LECCION 46
¿Ibigala be Jehovaga soged abelege, an begarbi arbadi saoye, geb bautizar imagbalid?
Dule, Jehovaga arbabiele bin ese gorgweler gebed, ega sogega, an begarbi arbadi saoye, geb be sogedbarbi an ibmar imagbaloye (Salmo 40:8). Bautizar imagnoniggile, geb bamalad dagmogoed, we dule bad Jehovaga sogsa, an bergabi arbadi saoye. ¿Ibigala we ibmar imagged nue abelege? Ar aadi anmar bendaggoed, bur anmar nued gudi guega. ¿Ibu be bendaggoe, be, Jehovaga arbabi gudamogaga?
1. ¿Ibigala be Jehovaga sogbi gudagoe, an begarbi arbadi guoye?
Be, Jehova sabele be ega sogbi gudamogoed, an begarbi arbadi guoye (1 Juan 4:10, 19). Bibliagi weyob soglenaid: “Bab Dummad be Dummad, bela belad be gwagegi, be san burbagi, be binsaedgi, degi, be ganguedgi be sabgue” (Marcos 12:30). ¿Igi mag daglegosunna anmar nue Jehova sabe? Anmar sunmaggedba, anmar ibmar imaggedba. Igi dule ome abealir gadi ome binaledba ome niggubi guardae, anmar gadi Jehova binarmogale, anmar ega sogbi gudamogoed, an begarbi arbadi saoye, geb anmar bautizar imagbi gudabaloed.
2. Be bautizar imasale, ¿ibu ibmar nuegan be nigguoe?
Be bautizar imasale, bela Jehova sordagan be gwenaganga gunoniggoed, be aamaryobi yeer iddodi gumogoed. Jehova be bendagmai gubaloed, geb bur bule be Jehova ai nuedga gudbaloed (Malaquías 3:16-18 absogo). Jehova be Babga gunoniggoed, geb bela neg dirbimaggar Jehova sordagan bugmalad be gwenaganga gunonimarmogoed, be gwenagan sunnaganyob be sabgumaloed (Marcos 10:29, 30 absogo). Be bautizar imagbiele, ¿bin be ibu imaggweler gebsunna? Bin be Jehova igar durdaggweler gebed, be gadi Jehova binar gubalir gebed, geb mer bibbisaar be e Massi bengubalir gebed. Geb aa sorbali be Jehovaga sogbaloed, an begarbi arbadi saoye. Bela be we ibmar imasale, be bautizar imasbalile, nabir be sadegu yeer iddodi gumogoed. Bibliagi soglenaid: Bautizar saed bemar bendaggoed (1 Pedro 3:21).
NUEGGWA WE IBMAR DURDAGMARGOLO
Wegine be durdaggoed, ibigala nue abelege be Jehovaga sogmogad, an begarbi arbadi samogoye, geb be bautizar imagbalid.
3. Anmar na sogoedid, doagala bur anmar nueggwa arbaoe
Ebbenne Israel neggweburgi abar binsasmalanad, nabir an Jehovaga arbanai, Baalga arbanai gubarye. Geg dule warboga arbalenai gulesoggua, Jehova, profeta Elias barmisad, we dulemar bendaggega. 1 Reyes 18:21 absomalo, we ibmargi sunmagmarbalo:
-
¿Israel dorgan ibu imagge daglearmala?
Israelitamaryobi, anmar na wala walagwengi sogmogoed, doagala bur anmar nueggwa arbamogoe. Lucas 16:13 absomalo, we ibmargi sunmagmarbalo:
-
Anmar nueggwa Jehovaga arbabiele, ¿ibigala geg anmar unnila doggus ibmar bamalad imaggedginbi binsae, mani amiedginbidibe?
-
¿Ibu anmar imagger gebe, Jehova mag daggega unnila anmar egarbi arbabie?
4. Jehova bela beladse be sabgumaid
Jehova anmarga buggidar ibmar nuegan ugmaid. ¿Ibu nabir anmar ega imasmogarsunna? VIDEO dagmalo.
Jehova be sabedbali, ¿beg ibu ibmarmar ugmai? Salmo 104:14, 15 geb 1 Juan 4:9, 10, absomalo, we ibmargi sunmagmarbalo:
-
Jehova anmarga buggidar ibmar nuegan ugmaid, ¿ibu ibmar beg ugmaidba bur be yeer iddomoga?
-
¿Bule Jehova be binar be iddosunna?
Dule, be ibmar abediid beg ugsale, sun be aa dulega ibmar uggedgi binsadamogoed. Deuteronomio 16:17 absomalo, we ibmargi sunmagmarbalo:
-
Jehova buggidar beg ibmar nuegan ugmasoggua, ¿be ega ibu imaggedgi binsamoga?
5. Be, Jehovagarbi arbadi gudele, be yeer iddodi guoed
Abar binsadamalad, nug dummad nigguedi, escuela dummagangi dogedi, mani ibedga guedi, yeer iddodi e imaggoye. ¿Deyob binsaed nabirdibe? VIDEO dagmalo, we ibmargi sunmagmarbalo:
-
We dule gadi futbolgi dodoged binar inigwale, ¿ibigala indasa?
-
We dule nueggwa Jehovaga arbabiedba futbolgi dodoged indasad, ¿bule igar nued imasa? ¿Ibigala deyob be soge?
Apostol Pablo, Cristo sordaganba aggaed idu abogado igar durdagnainad, judiomar igar durdagnainsoggu dule dummadga guoenad. Auggi, Cristo sordaganba aggabiedba we ibmar indasad. ¿We ibmar indasgu igi iddosdibe? Filipenses 3:8 absomalo, we ibmargi sunmagmarbalo:
-
¿Ibig Pablo sogsa, Cristo sordaganba aggaed idu ibmar imagsad, “ibmar milegedyob” guye?
-
Apostol Pablo we ibmar indasadbali, ¿ibu arbaed Jehova ega ugsa?
-
Be nueggwa Jehovaga arbaedgi binsamogale, ¿nabir be yeer iddodi gusmogardibe? ¿Ibigala deyob be soge?
Pablo, Cristo sordag gusgu, Jehova ega arbaed nued ugsad.
ABAR SOGDAMALAD: “Ar Bab Dummadga arbaeddi ibmarga be imaggosulid”.
-
Bedi igi binsamoga, ¿bule nue Jehovaga arbaed abelege?
WE IGARGI SUNMAGLESAD
Be, Jehova sabele be ega sogbi gudagoed, an begarbi arbadi saoye, geb be bautizar imagbi gudabaloed.
Ibu be durdasa
-
¿Ibigala anmar bela beladse Jehova sabgued abelege, geb ega nueggwa arbabalid?
-
Be bautizar imasale, ¿ibu ibmar nuegan be nigguoe?
-
¿Be Jehovaga sogbimoga, an begarbi arbabimoye?
NABIR BE WE IBMAR DURDASBALILED
Wegine soglenaid, ibigala we dulemar bur Jehovaga arbaedgi binsasmala.
Nusganagan binsaardamalad... ¿Bur an ibu imaggoe? An ebbenne ibmar imasadgi binsader (6:54)
Wegine soglenaid, ibigala anmar Jehovaga soged abelege, an begarbi arbadi saoye.
“¿Ibigala Jehovaga soged abelege, an begarbi arbadi guoye?” (La Atalaya, enero 15, 2010 gad)
We videogi be daggoed, dulemar bautizar imasmalad, igi iddodididamala.
Wegine soglenaid, ibigala ome wargwen binsaargusa, doagala bur nueggwa arbadi guoe. Weyob soglenaidgi be amigoed, “An wisgubi gudi daenad, ¿ibigala anmar we nabbanneggi gudii?”
“Biblia dulemar daed ogwamaid” (La Atalaya, noviembre 1, 2012 gad)
