Ҫылӑх тунӑшӑн ӳкӗнмен христианина пухуран кӑларса яни пухури ытти христиансене хӳтӗлет тата ҫылӑха кӗнӗ ҫынна хӑйне те тӳрленме май парать (1Кр 5:6, 11). Иегова хунӑ ҫак йӗркене пӑхӑннипе эпир юратнине кӑтартатпӑр. Ҫынна пухуран кӑларса яни унӑн ҫывӑх хурӑнташӗсене те, ҫылӑх тунине пӑхса тухнӑ комитетри старейшинӑсене те нумай хурлӑх кӳрет. Мӗншӗн-ха вара ҫак йӗркене пӑхӑнни юратнине кӑтартни пулать?

Пуринчен ытла эпир Иеговӑн сӑваплӑ ятне тата унӑн сӑваплӑ нормисене юратнине кӑтартатпӑр (1Пт 1:14—16). Унсӑр пуҫне, пухуран кӑларса янӑ тӑвана та эпир юратнине кӑтартатпӑр. Ҫак йӗркене пӑхӑнса тӑма ҫӑмӑл мар пулсан та, ҫапла туни тӳрӗлӗхпе канӑҫлӑх ҫимӗҫне парать (Евр 12:5, 6, 11). Пухуран кӑларса янӑ е пухуран туннӑ ҫынпа малалла та хутшӑнсан эпир Иеговӑна ӑна тӳрлетме чӑрмантаратпӑр. Асра тытӑр: Иегова хӑйӗн ӗҫлекенӗсене хаса парасса та яланах виҫеллӗ хаса парать (Иер 30:11). Айтӑр Иегова тӳрлетме хунӑ йӗркене пӑхӑнар тата малалла та Турӑпа ҫывӑхланса пырар. Ҫав вӑхӑтрах пухуран кӑларса янӑ ҫын пирӗн хӗрхенекен кӑмӑллӑ Атте патне таврӑнасса шанар (Ис 1:16—18; 55:7).

«ИЕГОВӐНА ЧУН-ЧӖРЕРЕН ПАРӐНСА ПУРӐНАТПӐР» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Ашшӗ-амӑшӗ хӑйсен ачи Иеговӑран пӑрӑнса кайсан мӗн туять?

• Камсен хурӑнташӗ Иегова Свидетелӗ пулма пӑрахнӑ, ҫавсене пуху мӗнле пулӑшма пултарать?

• Хурӑнташсене юратнинчен ытларах Иеговӑна чун-чӗререн парӑнса пурӑнмаллине Библири мӗнле тӗслӗх кӑтартса парать?

• Хурӑнташсене юратнинчен Иеговӑна чун-чӗререн парӑнни пӗлтерӗшлӗрех пулнине эпир мӗнле кӑтартма пултаратпӑр?