1.  Babilonia Nue Nug Niggad nue doagi

2.  ¿Sana Mesias noniggoye soglesa?

3.  Biddi procedimientos medicosgi abe ebulesdae

4.  Ibu ibmar ulale abirgin nigmalad nabir na gi bangusmalale

5.  Ibamar

6.  Boni gadi gwaged

7.  Negocio igar, geb Sanawa juezmarse igar nudaglenadabaloe

 1. Babilonia Nue Nug Niggad nue doagi

¿Igi anmar wisi, “Babilonia Nue Nug Niggadye” soglenaile, noar Bab igar odurdagmaladgi sunmaglenadae? (Apocalipsis 17:5). Ibmar sogbaa dagmaloena.

• Bela neg gasa siid. Bibliagi soglenaid, we ome, “dulemar buggidarad” birgi siye, dulemar “yar baid baidgi buggwamalad” birgi sibarye. Geb ‘we nabneggi reymar birgi neg dagmabarye’ (Apocalipsis 17:​15, 18).

• Politicomarsulid, mani ibgansurbalid. Bibliagi soglenabalid, we ome obeloledele, ‘we nabneggi reyga mamaidi’, geb dulemar “ibmar uggedgi” arbamaladi, anba gudimaloye (Apocalipsis 18:​9, 15).

• Bab Dummad nug oissodiid. We ome, mani bina gobiernomarba aggasdaedbali, Bibliagi bilenaid, ‘ome gambanussuye’ (Apocalipsis 17:​1, 2). Bela neg dirbimaggar dulemar yardagdibalid, geb aa nuggine buggidar dulemar oburgwelemamabalid (Apocalipsis 18:​23, 24).

Leccion 13, punto 6 se gannar naega

 2. ¿Sana Mesias noniggoye soglesa?

Bibliagi soglenaid, Mesias daged iduale, 69 semanas nanaoye (Daniel 9:25 absogo).

• ¿Ingu 69 semanas ebislede? Ebisleded, año 455 gi, Jesus gwaluleged idu. Aa birgagine, Nehemias, Jerusalense naded, ‘gannar Jerusalen neggwebur onudaggega’ (Daniel 9:25; Nehemías 2:​1, 5-8).

• ¿69 semanas bule sugu nagusa? Inbaggwa Bibliagi soglenadabalid, ibagwenadi birgagwena wilubye (Números 14:34; Ezequiel 4:6). Una semanaye soglenaile, birga gugle nanaoed obarnadaed. Degsoggu, 69 semanas nanaoye Bibliagi soglenaidi, 483 años nanaoed obarnaid (69, 7 bo be multiplicar saoed).

• ¿69 semanas ingu bergusa? Año 455  era comun idu ebisledele, año 29  era comunse anmarga noed, 483 años. a Año 29 gi Jesus bautizar imasad, aa unni, Mesiasga gunoniggid (Lucas 3:​1, 2, 21, 22).

Leccion 15, punto 5 se gannar naega

 3. Biddi procedimientos medicosgi abe ebulesdae

Procedimientos medicosgi ibmar soggwenna imaglesulid, inbaggwa be abe sunnadi sun gannar bega balileged. Abar we ibmarmar Bab igargi yolenanasoggua, aagala, geg anmar yogasaar ibmar imagged. ¿Ibu ibmar anmar imaggosuli? Anmar emarga abe uggosulid, anmar abe anmar sabogosurbalid, sorba anmarga operar gualir ebulegega (Deuteronomio 15:23).

¿Ibu ibmardi nabir anmar imagge? Abe sued, hemodialisis, hemodilucion, aagine ebulesdaed, maquina de recuperacion de sangre, sulirdina, circulacion extracorporea (bomba de derivacion cardiopulmonar). Auggi, anmar na walagwengi sogoed, igi anmar abe ebulegoe, anmarga operar gusoggalirdibe, anmar abe sulesardibe, anmar tratamiento soggwen imagsoggalirdibe. We ibmar imaggegala, bela doctormar na ibmar emarbi imagsurmarbalid. Degsoggu, anmar operar imagged iduale, anmarga abe suleged iduardibe, tratamiento soggwen imagged iduardibe, anmar nueggwa balamidaoed, igi anmar abe imaglegoe. Aagala, we ibmargi binsaed nue abeleged:

• An abe an sangi onolesale, wis issesaar baidsig sabolesgwelele, ¿bule an Jehova sogedba igar imagnai na iddogele an soger, we abe anba an gadsunnadye, aagala, geg ‘nabbagi eyogele’? (Deuteronomio 12:​23, 24).

• An abe onolesale, ibmar baidba wis oburulesbarsundibe sorba gannar an san yaba balilegega, ¿bule Jehova sogedba an igar imagnai na iddosale, sulirdina, Jehova sogedba igar imagnasuliyob an na iddosardibe?

Leccion 39, punto 3 se gannar naega

 4. Ibu ibmar ulale abirgin nigmalad nabir na gi bangusmalale

Bibliagi soglenasulid, abirgin nigmalad na gi bangumaloye, unnila soglenaid, dule na e abirgingi bangusale, geg dule baid nigguye (1 Corintios 7:​10, 11). Auggi, ¿ibu ibmar ulale sun anmar sordagan na e abirgingi banguedgi binsaarmalale?

• Massered budar negya see gualir: Massered, na e omega, e mimmiganga, budar ibmar bagdaer, masbela bagbisurdaer (1 Timoteo 5:8).

• Sabsur imagledi na iddoger: E abirgin sabsur e imaggedba sun egala boni amisar na iddoger, sun e oburgwisar iddobalir (Gálatas 5:​19-21).

• E abirgin Jehova igargi e obanguo dagger: Anmar sorda wargwen na iddosundibe, bar nueggwa Jehovaga arbadisurgusa, ebogwad egi alamagnaidba (Gusmalad 5:29).

Leccion 42, punto 3 se gannar naega

  5. Ibamar

Ibu ibamar Jehova nued dagsuli, anmar aa ibamar onogosurmogad. Aagala, iba soggwen onolesoggalile, anmar nueggwa binsadaoed, igi anmar ibmar imaggoe, mer anmar Jehova igargi yolegega. Ibmar sogbagge dagmaloena.

• Dule beg soggalir, felices fiestas. Dule deyob beg soggalile, sun be unnila nabir abin ega soged, “nued”. Auggi, dule bese egissalirdina, ibiga bedi wissur we iba onoye, adi ega be nueggwa sogoed.

• Be abirgin beg soggalir, an gwenagan walig iba onolenaidse mas gunnamaloye. Be naed aggar iddosulile, unnila iduaggwa be abirginga be sogoed, ibmar imaglenaid Jehova igargi yole be daggele, bedi emar bendaggosurye.

• Iba nonaidgi be dummad bega bono ugbi gualir. Geg be abgayala surye sogbalid. Bin be binsagoloed, ¿ibigala be dummad bega bono ugbie? ¿Iba nonaidbali, sulirdina, nued arbae be daggedbardibe?

• Iba onolenaidgi bega regalo uggarmarmogar. Sun dule beg sogdaged: “An wisi bedi wissur we iba onoged, auggi, wis an beg regalo ugbimogad”. Deyob ibmar gualile we ibmargi binsaed abeleged, ¿ibigala we dule bega regalo ugbie, nued beg binsaedbardibe, yamo be wilub daggegardibe? We ibmargi binsasad sorba be daggoed, be regalo suodibe, suosurdibe. Auggi, bur Jehova sogedba igar imagged abeleged, mer anmar sorba buggib binsadi guega (Gusmalad 23:1).

Leccion 44, punto 1 se gannar naega

 6. Boni gadi gwaged

Be na wisdibe, be boni gadi gwaged nigga, sulirdina, be binsadibe sun be aa boni niggarye, mer emarse we boni ogwaegala, mer dagge daggesur ibmar imaggo. Ar anmardina, weyob Bibliagi ibmar soglenaidba igar imagbied: “Ar igi na be san sabgue, deyobi dule baid be sabgumogoed” (Romanos 13:​8-10).

¿Ibu anmar imaggosunna weyob ibmar soglenaidba igar imaggega? Anmar boni gadi gwaged niggale, mer anmar dule bamalad wagar udaoed, mer anmar emar argan gadabaloed. Dulemar e negse anmar sedbisulile, mer anmar isdar iddobaloed. Bautizar saed iduale, idudimaladga anmar sogbaloed, an boni gadi gwaged nigye, mer aa boni dule bamaladse gwagega. Be binsasundibe sun be boni gadi gwaged niggarye, ome abegedgi be binsaed iduale, be examen imagged abelebaloed, wisguega, be aa boni nigdibe, surdibe. Weyob anmar ibmar imaggele mag daglegoed, anmarginbi anmar na binsasuli, ‘gwenadgangi anmar binsamoga’ (Filipenses 2:4).

Leccion 56, punto 2 se gannar naega

 7. Negocio igar, geb Sanawa juezmarse igar nudaglenadabaloe

Negocio imaglegoedgi mani ebulegoele, gardagi narmaggar mesed abelegoed, wis ibmar aggar gudele, mer sorba gwenaganbodibe, dule bamaladbodibe, gassimagnai gulegega (Jeremías 32:​9-12). Deginigwale, inbaggwa anmar sordagan, mani ulardibe, ibmar baid ulardibe, sun nabo wis isdar iddo nonidamalad. Deyob ibmar gunoniggile, nuedgi gwae igar nudagged abelegoed, emar abarginsuli.

Auggi, mani dummad ular wis igar aburusardina, dule be yardasdibe, adi, ¿igi igar nudaglebalosunna? (Mateo 18:​15-17 absogo). Jesus sogsad, deyob ibmar gusale, nabir ibmar sogbaa imaglesarye.

1. Doabo bega igar aburusa, aabo abin bin be igar nudaggedse imaggoloed (versiculo 15 daggo).

2. Anba igar nugussulirdina, gwenad wargwen, warbodibe, bad diggasurgus Jehovaga arbadimogadse bemar goloed, bemar bendaggega (versiculo 16 daggo).

3. Aa sorba anba igar nugussulirdina, geb aagine gwenagan idudimaladse bemar goloed, bemar bendaggega (versiculo 17 daggo).

Wis anmarga gwenaganbo igar aburusale, ¿ibigala mer anmar yog juezmarse gwenagan sededgi binsadaoe? Mer Jehova nuggi issaggwa sunmaglegega, mer anmar sordagangi issaggwa sunmaglebaliga (1 Corintios 6:​1-8). Auggi, ¿igi ibmar gusardina juezmarse igar onudaglenaed abelegoe? Dule leygi na e abirgin meddega, daggegardibe, doa walig bur mimmigan melledoe, masseredgi mani siggegardibe. Daggegardibe, dule burgwisad sorba doa mani suoedi, negocio soggwen bissisardibe. Weyob ibmar gusadba anmar sorda wargwen juezmarse igar nudagnabiele, Bibliagi ibmar soglenaidgi yolegosulid.

¿Igi ibmar gusale anmar sordagan anba nabir dummaganse igar nudagnabali? Massered, omegan gagasdibe, mimmigan abgangi dodosdibe, dulemar na sarsosmardibe, dule, mani dummad addursasdibe, emar oburgwisdibe. Weyob ibmar gusadba anmar sorda wargwen dummaganse igar nudagnabiele, Bibliagi ibmar soglenaidgi yolegosulid.

Leccion 56, punto 3 se gannar naega