LECCION 44
¿Bab Dummad bela ibamar nued dagmadibe?
Jehova abeged, anmar yeer iddodi gued, abedabalid anmar ibagwengi wis iba onobalid. Auggi, ¿Bab Dummad bela iba onolemalad nued dagmadibe, inna goblegedse baggar? ¿Igi mag daglesale, anmardi nue Jehova sogedba igar imagbie, anmar wile Jehova oiddobisuli?
1. ¿Ibigala Jehova abar ibamar nued dagsuli?
Abar ibamar Jehova sogedba onolearsurnanaed, noar Bab igar odurdagmalad we ibamar onoarmalad. Abar we ibamar niamarga onolealid, abar onolesnanabalid, dulemar obinsaega, dule burgwisale e burbadi anba dula gudidaye. Dobe ise guedba abar ibamar imaglebalid, dobe aggar guedbardibe. Aagala Jehovadi weyob na e sordaganga sogmaid: “Ibmar isgana mer ebumalo” (2 Corintios 6:17). a
2. Iba soggwen dulemar nug odummogega onolegele, ¿igi Jehova dagdae?
Jehova anmarga sogmaid, mer binsamaloye dulemar bemar bendaggoye, deyob bemar binsadele, bemar yardaglegoye (Jeremías 17:5 absogo). Auggi, abar ibamar onoleged, dulemar yar bendaggega burgwismaladga. Inbaggwa bandermarga iba onolebalid, inbaggwa neggweburmarga iba onolebalid (1 Juan 5:21). Abar politicomarga ibamar onolebalid. Dulemar nug odummogega iba onolenaile, neggwebur soggwengardibe, Jehova wile iddomadaed, e sogedba ibmar imaglenasulidba.
3. ¿Iba onolenaidgi dulemar igi daele Jehova we iba nued daggosuli?
Bibliag soglenaid weyob daed nuedsurye: ‘Mungued, agumaggar iba onoged, galagwensur daed’ (1 Pedro 4:3). Inbaggwa ibamargi dulemar deyob guardamamalad, geg na bargagusdamalad. Jehova be aiga gued be abegele, mer be deyob ibamar onolemaladba aggamogar gebed.
NUEGGWA WE IBMAR DURDAGMARGOLO
Wegine be durdaggoed, nabir be yeer iddo Jehova imaggegala, mer be ibu ibamar onoger gebe.
4. Biddi ibamar Jehova nued dagsuli, mer aa ibamar onomogo
Romanos 12:2 absomalo, we ibmargi sunmagmarbalo:
-
¿Ibugine bin be binsadagoloe, be wisguega, nabir be iba soggwenba aggasmogardibe, surdibe?
-
¿Be neggweburgi ibu ibamar onolemoga?
-
¿Jehova aa ibamar nued dagmadibe?
¿Bab Dummad igi cumpleaño onoged dagbali? Bibliag soglenasulid, ebbenne Bab sordagan cumpleaño onosmarye. Unnila soglenaid, ebbenne dulemar warbo cumpleaño onosmarye, auggi, aamardi Bab sordagansurmalanad. Génesis 40:20, 22 se geb Mateo 14:6, 10 se absomalo. Sorba we ibmargi sunmagmarbalo:
-
Cumpleaño sogbo onolesadgine, ¿igi dulemar imaglesnanae?
-
Ebbenne weyob neg gusadbali, ¿igi Jehova cumpleaño onoged dag be soge?
Auggi sun be binsadabalid, “¿ar bule Jehova nue abesurdibeye, an, cumpleaño onomogad, an ibamar bamalad onobalid?”. Éxodo 32:1, 8 se absomalo. Sorba VIDEO dagmalo, we ibmargi sunmagmarbalo:
-
¿Ibigala anmar wisgued abelege, ibu ibmarmar Jehova nued dagsuli?
-
¿Igi anmar wisgusarsunna, ibu ibmarmar Jehova nued dagsuli?
¿Igi be nabir wisgusale, Jehova iba soggwen nued dagdibe, nued dagsurdibe?
-
¿Bibliagi soglenadibe we iba onomaloye? Wisguegala be balamigweler gebed, ibigala we iba onoleali.
-
¿Dule wargwen nug odummogega onoledibe, neggweburgardibe, bandergardibe? Anmardi unnila Jehova nugbi odummogoed, ar anmar wisid dulemardi anmar bendaggosuli.
-
¿Biblia sogedba ibmar imagmalodibe? Anmardi galagwensur gubisulid.
5. Mer beg nai gumalagala, nueggwa emarga sogdao, ibigala bedi bela ibamar onosuli
Dulemar beg alamaggarmalale be emarba iba soggwen onomogaga, inbaggwa beedse guardaed, “surye” emar abin sogega. Auggi, nueggwa emarga soged abelebalid, ibigala anmardi emarba iba onogosuli. Dagmaloena dule wargwenga deyob neg gusgu, igi imasa, VIDEO dagmalo.
Mateo 7:12 absomalo, we ibmargi sunmagmarbalo:
-
Bibliag igi soglenai, anmar gwenagan Jehova sordasurmalale, ¿nuedirdibe anmar ega soger, mer we iba onomaloye?
-
Be gwenaganba be bela ibamargi sigosur inigwale, ¿ibu be nabir imasale, be gwenagan mag daggega, be isdar e dagsuli?
6. Jehova abeged, anmar yeer iddodi gued
Jehova abeged, gwenadganbo anmar na yeer iddosii gued. Eclesiastés 8:15 absomalo, we ibmargi sunmagmarbalo:
-
¿Igi we versiculogi ibmar soglenaidba be wisi, Jehova abege be yeer iddodi gued?
Jehova abebalid, bela e sordagan na buraggwa yeer iddobuggwa gumalad. VIDEO dagmalo, aagine oyolenaid anmar igar iddoged dummagan gualile, igi anmar sordagan iddobuggwa gusdamala.
Gálatas 6:10 absomalo, we ibmargi sunmagmarbalo:
-
¿Nuedirdibe anmar unnila iba noed edarbedaer, dulemar bendaggega?
-
¿Sanawa bur be emarga regalo ugbidamoga, dule yamo beg sogar imagnaidgine, sulirdina, be na walagwen be iddollegedba bur be ugbidae?
-
Abar anmar sordagan na e mimmiganga iba onomarmogad, na mimmiganga regalo ugmarbalid. Be, mimmigan niggale, ¿ibu be nabir be mimmiganga imasmogale?
ABAR SOGDAMALAD: “Ar aggarsulid ibigala ebbenne we iba onolealina. Ar andi unnila na gwenaganbo yeer iddosi guega we iba onomogad”.
-
¿Igi bedi sogmoga?
WE IGARGI SUNMAGLESAD
Jehova abege inigwale anmar na gwenaganbo yeer iddosi gued, auggi abesurbalid, anmar yogasaar ibamar onoged.
Ibu be durdasa
-
¿Igi be nabir wisgusale, Jehova iba soggwen nued dagdibe, nued dagsurdibe?
-
¿Ibu anmar imagger gebe, anmar gwenagan mag iddogega, anmar aimardibe, ibigala anmardi abar ibamar wissur onoge?
-
¿Igi anmar wisi, Jehova abege anmar yeer iddodi gued, geb anmar wis iba onobalid?
NABIR BE WE IBMAR DURDASBALILED
Wegine soglenaid, Jehova sordagan wissur ibu ibamar onomala.
“¿Ibigala Jehova sordagandi bela ibamar onosurmala?” (We garda jw.org gi nosad)
Wegine soglenaid, ibigala Bab Dummad, cumpleaño onoged nued dagsuli.
“¿Ibigala Jehova sordagandi wissur cumpleaño onomala?” (We garda jw.org gi nosad)
Wegine be daggoed, wissur Navidad onogedba e aimar massigwagi dodoarmargu, igi massigwa e aimar abin guali.
¿Bule Cristo sordagan nue yeer iddodidimala Navidad onosurmaladba?
“Ibmar nued durdasmalad” (La Atalaya, diciembre 1, 2012 gad)
