglesad ebo be wergudi gusun” (Proverbios 5:18, 19). Jehova abemasulid, abirgin nigmalad na diggarba yardagdi gumalad. Aagala, Cristo sordagandi wissur na e abirgin yardagmalad (Hebreos 13:4 absogo).
2. ¿Igi daedi neg sidsigi galagwensur gudi guedye soglege?
Bibliagi soglenaid, ‘dulemar neg sidsigi yoledimalad Bab Dummad gobiernogi gudi guosurmarye’ (1 Corintios 6:9, 10). Ebbenne Biblia narmasmalad neg sidsigi yoledi guedgi sunmasmargua, griego gayaba sogsamalad, pornéia. Pornéia soglegedi dulemar weyob damalad obared 1) massered, ome niggumasuli neg sidsigi omebo galagwensur gudi gued, a 2) massergan massergandibe, omegan omegandibe, nabo galagwensur gudi gumalad, 3) dule, ibmar durganbo galagwensur gued. Anmar galagwensur gudisurdaele, Jehova anmarba yeer iddomaoed, anmarmoga bur yeer iddodi gumogoed (1 Tesalonicenses 4:3).
NUEGGWA WE IBMAR DURDAGMARGOLO
Wegine be durdaggoed, ibu be nabir imasale, mer galagwensur gudi guega, geb deyob be gudisulile, igi be iddodi guoe.
3. Mer galagwensur gudi guedgi binsao
Ebbenne Jose, inniggi Bab sogedba igar imagdi gusadi, bela beladse alamasad mer galagwensur gudi guega. Génesis 39:1, 12 se absomalo, we ibmargi sunmagmarbalo:
-
¿Ibigala Jose abarmade? (Versiculo 9 dagmalo).
-
¿Bule Jose igar nabirid imasa? ¿Ibigala deyob be soge?
¿Igi nusganagan nabir Joseyob ibmar imasmarmogale, mer galagwensur gudi gumarmogaga? VIDEO dagmalo.
Jehova abesulid, dulemar galagwensur gudi gued. 1 Corintios 6:18 absomalo, we ibmargi sunmagmarbalo:
-
¿Igi ibmar imagdiidbali sun dule galagwensur gudi gudele?
-
¿Ibu bedi imasmogale mer galagwensur gudi guega?
4. ¿Ibu be imaggoe mer galagwensur gudi guega?
¿Ibigala inbaggwa dulemar galagwensur gudi guddae? VIDEO dagmalo, we ibmargi sunmagmarbalo:
-
We gwenad na iddoargu sun agga na e ome yardasale, ¿ibu imasa?
Anba Cristo sordagan bela beladse Babba nanaimaladbela, alamagged abelemarmogad mer ibmar isganagangi binsaega. ¿Ibu nabir be imasarsunna mer be ibmar isgangangi binsasi guega? Filipenses 4:8 absomalo, we ibmargi sunmagmarbalo:
-
¿Ibu ibmarmargi bur anmar binsaer nuedi?
-
¿Igi be binsae, Biblia absogedi, nueggwa Jehovag arbaedi, nabir anmar bendasardibe mer anmar galagwensur gudi guega? ¿Ibigala deyob be soge?
5. Jehova igarmar nue anmar bendagged
Jehova wisid igi anmar daele bur anmar nued gudi guoe, aagala anmarga sogmaid, ibu nabir anmar imasale mer galagwensur gudi guega, geb ibigala galagwensur gudi gued igar nuedsuli. Proverbios 7:7, 27 se absomalo geb VIDEO dagmarbalo. Sorba we ibmargi sunmagmarbalo:
-
¿We massigwa igi ibmar imasadbali ega igar aburusa? (Proverbios 7:8, 9 dagmalo).
-
Proverbios 7:23, 26 gi soglenaid, galagwensur gudi gued boni bibbisurye. Anmar galagwensur gudisulirdina, ¿igi anmar guosuli?
-
Be galagwensur gudisulile, ¿nabir be sadegu yeer iddodi gusardibe? ¿Ibigala deyob be soge?
Abar binsadamalad, Bab Dummad omegimalad isdar dagye. Auggi anmardi wisid, Bab Dummad Jehova bela dulemar sabgumai, abeged bela dulemar sadegu yeer iddodi gumalad. Degsoggu, anmar sadegu yeer iddodi gubimogale, Jehova igarmarba anmar nanadi gumogar gebed. 1 Corintios 6:9, 11 se absomalo, we ibmargi sunmagmarbalo:
-
¿Bab Dummad sogmadibe, omegimalad ibmar imaggedbi unnila issaggwaye?
Bab Dummad nued anmar dagmai guegala, anmar na anmar daed ogwaer gebed. ¿Bule nue anmar bendasarsunna? Salmo 19:8, 11 absomalo, we ibmargi sunmagmarbalo:
-
¿Jehova igi anmargi binsaedba anmarga e igarmar mesisa? ¿Ibigala deyob be soge?
Jehova, dulemar bendasdaed nabir e sogedba igar imagmalaga. Jehova nabir be bendasmogaled.
ABAR SOGDAMALAD: “Dulemar na niggued idu nabo gabbimalar aggarsulid”.
-
¿Bedi igi sogmoga?
WE IGARGI SUNMAGLESAD
Jehova sogmaid, massered nue na ome niggumairbi nabir na omebo gabdi guye.
Ibu be durdasa
-
¿Igi daedi neg sidsigi galagwensur gudi guedye soglege?
-
¿Ibu be bendaggoe mer be galagwensur gudi guega?
-
¿Ibigala Jehova sogedba igar imagged bur nuedi?
NABIR BE WE IBMAR DURDASBALILED
Wegine be durdaggoed, ibigala Bab Dummad sogmai, massered ome niggubiele, matrimonio imagger gebye.
“¿Bab Dummad igi dagge, dulemar matrimonio imassuli na ebo gudimalar?” (We garda jw.org gi nosad)
Wegine soglenaid, igi anmar wisi Bibliagi soglenagu dule omegiidga na san saer nuedsurye, issaggwa aa dulemar daggedba deyob soglenasuli.
“¿Dule, omegiidga na san saed issaggwadibe?” (We garda jw.org gi nosad)
Wegine be durdaggoed, igi abgan ebulegoye Bibliagi soglenai.
“Gayagi na abgan ebumaladi, ¿galagwensur gudi guedmodibe?” (We garda jw.org gi nosad)
Wegine soglenaid, ibigala omegiid wargwen na e daed ogwaedgi binsaali. Weyob nugadgi be amigoed, “Issaggwa an abin dagsasurmalad”.
“Biblia dulemar daed ogwamaid” (La Atalaya, abril 1, 2011 gad)
a Anba we ibmarmar obarbalid: galagwensur guega gayagi na ega abgan ebumalad, na sorsig gagamalad, galagwensur gunaiyob iddogega argangi na mussub mussub abgan ebumalad.
