LECCION 42
Ibu bur nuedye Bibliagi soglenai, ¿abirgin nigguedi, abirgin sadde gudi guedi?
Abar binsadamalad, dule yeer iddodi gubiele abirgin nigguer gebye. Auggi, bela dulemar abirgin nigmalad yeer iddodidiidbisurdabalid, geb bela abirgin saddemalad wile iddodidiidbisurmarmogad. Aagala, Bibliagindi soglenaid, abirgin niggued issaggwasurye, abirgin sadde gudi gued issaggwasurbarye.
1. ¿Abirginsurmalad bur nabir ibigwensur ibu ibmar imagmala?
Apostol Pablo sogsad: “Abirgin nigsurmaladga, degi, ei sui burgwismaladga an sogsundo, ar nuedirdo, bemar anyob gudi gumarmogar” (1 Corintios 7:8, 32, 33 absogo). ¿Ibigala dule abirginsuli gudiile bur nuedye soglenai? Ar dule abirginsulile e abirginga ibmar imaggedgi binsadiosulid. Degsoggu, Bab igargi sunmaggega sun ibigwensur baid neggweburse naed, ar dule e gaed saddeoed. Abirginsurmalad bur nabir ibigwensur nueggwa Biblia durdagmarbalid, Jehova ai nuedga guega.
2. ¿Ibigala bur matrimonio imagleger nuedi?
Igi abirginsurmalad nabir yeer iddodi gumala, deyobi, abirgin nigmalad nabir yeer iddodi gumarmogad. Ar Bibliagi soglenaid: “Dule ebogwad, dule wargwenadba bur nuedid” (Eclesiastés 4:9). Abirgin nigmalad Biblia sogedba igar imagdidiile yeer iddodi damalad. Ar dulemar matrimonio imasar na ega sogsadamalad, an be sabgudi guoye, ibigwensur an be imagdi guosurye, nueggwa an be aggwedi guoye. Aagala, matrimonio imasmaladdi binsadidisurdamalad e bogwad ibigwensur e meddoye, e mimmigan bab sadde dungumai guosurmarmogad.
3. ¿Abirgin nigmalad igi ibmar imagged Jehova abemai?
Jehova, Adanga ome ugsagua weyob sogsad: “Massered e babgi bangudoed, e nangi bangudoed. Geb massered e ome ebo garmagdii guoed” (Génesis 2:24). Jehova abeged, abirgin nigmalad na mussub mussub sabgudi gumalad, burgwedse geb na egi bangumalad. Jehova sogmaid, dule e abirgin diggarba neg sidsigi yolenoniggirbii unnila nabir na meddemarye. Sogmabalid, deyob ibmar gunoniggile, dule neg oaggalossulid sogoedye, na e abirgin meddodibe, meddosurdibe (Mateo 19:9). a Jehova abemasulid e sordagan omegan baid baid niggumai gued (1 Timoteo 3:2).
NUEGGWA WE IBMAR DURDAGMARGOLO
Wegine be durdaggoed, be, abirgin nigdibe, abirgin saddedibe, igi be nabir yeer iddodi gusale, geb igi be nabir yeer iddo Jehova imasbalile.
4. Be, abirginsuli gudiile, ¿igi bur nabir be nueggwa Jehovaga arbadi gusale?
Jesus sogsad, dule, abirginsuli gudiile issaggwasurye (Mateo 19:11, 12). Mateo 4:23 absomalo, we ibmargi sunmagmarbalo:
-
Jesus, omesuli gudi gusadbali, ¿igi nabir Jehovaga arbadi gusa, geb igi dulemar bendagdi gusbali?
Cristo sordagan abirginsurmalad Jesusyob ibmar imagmarmogale, nabir yeer iddodi gusmarmogaled. VIDEO dagmalo, we ibmargi sunmagmarbalo:
-
Cristo sordagan abirginsurmaladi, ¿ibu ibmar imaggedgi nabir arbasmalale?
¿Be wisina?
Bibliag soglenasulid, igi birga niggadgi bur abirgin niggulesar nuedile. Unnila soglenaid, abirgin niggued idu, wis binsaed niggued abeleye, mer unnila galagwensur gubiedba abirgin nigguedgi binsaega (1 Corintios 7:36).
5. Mer yogsaar dagge daggesur abirgin nigguo
Ome nigguedi, sui nigguedi, ibmar dodogedsulid, aagala abirgin niggued idu nueggwa binsaed abeleged. Mateo 19:4, 6 se, geb 9 absomalo, we ibmargi sunmagmarbalo:
-
¿Ibigala Cristo sordagan abirgin nigguedgi binsaalile, nueggwa binsaed abelege?
Bibliagi soglenaid, be, sui nuedga gubiele, ome nuedgardibe, be igi daed abelegoe. Auggi, dule Jehovaga arbadimogad be nigguer bur nuediled. b 1 Corintios 7:39 geb 2 Corintios 6:14 absomalo. Sorba we ibmargi sunmagmarbalo:
-
Cristo sordagan ome nigguedgi binsaalile, sui nigguedgindibe, ¿ibigala dule Jehovaga arbadimogad nigguer bur nuedile?
-
Dule Jehova sordasulid be niggusale, ¿igi Jehova bebali iddomaoe?
Moli dummad, moli bibbigwadbo edillesale, warbober oiddollesdamalad. Aayobi, Cristo sordagan, dule Jehova sordasulid niggusale, yeer oiddollesdamarmogad.
6. Jehovayob abirgin niggued igar dagmogo
Ebbenne Israel neggweburgi massergan binsa yogsaar ome medde damalad. Malaquías 2:13, 14, 16 absomalo, we ibmargi sunmagmarbalo:
-
¿Ibigala Jehova abesuli, dulemar binsa yogasaar na meddemalad?
Massered ome meddele, yeer na ome wioged, yeer na mimmigan wiobalid.
VIDEO dagmalo, we ibmargi sunmagmarbalo:
-
Be abirgin Jehova sordasulile, ¿ibu be nabir imasale ebo yeer iddodi guega?
7. ¿Igi abirgin nigmalad ibmar imaggoye Jehova sogmai?
Jehova, abirgin nigmaladga igar mesisad igi ibmar imagmaloe, abar dulemarga beedse guardaed aabali ibmar imaggega. c Auggi, dule e sogedba igar imaggeg alamagnaile, Jehova we dule bendasdamogad. VIDEO dagmalo.
Hebreos 13:4 absomalo, we ibmargi sunmagmarbalo:
-
¿Bule Jehova abirgin nigmaladga igar nued mesis be iddoge? ¿Ibigala deyob be binsae?
Jehova sogmaid, dule abirgin niggubiele matrimonio imaggoye, sogmabalid, na meddebimalale, gannar garda imagmarbaloye, bela neggweburmar irba deyob igar maidbisaaled. Tito 3:1 absomalo, we ibmargi sunmagmarbalo:
-
Be, abirgin niggale, ¿igi be wisi be matrimonio garda nue leygi mai?
ABAR SOGDAMALAD: “Ibig an matrimonio imaggoe, ar gardadi ibmarsulid”.
-
Dule deyob beg soggalir, ¿igi be ega sogsale?
WE IGARGI SUNMAGLESAD
Jehova sogmaid, abirgin niggued issaggwasurye, abirgin sadde gudi gued issaggwasurbarye. Degsoggu, dule, abirgin nigdibe, abirgin saddedibe, auggi Jehova sogedba igar imagdiile nabir yeer iddodi gued.
Ibu be durdasa
-
Abirginsurmaladi, ¿igi bur nabir nueggwa Jehovaga arbadi gusmalale?
-
¿Ibigala Bibliagi soglenai, Cristo sordagan ome nigguedgi binsaalile, sui nigguedgindibe, dule Jehovaga arbadimogad nigguer bur nuedirye?
-
Bibliagi igi soglenai, ¿igi ibmar gusarbii dulemar nabir na meddemala?
NABIR BE WE IBMAR DURDASBALILED
¿Ibigala Bibliagi soglenai, dule Jehovaga arbadiid be nigguoye?
Wegine dulemar sogbugmalad, igi na abearmala, geb igi nabir na niggunonimarbali.
Wegine gwenad wargwen sogsiid, igi Jehova e bendasa.
Dule na e abirgin meddedgi binsaalile, egi banguedgindibe, ¿ibu ibmargi binsagweler nuedile?
“Mer binsa yogasaar na meddemalo” (La Atalaya, diciembre 2018 gad)
a Nota 4 gi soglenaid, ibu ibmar ulale dule nabir na e abirgingi bangusale (e abirgin diggarba yolessuli).
b Abar neggweburmargi babgan na e mimmiganga abirgin amisdaed. Degiile, babgan nuegandi bur dule Jehovaga arbadimogad e mimmiganga uggedgi binsasdaed. Ar wismalad, dule Jehovaga arbadiid niggued bur nuedi, dule mani niggad nigguedba.
c Bemar matrimonio imassuli na ebo gudimalale, bemar na sogoedid, bemar matrimonio imaggodibe, bemar na meddemarsunnodibe.
