LECCION 60
Gaddig bur nueggwa Jehovaga arbaedgi binsao
We librogine be nueggwa Jehova igar durdasad. Degsoggu, Jehova sogedba igar imagbiedba sun bad be Jehovaga sogsamogaled, an begarbi arbadi saoye, sun bad be bautizar imasbaliled. Anba be yoo aa ibmar imaggerdina, sun bad be aa ibmar imaggedgi binsadimogaled. Auggi, bautizar imasad sorba anba be Jehova igar durdagdi saed abelebalid. Nabir be Jehova ai nuedga guegala, mer be Jehova igar durdagged indagger gebed. Dagmaloena, igi be nabir imasale.
1. ¿Ibigala anmar, Jehova ai nuedga gued abelege?
Anmar alamagged abeleged, Jehova ai nuedga guega. ¿Ibigala anmar Jehova ai nuedga gued abelege? ‘Mer anmar igar nuedgi banguega’, mer Jehova igargi banguega (Hebreos 2:1). ¿Ibu anmar bendaggosunna, mer Jehova igargi banguega? Bab igargi sunmagged anmar bendaggoed, aagala, anmar nueggwa Jehovaga arbadi gued abeleged (Filipenses 3:16 absogo). ¡Jehovaga arbaed yeer iddo dule imagged! (Salmo 84:10).
2. ¿Ibu be indagged abelesuli?
We garda durdagnaid be obelomai inigwale, auggi, geb emisgi be eba igar imadoed. Aagala, Bab igar durdagnanaidga Bibliagi weyob soglenaid: ‘Dule gwabbidga gumar’ (Efesios 4:23, 24). Nabir be na be daed ogwamai guegala, Bab igar durdagged mer indaggo, walagwengi na durdagdi sao, igar iddogedse nanaed mer indagbalo. Deyob be imaggele, be durdaggoed, Jehova nue dule igi daedi, igi ibmar imagged anmar abebali.
3. ¿Ibu Jehova imaggoe, nabir be nueggwa ega arbadi guega?
Bibliagi soglenaid: “Bab Dummad [...] na e sunnad bemar nudaggoed, bemarga bela ibmar imaggoed, bemar ogannogoed” (1 Pedro 5:10). Bela anmar noedbibarsoggua, sun inbaggwa wis anmar ibmar isganganse binsaed galebi gudabaloed, deyob ibmar gudele, Jehova anmar bendaggoed, mer anmar e igargi banguega (Salmo 139:23, 24). Jehova sogmaid, an be bendaggoye, be anga nueggwa arbadi guega (Filipenses 2:13 absogo).
NUEGGWA WE IBMAR DURDAGMARGOLO
Wegine be durdaggoed, ibu be imagger gebe nabir nueggwa Jehovaga arbadi guega, geb igi Jehova be bendagmogoe.
4. Jehovas goled, mer iedao
Bali bali Jehovas gordiidba be e aiga guded, Biblia durdagged be bendasbalid. Auggi, ¿nabir bur bule be Jehova ai nuedga gusardibe? Aagala, ¿be ibu imagger gebsunna?
Salmo 62:8 absomalo, we ibmargi sunmagmarbalo:
-
Be Jehova ai nuedga gubiele, ¿ibu ibmargi nabir be ebo sunmasale?
Salmo 1:2 absomalo, we ibmargi sunmagmarbalo:
-
Be Jehova ai nuedga gubiele, ¿igi be Biblia absoger gebe?
¿Igi be nabir bur nueggwa Biblia durdasale? Be we ibmar wisgubiele, VIDEO dagmalo. Sorba we ibmargi sunmagmarbalo:
-
¿Videogi ibu ibmar soglesadba be igar imagbimoga?
-
¿Ibu ibmar bur nueggwa Bibliagi be durdagbimoga?
5. Ibu ibmar baid nabir be Jehovaga imasbalile
Be nueggwa Jehovaga arbadi gubiele, be binsabalir gebed, ibu ibmar baid nabir be Jehovaga imagsabalile. VIDEO dagmalo, we ibmargi sunmagmarbalo:
-
¿Cameron ibu imasa, bur nueggwa Jehovaga arbadi guega? Deyob ibmar imasgu, ¿igi iddosa?
Abar geg anmar baid neggweburse naed, Bab igargi sunmaggega. Auggi, anmar gudiidgi nabir anmar nueggwa Jehovaga arbadi gusmogaled. Proverbios 21:5 absomalo, sorba we ibmargi sunmagmalo:
-
¿Ibu ibmar congregacion yaggi imaggedgi be binsamoga?
-
Nabir nueggwa Bab igargi emarga sunmaggegala, ¿ibu imaggedgi be binsamoga?
Proverbiosgi ibmar soglenaidba, ¿igi nabir be ibmar imasmogale?
Nabir be we ibmar imaggedgi binsaed
-
Nueggwa Jehovas goledgi.
-
Bela Biblia absogedgi.
-
Bela gwenaganbo sunmaggedgi.
-
Bibliagi emar odurdagmogadgi.
-
Igar mayedgi arbamogadgi.
-
Massergandi, idudimalad bendaggedga guedgi.
6. ¡Nabir be sadegu yeer iddodi gusaled!
Salmo 22:26 absomalo, we ibmargi sunmagmarbalo:
-
¿Ibu be imagger gebe, nabir be emi ibagi yeer iddodi guega, geb yoogidse nabir be sadegu yeer iddodi gubaliga?
WE IGARGI SUNMAGLESAD
Alamagnai sao, nabir be Jehova ai nuedga gumogaga, nueggwa Jehovaga arbadi guedgi binsabalo. ¡Degiile nabir be sadegu yeer iddodi guoed!
Ibu be durdasa
-
¿Igi be wisi, Jehova be bendagmogoe nabir be nueggwa ega arbadi saega?
-
Be Jehova ai nuedga gubile, ¿ibu be imagger gebe?
-
¿Be ibu ibmarmar imaggedgi binsabalir nuedile?
NABIR BE WE IBMAR DURDASBALILED
¿Ibu bur Jehova nued dagdae, emarba bur bule be ibmar imagdi guedi, bur ega be nueggwa arbadi gueddibe?
Dule diggasurgus Jehovaga arbadiile, sun ibagwengi wied abargi ega ibmar imadoed. Auggi, ¿ibu imagger gebe, nabir gannar yeer iddogedgi Jehovaga arbabaliga?
Jehovaga ibmar soggwen imaggedgi be binsaele, ¿ibu be imagger gebe, nabir be aa ibmar imaggega?
“Jehova nug odummogedgi binsamalo” (La Atalaya, julio 15, 2004 gad)
Wegine soglenaid, ibigala nueggwa Jehovaga arbadi gued abelege, geb ibu be nabir imasmogale.
“Neg duggumossoggu, gaddig nueggwa Jehovaga arbadi gumalo” (La Atalaya, mayo 15, 2009 gad)
