Aimar nuegan niggued yeer iddo dule imagged. Anmarga wis neg aggar guder aamar inso anmar bendasdamarbalid. Auggi Bibliag soglenabalid, yogasaar aimar amiged nuedsurbarye. Degidde, ¿igi be nabir wisgusarsunna, doamar nabir be aimarga be imasale? Dagmaloena, doamar nabir be aimarga gusale.

1. ¿Sun dule igi daedga be aimar be imagge?

Be, dule wargwenba gadi aggadaele, binna binna be aa duleyob dae gudmogoed, be ibmar nued imadodibe, be ibmar isgana imadodibe. Internetbardibe, celularbardibe, be gadi dule wargwenbo sunmagdaele, anba be aa duleyob dae gudbaloed. Ar Bibliag soglenaid: “Dule, dule binsaed nued niggadba aggaele, binsaed nued nigga gumogoed. Dule, dule binsaedsulidba aggaele, [Jehova sogedba igar imagsurmaladba] na duggin boni amioed” (Proverbios 13:20). Jehova sordagan be aimarga be imaggerdina, be bendagmaloed nabir be nueggwa Jehovaga arbadi gumogaga, be ibmar nuegan imagdi gubaliga. Auggi, Jehova sordasurmaladba be gadi aggaerdina binna binna be Jehova igargi bangudoed. Aagala Bibliag soglenaid, mer yogasaar aimar amimaloye. Ar Jehova sordaganbarbi anmar aggadaerdina, Bibliagi soglenaiyobi nabir ‘anmar na mussub mussub bendagdi gumalad’, nueggwa Jehovaga arbadi guega (1 Tesalonicenses 5:11).

2. ¿Jehova igi bebali iddomaoe, be yogasaar aimar amider?

Jehova yogasaar dulemar e aimarga imagsulid. Bibliagi soglenaid, Jehova, “dule nuegan” e aimarga imagye (Proverbios 3:32). Auggi, anmar, Jehova sordasurmaladba gadi aggadaerdina, ¿Jehova igi anmarba iddomadae? ¡Wile anmarba iddomadaed! (Santiago 4:4 absogo). Anmar, aimar isganaganba aggasulirdina, Jehova sogedba bur anmar igar imagdaerdina, Jehova anmarba yeer iddomadaed, e aigala anmar imagmogoed (Salmo 15:1-4).

 NUEGGWA WE IBMAR DURDAGMARGOLO

4. Mer unnila be unmaladbi be aimarga imaggo

Ebbenne dule warbo israelgi gudi gusmaladgi Bibliag sunmaglenaid, Davidgi, Jonatangi. We dulemar na ebo unni dungusurmar inigwale na ai nuegan gusmalad. 1 Samuel 18:1, 2 absomalo, we ibmargi sunmagmarbalo:

• ¿Ibigala be unmaladbi be aimarga be imagged nuedsurbali, beyob ibmar nigmaladbidibe?

Romanos 1:11, 12 absomalo, we ibmargi sunmagmarbalo:

• Jehova sordagan be aimarga be imaggele, ¿igi be bendagmaloe?

¿Bia massigwa aimar nuegan amisa? VIDEO dagmalo, we ibmargi sunmagmarbalo:

• ¿Ibigala Akil babgan, Akil aimar nued dagsasurmala?

• ¿Ibigala Akil we dulemarba aggaedgi binsaali?

• ¿Akil ibu imasa, aimar amigega?

5. Igi be nabir aimar nuegan amisale

 WE IGARGI SUNMAGLESAD

Jehova sordagan be aimarga be imaggele, be yeer iddodi guoed, Jehova beb yeer iddomai gumogoed.

Ibu be durdasa

• ¿Ibigala Jehova abesuli, be yogasaar aimar amiged?

• ¿Dulemar igi damaladba anmar aggaed abelesuli?

• ¿Igi be nabir aimar nuegan amisale, aimar Jehovaga arbadimalad?