Ӑса кӗртесси, тӗпрен илсен, вӗрентессипе тата ӑнлантарса парассипе ҫыхӑннӑ, ҫавӑн пекех ун шутне тӳрлетесси те, наказани парасси те кӗрет. Иегова пире хӑйне юрӑхлӑ пулма пулӑшас тесе ӑса кӗртет (Рм 12:1; Евр 12:10, 11). Хӑш-пӗр чухне ӑса кӗртнине йышӑнма йывӑр пулма пултарать. Анчах та эпир пулӑшу йышӑнтӑмӑр пулсассӑн, Турӑ умӗнче таса пулса тӑрӑпӑр тата вӑл пире ырлама пуҫлӗ (Ыт 10:7). Кама ӑса кӗртеҫҫӗ тата кам ӑса кӗртет, ҫавсен мӗне асра тытмалла?

Кам ӑса кӗртет, ҫавсем валли. Старейшинӑсем, ашшӗ-амӑшӗсем тата ытти христиансем Иегова пекех юратса тата ырӑлӑх кӑтартса ӑса кӗртме тӑрӑшаҫҫӗ (Иер 46:28). Ҫынна наказани памалла чухне те унӑн лару-тӑрӑвне шута илмелле тата унпа ырӑ пулмалла (Тит 1:13).

Кама ӑса кӗртеҫҫӗ, ҫавсем валли. Кирек мӗнле наказани парсан та, пирӗн ӑна сирсе ямалла мар, ун вырӑнне пирӗн ӑна тӳрех йышӑнма тӑрӑшмалла (Ыт 3:11, 12). Пирӗн пурин те ҫитменлӗхсем пур, ҫавӑнпа та пире пурне те канашсем парса тата асӑрхаттарса ӑса кӗртни кирлӗ. Ҫакӑн пек канашсене эпир пухӑвӑн тӗлпулусенче илтме е Библире вулама пултаратпӑр. Хӑш-пӗр чухне христианин йывӑр ҫылӑх турӗ пулсан, старейшинӑсен ун ӗҫне пӑхса тухас тесе комитет йӗркелеме тивет. Эпир ӑса кӗртнине йышӑнатпӑр пулсан, пирӗн халех лайӑх пурнӑҫ пулӗ тата пуласлӑхра ӗмӗр-ӗмӗр пурӑнӑпӑр (Ыт 10:17).

«ИЕГОВА КАМА ЮРАТАТЬ, ҪАВНА НАКАЗАНИ ПАРАТЬ» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Канон мӗн ачаранпах мӗнле пурнӑҫпа пурӑннӑ тата вӑхӑт иртсен унӑн пурнӑҫӗ мӗнле улшӑннӑ?

• Иегова ӑна тӳрленме мӗнле пулӑшнӑ?

• Ҫак тӑванӑн тӗслӗхӗнчен эпир мӗне вӗренетпӗр?